1 Petero 3:9 - Baibuli I Leb Kumam 2013

⁹ Kur iculunu raco kede raco, arabo ayet kede ayet; do akaka manono, kwaunu winyo ne jo kame timo ne wu kamanono, pien kolwongo wu pi manoni me wek iudunu winyo.

1 Petero 3:9 Iomraidhean Croise

Ageini 42:25

Yosepu oko mino cik be pong ipukoi gi kede cam, kede dwok sente me ngat acelacel i epuko mere, doko da be, mi gi cam me acama i yongayo. Oko timo negi kamanono.

Agole 17:13

Peko likame weko ot me dano aculo bero kede raco.

Agole 20:22

Kur iwac be, “Ango abino nyango rac kame kotimo na”; gen Rwot, di en eko bino konyi.

Agole 28:10

Ngat kame taparo dano kame ikiteso mege beco i timo gikarac bino poto i bur kame en ekunyo nono. Ngat kame li kede raco moro bino udo jamini abeco.

Matayo 19:29

Doko ngat acelacel kame oweko ude mege, imiegu arabo amiegu mege, papa mere arabo toto mere, idwe mege arabo lobo mere pira, ebino udo gikame kalamo magonogi tien tol acel, doko en eko bino udo kuo kame bedo nakanaka.

Matayo 25:34

Di do Abaka ko bino waco ne jo kame tie i bade tetu cam be, ‘Bianu wun jo kame Papa na omio wu winyo, bia igamunu winyo me ajakanut kame Rubanga oiko ne wu cako ki agege me cweno piny;

Matayo 5:39

Do ango awaco ne wu be, kur inyang raco kame dano otimo ni. Ka ngatamoro obapo lemi tetu cam, lok ne tetu ngodal da.

Matayo 5:44

Do ango awaco ne wu be, marunu jo kame dingere kede wu, doko da ikounu lego ne jo kame tidilo wu,

Marako 10:17

Di Yesu oudo tie yai ot, icuo moro oko ringini oko riondiko i nyime, di oko penye be, “Apwony aber, atim nyo me wek aud kuo kame bedo nakanaka?”

Luka 10:25

Ngapwony me Iswil oko yai malo pi tamo Yesu di ewaco be, “Apwony, nyo kame apoore timo pi udo kuo kame bedo nakanaka?”

Luka 18:18

Ngatel moro me Iyudayan oko penyo Yesu be, “Apwony Aber, atim nyo me wek aud kuo kame bedo nakanaka?”

Joroma 12:14

Kwaunu winyo ne jo kame tidilo wu; kwaunu ne gi winyo do kur ilamunu gi.

Joroma 12:17

Kur iculunu raco moro kede raco, do tamunu pi gikaber i wang jo dedede.

Joroma 8:28

Wan ongeunu be, i gi dedede, Rubanga tio pi kelo bero ne jo kame mare, jo kame en elwongo di lubere kede iik mere.

Joroma 8:30

Jo kame en oudo egeo moko kop gi sek bin en eko lwongo da; jo kame elwongo, en eko da mino gi kidoko jo kopoore; jo kame emio odoko jo kopoore, en eko da mino gi deyo.

Jogalatia 3:14

Man otimere tetekeny i Kirisito Yesu, winyo kame bin komio Aburaam bin i kom jo kalikame Iyudayan, me wek pi yei, oudunu Tipo kame kocikere pi mino wa.

Joepeso 4:32

Do bedunu jo kame mwol kede jo icegun, kame cuny gi ber, kame sasiro jo icegun bala kite kame Rubanga osasiro wuda kede i Yesu Kirisito.

1 Jotesalonika 5:15

Nenunu be likame ngatamoro kibutu oculo raco kede raco, do tamakinunu timo bero i kare lung, ngat acelacel ne ngawote kede ne jo dedede.

Iburanian 12:17

Pien wun ingeunu be, i cen mere di bin cunye oko mito udo winyo kibut papa mere, bin oko dagi mine, pien likame en eko twero udo kare me swilaro, bed bala oudo ekok akoka kede pige wange pi mito udo winyo nono.

Iburanian 6:14

di ewaco be, “Ateteni ango abino mini winyo, di ako mini ikwae atot.”

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

1 Samuel 26:11

Rwot likame yei be ating cinga pi timo raco ne dano mere kame kowiro; in kwany tong mere kame tie kawie, kede opoko me pii mere, di wan oko ot.”