1 Petero 3:3 - Baibuli I Leb Kumam 2013

³ Kur itubusonu komu ki ooko i yore me kedo wic, ngapo mwolere me saabu, amoto i yore me ngapo igoen kabeco.

1 Petero 3:3 Iomraidhean Croise

Ageini 24:22

Kakame aguraguran bin otieko mato kede pii, ngatic nono oko kwanyo mwola me saabu, kame koketo i um, kame tie guram kany, kede alung are me ngut cing, kame acelacel tie guram tol acel,

Ageini 24:47

Di do ango ako penye be, ‘In ibedo nyar ka ngai?’ En eko waco na be, ‘Ango nyar ka Betuel, wot ka Nakor me enywalo kede Milika.’ Ango di do ako keto mwola i ume kede alung i ngut cinge.

Ageini 24:53

Di eko woto mwolere kame kotimo kede siliba kede saabu, kiton igoen di eko mino Rebeka; eko mino omin me Rebeka kede toto mere da giamia me wel amalo.

2 Abakai 9:30

Yeku bin oko tuno Jeserel. Kite kame Jesebel oudo otieko winyo kede gi kotimere, en bin eko cilo abukewange di eko iiko yer wie di eko donyo ngino piny i dier bomba ki dirisa malo i paco me abaka.

Esita 5:1

I ceng me adek Esita oko ngapo igoen mege me abaka adako di eko ot cungo i diakal me yie me paco ka abaka, di epimere kede agola alac kame kom ka abaka me ajakanut tie iye. Abaka oudo tie bedo i kom mere me ajakanut di epimere kede ekeko.

Sabuli 45:9

Anyira me abakai da tie i kom mon kame koworo me turi, i badi tetu cam cungo iye dako nin, in abaka, di engapo mwolere kame kotimo kede saabu kame kojililo kiber.

Yai 3:22

Dako acelacel me Isirael bino kwano ngakio mere, kede dako moroni kenekene kame bedo i ot ka ngakio mere, jamini abeco kame kotimo kede siliba kede saabu, kede igoen. Jo me Isirael ko bino ngapo gi nogo ne anyira kede awobe gi, di kiko tero abar me jo Misiri.”

Yai 32:2

Aaron oko waco negi be, “Kwakwanyunu mwolere kame kotimo kede saabu, kame mon wu, awobe wu, kede anyira wu tie ngapo i yit gi, di ikounu kelo gi buta.”

Yai 33:4

Kakame jo owinyo kede kope me gero nogi, gin kiko donyo koko di kiko weko ngapo mwolere me tubuso kom.

Yai 35:22

Aso, jo oko bino, cuo kede mon; jo dedede kame oudo cuny gi mito oko kelo akodeta me saabu, mwolere kame kongapo i yit, ipetai kame kongapo i lwet, irikoi kame kongapo i ngut, kede epone me jamini dedede kame kotimo kede saabu kame kongapo pi itubus, di gin kiko mino gi but Rwot.

Yai 38:8

En eko timo kalaya me nyonyo buronsi karacel kede gicibe; etime kede ilaburan me nyonyo buronsi me mon kame oudo timo tic i dog ekeko me Eema me ariamakin kede Rwot.

Isaya 52:1

Cei, cei ki wang nino, Ud teko, Okwe Sion! Ngap igoen ni acil, Okwe Yerusalem, bomba kacil; pien jo kalikame kokepo kede jo komunaun likame bobo bino donyo buti.

Isaya 61:10

Ango abino ilel pi gikame Rwot otieko timo. Cunya bino bedo yom i kom Rubanga na; piento en etieko ngapo na alako bala egoe, etieko ngapo na tim kopoore bala ekanso, bala kame eteran ngapo kede ocoro aber pi tubuso kome, kede bala kame ateran tubuso kede kome kede mwolere.

Yeremia 2:32

Benyo, wi nyako twero wil kede mwolere mege, arabo wi ateran twero wil kede egoe mere me nyom? Do jo nango wi gi otieko wil kede ango pi mwakini kalikame marere.

Yeremia 4:30

Okwe, in bomba kodoko ameje, pinyo kara itie ngapo egoe akwar me wel, pinyo kara pwodi itie tubuso komi kede mwolere me saabu di icilo wangi? In itie tubuso komi me nono! Ipalon ni alem mari otieko dagi, gin kitie mito neki.

Esekeri 23:40

“Doko da gin kibedo cwano joor pi ot lwongo cuo ki tenge kakabor, di cuo nogo da ko bino. Kakame cuo nogo tuno kede, amiegu nogo oudo bol di kiko cilo abuke wang gi, kede kiko tubuso kom gi kede mwolere.

Joroma 12:2

Kur ilubunu kuo me piny ni, do miunu kuo wu lokere pi tam anyen kame itienu kede, me wek ingeunu gikame Rubanga mito, gikaber, kame yomo cunye kede kopoore.

1 Petero 3:2

pien gin kibino neno iponeso wu acil kede kuo wu me wor.