1 Petero 3:8 - Baibuli I Leb Kumam 2013

⁸ Me ajikini mere, wun dedede bedunu kede cuny acel, kede da cuny me isasir but jo kame tie i peko. Marerenu bala imiegu kede amiegu i Kirisito, di itienu kede cuny me kisa kede tam me mwolo.

1 Petero 3:8 Iomraidhean Croise

Sabuli 103:13

Bala kame papa me idwe bedo kede kisa i kom gi, kamanono da kisa mako Rwot i kom jo kame lwore.

Agole 28:8

Dano kame medo abar mere i yore me medo wel me magoba kame jo poore cule, coko abar nono ne dano ace kame timo mwolo but jocan.

Sakaria 7:9

“Ango Rwot me jo yi bin awaco ne jo na kop kaman: Ngolunu kop kede ateni, nyutunu mwolo kede cuny me kisa but dano acelacel.

Matayo 18:33

do oudo ida mam ipoore timo kisa ne ngatic wadu, bala kame ada atimi kede kisa?’

Luka 10:33

Do Ngasamaria moro oko bino, di eda oudo etie i sapali mere; kakame etuno kede i nget icuo nono, en enene di eko bedo kede cuny me kisa i kome,

Tice 2:1

Di do bin ceng me Pentekoti otuno, jo koyei Kirisito dedede oudo ocokere karacel.

Tice 27:3

Oru mere oko tuno Sidon. Julias oko timo Paulo ber, en eko weke eoto but jowote pi gin gwoke.

Tice 28:7

I ngete i ngete kanono, oudo tie iye lobo me icuo moro kame nyinge Pubulio, kame oudo obedo ngapug me cula nono. En egamo wa di eko gwoko wa kiber pi ceng adek.

Tice 4:32

Ekodet me jokoyei Kirisito oudo tie kede tam acel kede cuny da acel. Likame tie ngatamoro kikom gi kame oudo waco be gikame en etie kede obedo mere kene, do gin oudo kinywako jamini dedede karacel.

Joroma 12:10

Marerenu kenu kenu, ikounu woro jo icegun kalamo.

Joroma 15:5

Ango akwao Rubanga ngat kame mio jo ikanyakin kede nwangcuny pi mino wu bedo kede tam acel, wun kenu kenu, di lubere kede anyut kame Kirisito Yesu omio,

1 Jokorinti 1:10

Imiegu kede amiegu na, ango abako doga butu i nying Rwot wa Yesu Kirisito be, wun dedede bedunu kede winyere i kope wu, kede kur apokapoka bed i diere wu. Do riberenu i cuny acel kede i tam acel.

1 Jokorinti 12:26

Ka adul acel tie i can, adulion apat dedede neno can karacel kede en; ka komio adul acel wor, adulion apat dedede lelo kede en karacel.

Joepeso 4:2

Mwolerenu di ikounu bedo jo kame dire, kede jo kame kanyakino kop me jo icegun kede amara,

Joepeso 4:31

Kwanyunu tenge cuny akec dedede, kede lilo, kede gero, kede lok, kede dubo nying jo, karacel kede cuny arac dedede.

Joepeso 4:32

Do bedunu jo kame mwol kede jo icegun, kame cuny gi ber, kame sasiro jo icegun bala kite kame Rubanga osasiro wuda kede i Yesu Kirisito.

Jopilipi 2:3

Kur itimunu gimoro kede ewaka arabo kede cuny me woro, do bedunu kede cuny me mwolo, di ikounu tero bala jo apat beco kato wun.

Jopilipi 3:16

Kenekene miero wan omokunu kitek i kom gikame otiekunu udo.

Jokolosai 3:12

Aso, bala kame wun jo kame Rubanga oyero, jokacil kame en emaro, bedunu kede cuny me isasir, mwolo, mwolere, bedo mot, kede dire.

Iburanian 13:1

Meedenu bedo kede amara kenu kenu.

Yakobo 2:13

Pien Rubanga bino ngolo kop abongo cuny me kisa ne ngat kalikame nyuto ne jo apat cuny me kisa; do cuny me kisa dwong kalamo ngolo kop.

Yakobo 3:17

Do me agege, rieko kame wok ki malo cil, doko da ekelo mulem, ebedo mot, egamo tam, etie kede cuny me kisa kede anyakini me tice kabeco, eli kede apokapoka amoto ecuke akadi atitidi moro.

Yakobo 5:11

Ateteni wan olwongo jo kame bin onyuto ikanyakin gi be jowinyo. Wun itiekunu winyo epone kame bin Yobu okanyakino kede, doko itiekunu neno adwokini me gikame Rwot oko timo ne, epone me mwolo kede cuny me kisa ka Rwot.

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Petero 2:17

Worunu jo dedede. Marunu imiegu kede amiegu wu i Kirisito. Lworunu Rubanga kede worunu ngapug adwong.

1 Petero 5:5

Kamanono da, wun jo atino, iwinyunu joadongo. Wun dedede bedunu jo kame mwolere, ngat acelacel but ngawote, pien kowandiko be, “Rubanga dagi jo kame wakere, do emio jo kame mwolere winyo.”

2 Petero 1:7

ikounu medo amara pi imiegu kede amiegu i kom cuny me woro Rubanga, kede ikounu medo amara pi jo dedede i kom amara me imiegu kede amiegu.

1 Yokana 3:14

Wan ongeunu be wan otiekunu yai ki to di okounu dokaro i kuo, pien wan omarerenu wan kenwa kenwa. Ngat kalikame tie kede amara udo etie i twer me to.