1 Petero 3:16 - Baibuli I Leb Kumam 2013

¹⁶ do di itimunu kamanono kede mwolo kede wor. Bedunu kede ngec aber me cuny, tetekeny kame koyeyeto wu, lewic bin mak jo kame yeto tice wu kabeco i Kirisito.

1 Petero 3:16 Iomraidhean Croise

Danieri 6:4

Di jo ace kame ngingico tic me jopug me adulion, karacel kede gin jopug me adulion oko mono kop moro arac kame kitwero pido iye Danieri, kame makere kede apugan arac i ajakanut. Do gin likame kiko twero udo tien kop moro kame kitwero cungo iye pi pide, akadi kop moro amakere kede kuwo me lim amoto ajajalun i dog tic, piento en oudo egenere.

Matayo 5:11

“Itienu kede winyo ka jo cao wu di kitidilo wu, kede di kiwaco epone me kope areco dedede me abe i komu pira.

Tice 24:16

En komio ango nakanaka atamakino kede teko na dedede pi neno i cunya be, ali kede raco moro i nyim Rubanga kede i nyim jo da.

Tice 28:22

Do wan omito winyo tam nin, pien i kom kop kame mako ajange noni, wan ongeo be jo yamo kop arac i kome i kabedo dedede.”

Joroma 9:1

Ango atie waco kop me ateni i Kirisito, likame atie ngalo, ngec me cunya da, pi twer me Tipo Kacil, jurao ango

2 Jokorinti 1:12

Gikame wan owakere iye en ine be, ngec me cuny wa juro be, epone me kuo wan i piny kan, kede twatwal mere epone kame wan otie bedo kede wu, tie i yore me lero kede ateni kame wok kibut Rubanga, likame kede rieko me lobo kan, do kede kisa ka Rubanga.

2 Jokorinti 4:2

Wan otieko dagi gi dedede me lewic kame kotimo i mung; wan odagi tim me angalo arabo dwadwanyo kop ka Rubanga. Do wan opwonyo kop me ateni i lero i nyim Rubanga, di dano acelacel ko ngeno i cunye be wan jo kame beco.

1 Temeseo 1:19

di itie kede yei kede ngec aber me cuny. Jo mogo pi dagi lubo ngec me cuny gi, omio kiko reto yei gi.

1 Temeseo 1:5

Gikame omio wan ociko gi kamano en amara kame wok ki cuny acil, kede ngec aber me cuny, kede yei me ateni.

2 Temeseo 1:3

Ango apwoyo Rubanga ngat kame ango atimo ne tic kede ngec aber me cunya, bala kame bin joakwari na da otimo kede. Ango apwoye di ayutuno in nakanaka kame atie ilega iwor kede iceng.

Tito 2:8

Pwony kop kakare, kop kalikame ngatamoro twero bedo kede acae iye; di do lewic ko bino mako ngat kame piemo kede wa, pien udo likame etie kede gimoro arac kame etwero waco i kom wa.

Iburanian 13:18

Legunu pirwa, pien wan ongeo kiber be ngec me cuny wa nyuto ne wa be, likame otie kede raco moro, doko cuny wa mito be otim gi dedede i yore aber.

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!

1 Petero 2:12

Bedunu kede iponeso abeco i dier jo kalikame Iyudayan, tetekeny bed bala gin kiwaco kop moro i komu be wun jo kame timo tim areco, wek kikaruno neno tice wu kabeco di kiko mino Rubanga deyo i Ceng me bino mere pi ngolo kop.

1 Petero 2:15

Pien Rubanga mito be itimunu gikaber me wek imiunu jo aming kame kwia piny lingi.

1 Petero 2:19

Pien kopwoyo dano ka ekanyo lito, di eneno can abongo gimoro arac kame etimo, pi kite kame cunye tie kede i kom Rubanga.

1 Petero 3:21

Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,

1 Petero 4:4

Gin kitie kede ur pi neno be likame nan bobo wun iriberenu kede gi i tim otany me ekite me kuo arac, omio gin kiyeyeto wu.