1 Petero 2:4 - Baibuli I Leb Kumam 2013

⁴ Bianu bute, en kidi kakuo, kame jo odagi, do i nyim Rubanga ebedo kidi me wel kame en eyero.

1 Petero 2:4 Iomraidhean Croise

Isaya 28:16

Pi manono, Rwot owaco be, “Ango atie cibo i Sion kidi me acakini me apama, kidi kame kotieko tamo, kidi me wel amalo, en ebino bedo acakini atek me apama mere. Ngat kame gene likame bino bedo kede mielkom moro.

Isaya 42:1

Rwot waco be, “Ngatic na kame ango akonyo ine, en ngat kame ango atieko yero kame cunya yom i kome. Ango atieko keto tipo na i kome; en ebino kelo tim kame poore but atekerin dedede.

Isaya 55:3

“Cikunu yitu di ikounu bino buta; winyunu, tetekeny ibedunu kuo. Ango abino timo kede wu isikan kame bedo nakanaka, isikan me amara na kalikame lokere, kede kame genere, kame bin amio Daudi.

Yeremia 3:22

Okwe wun idwe kalikame genere, dwogunu but Rwot Rubanga wu, en ebino cango yote wu areco me bedo jo kalikame genere. Wun iwacunu be, “Neningo, wan ige odwogo but Rwot, piento en ebedo Rwot Rubanga wa.

Danieri 2:34

Kakame in oudo itie nene kede, oko muko kidi, likame cing dano en komuke, di kidi nono oko dipo tien cal nono kame oudo kotimo kede ayon kede elupe, di eko ngingido tiene ngidingid.

Danieri 2:45

In ineno kite kame kidi omukere kede ki moru abongo cing ngatamoro mule, di eko ot dipo paka nyinyito ayon, buronsi, elupe, kede siliba, kede saabu. Adwong, i ilek ni Rubanga adwong otieko waco ni gikame bino timere, doko da kite kame ango agonye kede tie kakare.”

Sakaria 3:9

Kidi kame ango aketo i nyim Yosua kame tie kede nyime kanyaare, ango abino goro iye iwandik di ako bino kwanyo raco me lobo noni i ceng acel kenekene, ango Rwot me jo yi en awaco.

Sakaria 4:7

Moru kame tie i nyimi no bino doko kakagereger. In ibino temuno gero tempulo; kakame itie keto kede kidi mere me ajikini me apama, jo bino ilelem be, ‘Ecil, Ecil!’ ”

Matayo 11:28

“Bianu buta wun jo dedede kame ool kede kame yec odio, ango abino mino koru wei.

Matayo 12:18

“Man en ngatic na kame ayero, en kame cunya maro, doko cunya yom i kome. Abino mine Tipo na Kacil, di en eko bino tuco ne jo kalikame Iyudayan be ango angolo kop kede ateni.

Matayo 21:42

Yesu oko waco ne gi be, “Mam itiekunu somo iwandik kacil be, “‘Kidi kame jogedo odagi en kame olokere oko doko kidi me esonda kame pire tek; man Rwot en kotimo, doko i wang wa etie gi me aura’?

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 5:26

Pien bala kite kame Papa kikome en kame kuo wok kibute, kamanono da etieko mino Wod bedo ngat kame kuo wok kibute.

Yokana 5:40

Do di idagunu bino buta tetekeny ibedunu kede kuo kame bedo nakanaka.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:57

Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Joroma 5:10

Pien ka i kare kame wan oudo pwodi otienu kede jokwor ka Rubanga, en eko dwoko wa i nywak kede en pi to ka wode, do akalamo mano, bala kame nan do otiekunu dok i nywak kede en, Kirisito bino do lako wa kede kuo mere.

1 Jokorinti 3:11

Pien likame bobo tie acakini moro ace kame ngatamoro romo cako gero apat kede kame kotieko cako, en Yesu Kirisito.

Jokolosai 3:4

Ka Kirisito ngat kame obedo kuo wu bino neeno, wuda ibinunu neeno karacel kede en i deyo.

1 Petero 1:19

do kotime kede remo ka Kirisito, remo kame wel mere dwong, kame cal bala me katin romo kalikame tie kede gimoro arac arabo pwokere moro i kome.

1 Petero 1:7

Magonogi tie timere pi nyuto ateni me yei wu. Akadi saabu da gikame karuno dubere kotame kede mac; pi mano, akadi yei wu da, gikame pire tek kalamo saabu, miero kotame kede mac, tetekeny ekaruno kanyakino. Di do ikounu bino udo pwoc, kede deyo, kede wor i Ceng kame kobino nyuto kede Yesu Kirisito.

1 Petero 2:7

Kibutun jo kame yei, en ebedo gi me wel; do kibut jo kalikame yei, ebino timere bala kame kowandiko be, “Kidi kame jogedo odagi olokere odoko kidi kame pire tek me esonda,”

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

2 Petero 1:4

Pi deyo kede bero mere, en emio wa cikere me wel amalo kame pirgi tek, me wek ikarununu bwot ki dubere kame tie i piny pi mit arac me kom, di ikounu doko jo kame nywako kite me kuo ka Rubanga.