1 Petero 2:9 - Baibuli I Leb Kumam 2013

⁹ Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

1 Petero 2:9 Iomraidhean Croise

Sabuli 106:5

tetekeny ako bino neno bero kame jo ni kame in iyero bino udo, me wek ada ako bino lelo kede ateker ni pi yomcuny gi, kede ako nywako ewaka kame jo nin tie kede.

Sabuli 118:27

Rwot en Rubanga; en etieko timo ne wa bero. Makunu jange me yen i cingu ikounu cako ebaga, di ikounu ot i esirit rimaro alutari.

Sabuli 135:4

Pien Rwot otieko yero ikwae ka Yakobo pi bedo mege; eyero jo me Isirael pi bedo jo mege.

Sabuli 22:30

Ikwae me anyim bino tic ne; kobino tuco nying Rwot ne lwak me kare me anyim.

Sabuli 33:12

Etie kede yomcuny ateker kame Rubanga mere en Rwot, jo kame en etieko yero pi bedo mege.

Sabuli 73:15

Ka koto oudo awaco be, “Abino yamo bala gin,” koto oudo likame abedo kede ateni but jo ni.

Isaya 26:2

Yab irutei me bomba, tetekeny ateker kopoore kame gwoko yei gi donyi i yie.

Isaya 41:8

“Do wun, jo me Isirael, jotic na, wun en jo kame ango atieko yero, wun ikwae ka Aburaam, adieruna.

Isaya 42:16

“Abino telo jo na awang gi oto i yongayo kame gin likame kingeo, abino beo kede gi i yote kame gin lem pwodi likame kibeo iye. Ango abino loko colpiny doko lero i nyim gi, kabedere kame gwai abino mino doko pwot. Magonogi en gikame ango abino timo negi, likame abino jalo gi.

Isaya 44:1

Rwot waco be, “Nataman winyunu, Okwe wun jo me Isirael, jotic na, jo na kame atieko yero!

Isaya 61:6

Do wun kobino lwongo wu be josaseredoti ka Rwot, jotic ka Rubanga wa. Wun ibinunu camo abar me atekerin, di ikounu bedo i mulem pi abar gin.

Isaya 62:12

Wun kobino lwongo wu be “Jokacil”, “Jo kame Rwot Otieko Lako”. Yerusalem kobino lwongo be “Bomba kame Rubanga maro”, “Bomba kalikame Rubanga Oweko”.

Isaya 66:21

Ango abino mino jo mogo kikom gi bedo josaseredoti kede Jolebi.

Isaya 9:2

Jo kame oudo bedo i colo otieko neno twon lero. Jo kame oudo bedo i lobo acol cucucuc lero otieko caro gi.

Malaki 3:17

Rwot me jo yi waco be, “Gin kibino bedo jo na. I ceng kame ango abino timo iye gikame aiko pi timo, gin kibino bedo jo na amaka. Ango abino gwoko gi bala kame nganywal gwoko kede atin mere kame lubo kop mere.

Matayo 4:16

Jo kame oudo bin bedo i colo oneno lero adwong, doko jo kame bin bedo i piny acol me to, lero otieko tuno ne gi.”

Matayo 5:16

Iepone nono da miunu lero wu rieny ne jo dedede, tetekeny kinen tice wu kabeco di kiko pako Papa wu kame tie i malo.

Luka 1:79

pi mino lero but jo kame bedo kakacol kede i tipo me to, pi nyuto ne wa yote kabeco kame kelo ne wa mulem.”

Yokana 17:19

Ango amio kuo na buti pirgin, me wek gida kimi kuo gi buti i ateni.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Tice 26:18

pi yabo wang gi, me wek kilokere tenge ki colo kiko dok i lero, kede ki twer ka Sitani kiko dok but Rubanga. Man bino mino kiudo isasir ki dub kede da kiko udo kabedo i dier jo kolonyere pien kiyei ango.’

Tice 26:28

Aguripa oko waco ne Paulo be, “In kom iparo be itwero lokango adoko ngakirisito i kare acecek ni!”

Joroma 9:24

akadi kiton wada jo kame elwongo wa, likame kibut Iyudayan kenekene, do kibut jo kalikame Iyudayan da.

1 Jokorinti 3:17

Ka ngatamoro oko dudubo tempulo ka Rubanga, Rubanga da bino dudubo en. Pien tempulo ka Rubanga en kabedo kacil, doko wun en kame ibedunu tempulo nono.

Joepeso 1:14

Manoni moko be wan obinunu udo gikame Rubanga ocikere iye, en lako wa di okounu doko jo mege, pi pako deyo mere.

Joepeso 1:6

tetekeny wan opak kisa mere me deyo kame en emio wa abongo cul moro i Wode kame en emaro.

Joepeso 3:21

Deyo bed bute i ekodet me jokirisito kede i Kirisito Yesu i kare lung, ikar kede ikar. Amen.

Iswilia 10:15

Do cuny Rwot bin oko bedo i kom joakwari wu di en eko maro gin kenekene, eko yero wun ikwae gi kikom jo dedede me wi lobo, bala kame tin pwodi etie kede.

Iswilia 14:2

Pien wun ibedunu jo ka Rwot Rubanga wu; en etieko yero wun kikom jo me wi lobo lung pi bedo jo mege kikokome.

Iswilia 18:2

Gin likame kibino bedo kede lobo kobedo mergi amako gi bala jo me ikekon apat; girgi amako gi en bedo josaseredoti ka Rwot, bala kame Rwot otieko cikere kede.

Iswilia 4:20

Do Rwot bin okwanyo wun ki Misiri, kakame oudo itienu iye i lieto bala agulu me cwako nyonyo, pi wun doko jo mege obe, bala kame nataman itienu kede.

Iswilia 7:6

Pien wun ibedunu jo ka Rubanga wu. Rwot Rubanga wu otieko yero wu kikom jo me piny lung pi wun bedo jo mege, jo kame pirgi tek kibute.

Jopilipi 3:14

en ine be, ango acane ringo i tol pi udo giamia me pwoc, kame obedo kuo me malo kame Rubanga lwongo wa iye i Kirisito Yesu.

Jokolosai 1:13

En etieko lako wa ki twer me colo di eko kobo wa i ajakanut ka Wode kame emaro,

2 Temeseo 1:9

En elako wa di eko lwongo wa pi bedo jo mege kacil, likame pi tice wa, do pi iik kede kisa mere. En emio wa kisa noni i Kirisito Yesu di likame pwodi ikar ogere,

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.

1 Petero 2:5

Doko bala kide kakuo, wek kogeru kede ot me Tipo ka Rubanga, pi bedo josaseredoti kacil, pi mino giayala i twer me Tipo, giayala kame Rubanga yei gamo pi Yesu Kirisito.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

Gianyuta 1:6

di eko loko wa odoko jo me ajakanut, josaseredoti pi tic ne Rubanga mere doko Papa mere. Deyo kede loc bed bute ikar kede ikar! Amen.

Gianyuta 20:6

Kitie kede winyo doko kicil, gin jo kame kibino nywako iyarun me agege. To me are likame tie kede twer i kom akodi jo nogo, do gin kiyaro bedo josaseredoti ka Rubanga kede me ka Kirisito, di gin kiko bino pug karacel kede en pi mwakini tutumia acel.

Gianyuta 5:10

In imio gi kidoko jo me ajakanut, josaseredoti pi tic ne Rubanga wa, doko gin kibino pugo lobo.”

1 Samuel 12:22

Pien Rwot likame bino uco jo mege, likame ebino timo manoni pi gwoko nyinge adwong, pien etieko yomo cuny Rwot pi mino wun doko jo mege.