1 Petero 3:11 - Baibuli I Leb Kumam 2013

¹¹ poore kiwek timo gikarac, di kiko donyo timo gikaber, poore kimoi anapakin di kiko wapo yore.

1 Petero 3:11 Iomraidhean Croise

Yobu 1:1

Bin tie icuo moro anyinge Yobu, kame oudo bedo i lobo me Us. En oudo ebedo dano kame li kede raco moro doko oudo epoore. Oudo elworo Rubanga doko di egwokere likame etimo gimoro arac.

Yobu 2:3

Rwot oko penye be, “Ibedo tie kede tam moro i kom ngatic na Yobu? Likame tie ngatamoro i wi lobo kame cal bala en, dano ali kede raco moro di epoore, dano alwora di egwokere likame etimo gimoro arac. Bed bala in oudo isupa i kome, pi kisaro en abongo tien kop moro, do Yobu pwodi oko dong lide alida bedo dano aber.”

Yobu 28:28

“En di eko waco ne dano be, ‘Ateteni lworo Rwot en rieko; doko pokere kede gikareco en niang.’ ”

Sabuli 125:4

Tim bero ne jo kame timo bero, Okwe Rwot, kede ne jo kame cuny gi cil.

Sabuli 34:14

Yai tenge ki timo gikarac, di iko donyo timo gikaber; moi gikame kelo mulem, di iko lubo yore.

Sabuli 37:27

Wek timo gikarac di iko donyo timo gikaber; iko bino bedo nakanaka i lobo kame Rubanga ocikere pire.

Agole 16:17

Jo abeco lubo gudo kame dapo gikarac; dano agwoko ekite me kuo mere daro kuo mere.

Agole 16:6

Rwot sasiro dub me jo awor di kigenere, doko da lworo Rwot mio dano gwokere likame edonyo i tim areco.

Agole 3:7

Kur in do inenere keni be iriek; kenekene bed kede lworo but Rwot di iko weko timo gikarac.

Matayo 5:45

tetekeny idokunu idwe ka Papa wu kame tie i malo. Piento en emio ceng rieny ne jo kabeco kede jo kareco da, doko en ecwao kot ne jo atimo gikame beco kede jo kame timo gikareco da.

Matayo 5:9

Kitie kede winyo jo kame kelo mulem, pien kobino lwongo gi be idwe ka Rubanga.

Matayo 6:13

Kur iwek wa opot i atama, do gwok wa ki gikarac.

Marako 14:7

Wun itienu kede jocan nakanaka, i kare moroni kenekene kame wun imitunu konyo gi kede, iromunu konyo gi. Do ango likame abino bedo kede wu nakanaka.

Luka 1:79

pi mino lero but jo kame bedo kakacol kede i tipo me to, pi nyuto ne wa yote kabeco kame kelo ne wa mulem.”

Luka 6:35

Do marunu jokwor wu, di itimunu ne gi bero, di imiunu da abongo geno be culu. Di do ikounu bino udo giamia me pwoc adwong adikinicel, di ikounu doko idwe ka Ngamalo Twal; piento en etimo bero ne jo kame li kede pwoc kede ne jo areco da.

Luka 6:9

Yesu oko waco ne gi be, “Ber kong apenyu, Iswil wa yei ne wa timo bero Ceng Sabato arabo timo raco? Marao kuo me dano arabo neke aneka?”

Yokana 17:15

Ango likame akwao be ikwany gi ki piny, do be igwok gi kibut Ngarac.

Joroma 12:18

I tetu butu ka twerere, bedunu i mulem kede jo dedede.

Joroma 14:17

Pien Ajakanut ka Rubanga likame obedo cam kede giamata, do en ebedo poore, kede mulem, kede yomcuny i Tipo Kacil.

Joroma 14:19

Wek do olubunu yor gikame kelo mulem kede kame mio wa ogero yei wa wan kenwa kenwa.

Joroma 5:1

Pi mano, bala kite kame otiekunu doko kede jo kopoore pi yei, otienu do kede anapakin kede Rubanga pi Rwot wa Yesu Kirisito.

Joroma 7:19

Pien likame atimo gikame amito kame ber, do alunyo timo gikarac kame cunya dagi.

Joroma 7:21

Aso, omio ango audo etie bala iswil be, tek ka amito timo gimoro aber, dub bedo iyapiyapi keda.

Joroma 8:6

Keto tam i kom gikame kom mito kelo to, do keto tam i kom gikame Tipo mito kelo kuo kede mulem.

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

Jogalatia 6:10

Aso, tek ka otienu kede kare, otimunu gikaber ne jo dedede, twatwal mere ne jo kame tie i ekodet me jo koyei Kirisito.

Jokolosai 3:15

Miunu mulem ka Kirisito pug cunyu, mulem noni en kame bin kolwongo wu iye i kom acel, doko bedunu kede pwoc.

1 Temeseo 6:18

Gin kipoore timo bero, kibed jo kobaro kede tim kabeco, jo kame mio kede cuny gi lung, di kitie kede cuny me nywako kede jo icegun.

Iburanian 12:14

Tamakinunu bedo kede anapakin kede jo dedede, kede da pi bedo jokacil, pien abongo en likame tie ngatamoro kame twero neno Rwot.

Iburanian 13:16

Kur wi wu wil kede timo bero, kede nywako jame kame itienu kede; pien giayala kame cal kamagonogi yomo cuny Rubanga.

Yakobo 4:17

Pi mano, ngat kame ngeo gikaber kame poore atima do di likame en eko timo, udo edubo.

1 Petero 3:12

pien wang Rwot bit i kom jo kopoore, doko ewinyo kwac gi. Do Rubanga dagi jo kame timo gikareco.”

3 Yokana 1:11

Ngawota kame amaro, kur ilub timo gikarac do lub timo gikaber. Ngat kame timo gikaber obedo dano ka Rubanga, do ngat kame timo gikarac likame pwodi oneno Rubanga.

Jongolkop 11:14

Yeputa oko bobo cwano jo odok but abaka me jo Amon