1 Petero 4:11 - Baibuli I Leb Kumam 2013

¹¹ Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

1 Petero 4:11 Iomraidhean Croise

Sabuli 145:13

Ajakanut nin bedo nakanaka, doko apugan nin tie pi lwak me i kare dedede. Rwot genere i kope mege dedede, doko etie kede kisa i gi dedede kame en etimo.

Isaya 8:20

pi udo kope kede pwony kibut gi?” Ateteni jo kame yamo kamanoni likame bino kuo tuno neno lero.

Yeremia 23:22

Do ka koto oudo gin kitieko bedo i kansulo nango, koto oudo kitatamo kope na ne jo na, di koto kiko loko gi tenge ki yote areco me kuo gi, kede ki tice gi areco.”

Danieri 4:3

“Gianena kame en enyuto dongodongo! Giaura mege obedo me twer! Ajakanut mere bedo nakanaka; en ebino pug ikar dedede.

Danieri 4:34

Ingei mwakini kanyaare, ango Nebukadunesa ako tingo wanga neno malo, di wia oko yabare. Ango ako pako Ngamalo Twal; amio wor kede dwongo but en ngat kame ebedo nakanaka. En ebino pug nakanaka, doko ajakanut mere bino bedo ikar kede ikar.

Danieri 7:14

Oko mine twer me pug, deyo, kede ruom me abaka, tetekeny jo me atekerin dedede kede leb dedede tim nen tic. Loc mere tie pi kare lung, ajakanut mere likame kobino dudubo.

Matayo 6:13

Kur iwek wa opot i atama, do gwok wa ki gikarac.

Yokana 13:31

Di do Yuda otieko yai ooto, Yesu oko waco be, “Nan do kotieko mino Wot ka dano deyo, doko kotieko mino Rubanga deyo pi en.

Tice 7:38

En noni kame bin etie kede jo me Isirael kocokere i tim; en oudo etie kuno kede joakwari wa karacel kede malaika koyamo kede en i moru me Sinai, di en eko gamo kop ka Rubanga ekelo ne wa.

Joroma 11:36

Pien jame dedede owok kibute, kitie pi en, doko kidok bute. Deyo bed bute ikar kede ikar. Amen.

Joroma 12:3

Pi kisa kame komia, ango awaco ne ngat acelacel kibutu pi weko paro pi dwongo mere i yore amalo kalamo kite kame mitere ne kede, do pi bedo kede tam aber, ngat acelacel di lubere kede rom me yei kame Rubanga omie.

Joroma 16:27

Deyo bed but Rubanga acel kenekene won rieko, pi Yesu Kirisito, ikar kede ikar. Amen.

Joroma 3:2

Ateteni tie tot atota i yore dedede. Me agege, Rubanga ogeno Iyudayan kede kope mege.

1 Jokorinti 10:31

Aso, gi dedede kame itimo, akadi icami arabo imati, tim gin dedede pi mino Rubanga deyo.

1 Jokorinti 12:4

Aso, giamia tie me epone apapat, do Tipo acel nono en kame mio gi;

1 Jokorinti 3:10

Ango atio kede giamia kame Rubanga opoko na bala ngagedo kipirana; ango agero acakini me ot, dano ace tie rope. Mito dano acelacel gwok ekite kame eropo kede gere.

1 Jokorinti 6:20

Pien wun kowilo wu kede wel adwong; pi mano, tiunu kede komu pi mino Rubanga deyo.

2 Jokorinti 2:17

Pien wan likame ocal bala jo ace atot, jo kame tero kop ka Rubanga pi ot cato; do pien Rubanga en ooro wa, wan oyamo kop me ateni i Kirisito i nyim Rubanga.

2 Jokorinti 9:13

Tic me mino kony noni bino mino jo atot mio deyo but Rubanga pi kite kame wun ilubunu kede ejiri ka Kirisito kame wun itucunu, kede pi kony kame wun imiunu kede cunyu lung pi nywako kede gi kede jo apat da.

Joepeso 1:19

kede twer mere kame dwong dwongo kalikame wacere kame tie tic i but wan jo kame oyei, di lubere kede tic me twer mere kame dwong.

