1 Petero 2:6 - Baibuli I Leb Kumam 2013

⁶ Pien kowandiko i iwandik kacil be, “Nenunu, ango atie keto kidi i Sion, kidi kame pire tek me esonda, kidi me wel kame ango ayero, likame kobino mino lewic mako ngat kame yei en.”

1 Petero 2:6 Iomraidhean Croise

Ageini 49:24

Do emal mere bin oko dong di kingiking, di cinge oko bedo mit yi pi teko me Won Twer ka Yakobo, ngat kame obedo Ngakwat kede Lela me Isirael.

Sabuli 40:14

Mi lewic kede atotolun mak jo kame mito kwanyo kuo na; mi koriam jo kame mito timo na rac, kidok cen kede lewic.

Sabuli 89:19

Di do in bin iko waco i gianyuta ne jo ni kame geni be, “Ango atieko keto ocoro me ajakanut i wi dano kame tie kede twer, atieko tingo malo dano kame ango ayero kikom jo.

Isaya 28:16

Pi manono, Rwot owaco be, “Ango atie cibo i Sion kidi me acakini me apama, kidi kame kotieko tamo, kidi me wel amalo, en ebino bedo acakini atek me apama mere. Ngat kame gene likame bino bedo kede mielkom moro.

Isaya 41:11

“Jo kame cuny gi wang i komu, kobino mino lewic mako gi; jo kame yi kede wu bino doko gimoro li, doko kibino to.

Isaya 42:1

Rwot waco be, “Ngatic na kame ango akonyo ine, en ngat kame ango atieko yero kame cunya yom i kome. Ango atieko keto tipo na i kome; en ebino kelo tim kame poore but atekerin dedede.

Isaya 46:13

Ango atie bino lako wu i kare kiyapiyapi, likame alako wu bor. Ango likame abino gal bino lako wu; abino lako bomba me Sion, pien jo me Isirael obedo deyo na.”

Isaya 50:7

Rwot Rubanga en kame konya; pi mano, lewic likame bino maka. Ango abino mino wanga bedo tek twatwal. Ango angeo be likame kobino mina lewic,

Isaya 54:4

Kur ibed kede lworo, pien likame bobo lewic bino maki; kur imi cunyi dwono, pien likame kobino mini lewic. Wi bino wil kede lewic me kare me aponga ni, doko lewic kame oudo itie kede me bedo apuserut likame ibino yutuno bobo.

Sakaria 10:4

Kibut gi bino wok kiye ngatel kame tek bala kidi me esonda me ot, kede bala loc kame koguro me gero eema, kede bala tir me emal, kede da bino wok kibut gi jodongo dedede me Isirikalen.

Matayo 12:18

“Man en ngatic na kame ayero, en kame cunya maro, doko cunya yom i kome. Abino mine Tipo na Kacil, di en eko bino tuco ne jo kalikame Iyudayan be ango angolo kop kede ateni.

Marako 12:10

Mam itiekunu somo iwandik kacil kame waco be, “‘Kidi kame jogedo odagi, en kame olokere oko doko kidi me esonda kame pire tek;

Luka 20:17

Do en eko ngoloro gi, di eko penyo gi be, “Nan do dwong me iwandik noni en nyo, iwandik kame waco be, “‘Kidi kame jogedo odagi, en kame olokere oko doko kidi kame pire tek me esonda’?

Luka 23:35

Jo oko donyo cungo kanono di kingie. Do jopug oko donyo junye ne di kiwaco be, “En etieko lako jo apat, ber kong eda elakere kene, ka di en ebedo Kirisito ka Rubanga, ngat kame Rubanga oyero!”

Yokana 7:38

doko ngat kame yei ango wek emat pii. Bala kite kame iwandik kacil waco kede be, ‘Icileta me pii me kuo bino mol wok ki cuny ngat kame yei ango.’ ”

Tice 1:16

“Jowota, iwandik kacil oudo miero cobere kakare, kame bin Tipo Kacil owaco i dog Daudi i kom Yuda, ngat kame bin otelo jo pi ot mako Yesu.

Joroma 10:11

Iwandik kacil waco be, “Likame tie ngatamoro kame yei en, kame kobino mino lewic mako.”

Joepeso 1:4

En riki eyero wa i Kirisito pi amara mere di pwodi likame kogeo cweno piny, pi wan bedo jokacil kame li kede raco moro i nyime.

Joepeso 2:20

kame kogero i wi acakini kobedo joor kede inabin, di Kirisito Yesu en kame obedo kidi kame pire tek i gedo nono.

2 Temeseo 3:16

Iwandik kacil dedede owok kibut Rubanga, doko kibeco me pwonyo jo, me bunano jo, me rieno jo, kede me pwonyo jo bedo di kipoore,

1 Petero 2:4

Bianu bute, en kidi kakuo, kame jo odagi, do i nyim Rubanga ebedo kidi me wel kame en eyero.

1 Petero 2:8

kede doko be, “En kidi kame bino getaro jo, kidi kame bino mino gi kipopoto.” Gin kigetar pien kidagi winyo kop ka Rubanga, bala kame oudo kotieko iiko ne gi kede cako sek pi timo kamanono.

2 Petero 1:20

Me agege mere, ipoorenu niang be, likame tie kop moro me imurai kame enabi owaco i iwandik kacil kame dano moro twero gonyo dwong mere en kene;

2 Petero 3:16

di eda eyamo kop acel noni bala kame etimo i baluwan mege dedede. Tie gimogo i baluwan nogo kame niang tek, kame jo kame kwia piny kede jo kame yei gi yagayaga dwadwanyo di ko kelo ne gi rwenyo, bala kame kitimo kede i iwandik kacil ace.