1 Petero 2:21 - Baibuli I Leb Kumam 2013

²¹ Kolwongo wu pi kop noni, pien Kirisito da oneno can piru, di eko weko ne wu anyut me aluba, me wek ilubunu tiene.

1 Petero 2:21 Iomraidhean Croise

Sabuli 85:13

Poore bino telo ne Rwot yongayo di eko iiko ne kabeo.

Matayo 10:38

Doko ngat kalikame riongo musalaba mere di eko donyo luba, udo likame epoore pi bedo mera.

Matayo 11:29

Riongunu ayoko na ikounu pwonyere kibuta, pien ango awor doko amwol i cunya, di ikounu bino udo wei.

Matayo 16:24

Yesu oko waco ne josiao mege be, “Ka ngatamoro mito luba, ber kong edagere kene di en eko riongo musalaba mere eko luba.

Luka 24:26

Mam oudo poore Kirisito nen can nogi dedede, di do en eko donyo i deyo mere?”

Yokana 13:15

Pien ango atieko mino wu anyut, tetekeny wuda itimunu ne jo apat bala kite kame ango atimo ne wu kede.

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Tice 14:22

Gin oudo kimio tekcuny but jo koyei Kirisito di kikwao gi pi dong di kitek i yei. Doko di kiwaco ne gi be, “Wan miero obeunu i peko atot pi donyo i Ajakanut ka Rubanga.”

Tice 17:3

En oudo egonyo ne gi dwong kop me iwandik kacil, di enyuto ne gi be Kirisito oudo miero nen can di eko yaruno kikom jo oto. Doko ewaco be, “Yesu kame ango apwonyo wu kop i kome noni en kame obedo Kirisito.”

Tice 9:16

Ango ayaro nyuto ne epone kame miero enen kede can pi nyinga.”

Joroma 8:29

Pien Rubanga oudo ogeo moko sek pi loko doko cal kede Wode jo kame en oudo egeo ngeno, tetekeny Wode bed kao kikom imiegu atot.

1 Jokorinti 11:1

Lubunu ekite nango, bala kame ango da alubo kede ekite ka Kirisito.

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.

Jopilipi 2:5

Bedunu kede tam noni i diere wu bala kame Kirisito Yesu da oudo tie kede:

1 Jotesalonika 3:3

tetekeny ngatamoro kur yei mere dok cen pi itidil nogi. Wuda kikomu ingeunu be wan miero obeunu iye itidil nogi.

1 Jotesalonika 4:2

Pien wun ingeunu cik kame wan omio wu i akarunikin ka Rwot Yesu.

2 Temeseo 3:12

Ateteni, kobino tidilo jo dedede kame mito bedo kede kuo me woro Rubanga i Kirisito Yesu.

Iburanian 2:10

Pien oudo etie gikame opoore pi Rubanga, ngat kame ocweo jame dedede, kede kame jame dedede tie pire, pi mino ngat kame ocako alako beno i can me to, kame oko mine edoko ngat kame oudo epoore bedo. Rubanga otimo kaman tetekeny emi jo atot nywak deyo mere.

1 Petero 1:20

En oudo koyere sek di pwodi likame kocako cweno piny, do oko nyute piru i kare me ajikini noni.

1 Petero 2:24

En eyeo dub wa i kome i wi musalaba, tetekeny wan ojikunu dubo di okounu bedo kede kuo kopoore. Itiekunu cango pi aporeso mege.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Petero 3:9

Kur iculunu raco kede raco, arabo ayet kede ayet; do akaka manono, kwaunu winyo ne jo kame timo ne wu kamanono, pien kolwongo wu pi manoni me wek iudunu winyo.

1 Petero 4:1

Bala kame Kirisito oneno kede can, wuda bedunu kede tam kame cal kamanono, pien ngat kame kome neno can udo ejiko timo dub,

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

1 Yokana 2:6

ngat kame waco be, “Ango atie i en,” poore ebed iepone kame en oudo ebedo kede.

1 Yokana 3:16

Epone kame wan ongeo kede amara en ine: Kirisito ojalo kuo mere pirwa. Pi mano, poore wada ojalunu kuo wa pirwa kenwa kenwa.

Gianyuta 12:11

Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to.