Joepeso 4:29

Kur di dogu yamo kop moro arac, do kwanyo kenekene kop kame gero jo bala kame mitere, tetekeny kop kame iyamunu mi winyo but jo kame tie winyo.

Joepeso 5:20

di imiunu pwoc nakanaka but Rubanga Papa pi gi dedede i nying Rwot wa Yesu Kirisito.

Joepeso 6:10

Me ajikini, bedunu di itekunu i Rwot, doko di itienu i teko me twer mere.

Jopilipi 1:11

di kuo wu opong kede anyakini me kuo kopoore, kame wok kibut Yesu Kirisito, pi mino Rubanga deyo kede pi pake.

Jopilipi 2:11

kede leb jo dedede tuco be Yesu Kirisito en Rwot, pi mino Rubanga Papa deyo.

Jokolosai 4:6

Wek kope wu bed mit nakanaka, bala gikame koketo iye munyo, tetekeny ingeunu epone kame ipoorenu dwoko kede kop ne ngat acelacel.

1 Jotesalonika 2:4

Do bala kame Rubanga opwoyo kede pi keto ejiri i cing wa, pi manono likame wan oyamo pi yomo cuny dano, do pi yomo cuny Rubanga, ngat kame tamo cuny wa.

1 Temeseo 1:17

Wor kede deyo bed but Abaka kame pugo nakanaka, kalikame to, kalikame neeno, en Rubanga acel kenekene, ikar kede ikar. Amen.

1 Temeseo 6:16

En kene kalikame eto, doko ebedo i lero kalikame ngatamoro twero noko. Likame tie ngatamoro kotieko nene arabo kame twero nene. Wor kede twer kame bedo nakanaka bed bute. Amen.

Tito 2:1

Do in miero ipwony gikame upere kede pwony me ateni.

Tito 2:15

Pwony gi kope nogi, kwai cuny gi, doko retakino gi kede akarunikin lung. Kur ngatamoro cai.

Iburanian 13:7

Yutununu jotel wu, jo kame bin owaco ne wu kop ka Rubanga; kong parunu i kom gikame epone me kuo gi okelo, di ikounu lubo epone me yei gin.

Iburanian 5:12

Pien bed bala i kare kanataman oudo wun ipoorenu do bedo jopwony, do pwodi emitere ne wu pi ngatamoro mino wu pwony me agege me kop ka Rubanga. Pwodi emitere ne wun pi pito wu kede cak, do likame kede cam anwang.

Yakobo 1:19

Imiegu kede amiegu na kame amaro, poore dano acelacel bed ngat kame bunyo winyo kop, do weko kame bunyo yamo amoto kame bunyo doko ger.

Yakobo 1:26

Ka ngatamoro paro be en ebedo dano me edini, di likame eko tweno lebe, do di engalere kene i cunye, edini mere udo kony mere li.

1 Petero 2:12

Bedunu kede iponeso abeco i dier jo kalikame Iyudayan, tetekeny bed bala gin kiwaco kop moro i komu be wun jo kame timo tim areco, wek kikaruno neno tice wu kabeco di kiko mino Rubanga deyo i Ceng me bino mere pi ngolo kop.

1 Petero 2:5

Doko bala kide kakuo, wek kogeru kede ot me Tipo ka Rubanga, pi bedo josaseredoti kacil, pi mino giayala i twer me Tipo, giayala kame Rubanga yei gamo pi Yesu Kirisito.

1 Petero 4:10

Bala kame ngat acelacel otieko udo kede giamia ka Rubanga, tiunu kede gi pi bero me jo dedede, bala jo kame tie gwoko kiber giamia apapat kame Rubanga mio.

1 Petero 4:16

Do ka ngatamoro neno can pien ebedo ngakirisito, kur lewic make, do poore emi Rubanga deyo pi jo cako ne nying nono.

1 Petero 5:11

Twer bed bute ikar kede ikar. Amen.

Yuda 1:25

but Rubanga acel kenekene, ngat kobedo Ngalak wa, deyo bed bute, kede dwongo, kede twer, kede akarunikin pi Yesu Kirisito Rwot wa, bala lem sek, nataman kede ikar kede ikar! Amen.