1 Petero 3:21 - Baibuli I Leb Kumam 2013

²¹ Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,

1 Petero 3:21 Iomraidhean Croise

Sakaria 13:1

“I kare nono kobino yabo atan me lonyo ikwae ka Daudi kede jo me Yerusalem ki dub kede ki pwokere.

Matayo 28:19

Pi mano, otunu ilokunu jo me atekerin dedede dok jo kame luba, batisonu gi i nying Papa kede Wod kede Tipo Kacil,

Marako 16:16

Ngat kame yei di oko batiso en, ebino udo alako, do ngat kalikame yei kobino ngolo kop loe.

Yokana 13:9

Simoni Petero di do oko dwoko be, “Rwot kur ilwok tiena kenekene, lwok do cinga kiton wia da!”

Tice 16:33

En eko tero gi iesawa me iwor nono, di eko donyo lwoko wang aporeso gi, di do oko batiso en esawa nono, en karacel kede jo me i ode dedede.

Tice 2:38

Petero oko dwoko ne gi be, “Swilarunu di oko batiso ngat acelacel kikom wu i nying Yesu Kirisito, di Rubanga ko bino sasiro wu ki dub wu, di ikounu bino udo giamia me Tipo Kacil.

Tice 22:16

Nan do itie daro nyo? Yai batiso in, di ilwongo nying Rwot me wek lwok dub ni.’

Tice 8:36

Di bin gin kitie pwodi ot, kiko tuno i pii moro, di ebwocit nono oko waco ne Pilipo be, “Neningo, pii ine kan, nyo kara do kame genga udo batisimu?”

Tice 8:37

(Pilipo oko waco ne be, “Man gire twerere, ka in iyei Yesu kede cunyi dedede.” Icuo nono oko dwoko ne be, “Ango atieko yei be Yesu Kirisito en Wot ka Rubanga.”)

Joroma 5:14

Do to obedo kede loc cako i kare ka Adamu tuno i kare ka Musa, akadi kiton but jo kame turo iswil gi oudo likame cal kede me ka Adamu. Adamu bin tie apor me ngat kame oudo oyaro bino.

1 Jokorinti 12:13

Pien i Tipo acel, wanunu dedede kobatiso wa okounu doko kom acel, Iyudayan arabo Jogurik, ipasoi arabo jo kogonyere, wanunu dedede Rubanga otieko keto Tipo acel nono i cuny wa.

1 Jokorinti 4:6

Imiegu kede amiegu na, kope nogi ango ayamo di adwoko i koma kede i kom Apolo pi bero wu, tetekeny isiaonu kibut wan dwong me kop kame kowandiko be, “Kur ikalamo gikame kowandiko,” tetekeny ngatamoro kibutu kur wakere pi ngat acel di eko cano ngat ocelu.

2 Jokorinti 1:12

Gikame wan owakere iye en ine be, ngec me cuny wa juro be, epone me kuo wan i piny kan, kede twatwal mere epone kame wan otie bedo kede wu, tie i yore me lero kede ateni kame wok kibut Rubanga, likame kede rieko me lobo kan, do kede kisa ka Rubanga.

2 Jokorinti 7:1

Wun jo na kame amaro, bala kame otienu kede cikere nogi, wek olonyerenu ki gi dedede kame munao kom wa kede cuny wa, di okounu bedo jo kame lworo Rubanga, tetekeny odokunu jokacil atwal.

Jogalatia 3:27

Jo kame kobatiso i Kirisito kibutu otieko ngapo Kirisito.

Joepeso 5:26

En etimo man tetekeny emie edok gikacil pi kop mere, ingei lwoke i pii kame lonye,

Jokolosai 2:12

Pien di bin kobatiso wu, koyiko wu karacel kede Kirisito, di oko yaruno wu karacel kede en pi bedo kede yei i kom twer ka Rubanga, en ngat kame bin oyaruno en ki kom jo oto.

1 Temeseo 1:5

Gikame omio wan ociko gi kamano en amara kame wok ki cuny acil, kede ngec aber me cuny, kede yei me ateni.

1 Temeseo 6:12

Yi kiber i yi me yei, di iko bino udo kuo kame bedo nakanaka, kame riki kolwongi iye i kare kame ituco kede yei ni i nyim ijurak atot.

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Iburanian 11:19

Aburaam oudo tero be Rubanga karuno yaruno jo kikom jo oto. Pi mano, ka oporo apora, ecal bala Isaka oyaruno ki to di Aburaam oko game.

Iburanian 13:18

Legunu pirwa, pien wan ongeo kiber be ngec me cuny wa nyuto ne wa be, likame otie kede raco moro, doko cuny wa mito be otim gi dedede i yore aber.

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!

Iburanian 9:24

Pien likame Kirisito otieko donyo i Kabedo Kacil kame cing dano en kotimo, kame obedo cal me maca me ateni, do en edonyo malo kikokome, kakame nataman etie iye i nyim Rubanga pirwa.

1 Petero 1:3

Opwounu Rubanga Papa me Rwot wa Yesu Kirisito. Pi kisa mere kadwong, en emio konywalo wa i kuo kanyen me gen kakuo, pi iyarun ka Yesu Kirisito kikom jo oto,

1 Petero 3:16

do di itimunu kamanono kede mwolo kede wor. Bedunu kede ngec aber me cuny, tetekeny kame koyeyeto wu, lewic bin mak jo kame yeto tice wu kabeco i Kirisito.