1 Petero 4:10 - Baibuli I Leb Kumam 2013

¹⁰ Bala kame ngat acelacel otieko udo kede giamia ka Rubanga, tiunu kede gi pi bero me jo dedede, bala jo kame tie gwoko kiber giamia apapat kame Rubanga mio.

1 Petero 4:10 Iomraidhean Croise

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Matayo 24:14

Koyaro bino tuco ejiri noni me Ajakanut ka Rubanga i piny lung, bala gi me ijura ne atekerin dedede; di do ajikini me piny ko bino tuno.

Matayo 24:21

I kare no can adwong bino bedo tie, kame epone mere likame pwodi lem otimere geno piny cakere tuno tin, doko da likame ebino medo timere.

Matayo 24:45

“Ngai do en ngatic kame genere di eriek, kame ngadwong mere kete daro ode kede jame dedede kame tie iye, pi mino jotic icegun cam iesawa kopoore?

Matayo 25:17

Ngat kame oudo ogamo talente are da oko timo kamanono, eda eko bobo udo ameda me talente are.

Matayo 25:44

“Di gin kiko bino dwoko ne be, ‘Rwot, awene en kame wan oneni kede di kec oneki, arabo di orio oneki, arabo di in ngakumbor, arabo di itie nono, arabo di ituwo, amotoko di itie i otkol di wan oko dagi konyi?’

Marako 10:45

Pien Wot ka dano da likame obino pi jo timo ne tic, do en ebino pi timo tic ne jo icegun kede pi jalo kuo mere pi lako jo atot.”

Luka 12:42

Rwot oko dwoko ne be, “Ngai ber en kame ngagwok kame genere doko di eriek, kame ngadwong mere kete daro ode kede jame dedede kame tie iye, pi mino jotic icegun cam iesawa kopoore?

Luka 19:13

En ber eko lwongo jotic mege tomon, di eko mino gi siringi tutumia tomon di ewaco negi be, ‘Timunu tic me cat kede sente gi tuno ango dwogo.’

Luka 8:3

kede Joana dako ka Cusa ngagwok jamini ka Erode, kede Susana, kede do jo atot ace kame bin omio kony me gikame kitie kede but Yesu karacel kede josiao mege.

Joroma 15:25

Bed bala kamano da, nataman ango atie ot Yerusalem pi tero kony ne jokacil.

Joroma 15:27

Cuny gi oudo yom pi timo kamanono, doko i ateteni etie banya but gi. Pien ka Iyudayan onywako winyo gin me cuny kede jo kalikame Iyudayan, jo kalikame Iyudayan da poore mino Iyudayan kony me jame.

1 Jokorinti 15:10

Do pi kisa ka Rubanga, ango atie iekite kame nan atie iye noni, doko kisa mere buta likame oko bedo me nono. Pien ango atio kitek kalamo joor icegun dedede, bed bala likame ango en kame oudo atimo, do kisa ka Rubanga kame tie keda en kame oudo timo.

1 Jokorinti 3:10

Ango atio kede giamia kame Rubanga opoko na bala ngagedo kipirana; ango agero acakini me ot, dano ace tie rope. Mito dano acelacel gwok ekite kame eropo kede gere.

1 Jokorinti 4:7

Kara ngai komii ibedo pat kede jo icegun? Nyo kame in itie kede kalikame komii amia? Aso ka komii amia, pinyo komio iwakere bala oudo likame ebedo giamia?

2 Jokorinti 6:1

I tic wa karacel kede Rubanga, wan obako dog wa butu be, kur imiunu kisa kame iudunu kibut Rubanga bed gi me nono.

2 Jokorinti 9:1

Aso kony li nango me wandiko ne wu kop kame mako konyo jokacil.

Joepeso 3:8

Bed bala ango abedo dano me ajikini kalikame pire tek kikom jokacil dedede, do Rubanga oko mina kisa noni, pi kelo ne jo kalikame Iyudayan Kop Aber i kom abar kalikame wacere ka Kirisito,

Joepeso 4:11

Giamia kame emio gin ige be, emio jo mogo odoko joor, mogo inabin, mogo jo kame tuco ejiri, mogo jokwat, kede mogo jopwony.

2 Temeseo 1:18

Akwao Rwot pi timo ne kisa i Ceng nono! Doko in ingeo kiber tice dedede kame en etimo i Epeso.

Tito 1:7

Pien bisop, bala ngagwok ka Rubanga, miero bed abongo raco moro, kur ebed ngaewaka, arabo ngangoi, arabo ngamera, arabo ngagero, amoto bedo kede eranga me mito ud,

Iburanian 6:10

Pien Rubanga timo gi dedede i yore me ateni; man bino mino likame wie wil kede tic kede amara kame wun inyutunu pire, i tic me konyo jo mege, bala kame pwodi itienu timo.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

1 Petero 5:12

Ango awandiko ne wu baluwa acecek noni kede kony kame Sila omia, en ngat kame ango atero be omin wa kame genere i Kirisito. Ango adio cunyu doko di amio wu ijura be, man en kisa ka Rubanga me ateni; cungunu iye kitek.