1 Petero 2:2 - Baibuli I Leb Kumam 2013

² Bala atin mukeru kame pwodi konywalo anywala, bedunu kede imue me cak kame Tipo mio, me wek emi wu idongunu ikounu udo alako,

1 Petero 2:2 Iomraidhean Croise

2 Samuel 23:5

Manono en gikame Rubanga bino timo ne oda, piento en etieko timo isikan kame bedo nakanaka keda, cikere atie odocon kalikame kobino turo. Rubanga bino mino manoni timere, en ebino konya; manoni en gikame cunya mito.

Yobu 17:9

Do ngat kopoore meede ameda kede ekite mere, doko da ngat araco moro li i cinge medo doko tek ameda i cunye.

Agole 4:18

Do yongayo kame jo kopoore lubo cal bala lero kame bino owal owal, kame meede ameda tuno ceng wok.

Kosea 14:5

Abino bedo ne jo me Isirael bala toyo abido piny. Gin kibino tuuro bala ature kame kolwongo be lili; aliasin gi bino donyo kakatut bala yen me abum me Lebanon.

Kosea 14:7

Gin kibino bobo gwok i dud tipo nango. Kibino bedo libaliba bala kodi atie dongo i poto; kibino tuuro bala olok di nying gi ko bedo iruo bala bwini me Lebanon.

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Malaki 4:2

Do pi wun jo kame wora, twer me alako na bino rieny i komu bala ceng, di ebino kede cango bala asara me ceng. Ibinunu sosomo pi yomcuny bala roce kame kogonyo ki awi.

Matayo 18:3

di eko waco be, “Ateteni awaco ne wu be, kalikame ilokerenu ikounu doko bala idwe, likame ibinunu donyo i Ajakanut me malo.

Matayo 19:14

Do Yesu oko waco be, “Wekunu idwe atino bin buta, kur igengunu gi; pien Ajakanut me malo tie pi jo kame cal bala gin.”

Marako 10:15

Ateteni awaco ne wu be, ngat kalikame gamo Ajakanut ka Rubanga bala atin atitidi, likame ebino donyo iye.”

Luka 18:17

Ateteni awaco ne wu be, ngat kalikame gamo Ajakanut ka Rubanga bala atin atitidi, likame ebino donyo iye.”

Joroma 6:4

Pi mano, di bin kobatiso wa, koyiko wa karacel kede Kirisito i to, tetekeny bala kame Papa oyaruno en kede kikom jo oto pi twer me deyo mere, wek wada obedunu kede kuo anyen.

1 Jokorinti 14:20

Imiegu kede amiegu na, kur ibedunu bala idwe i tam wu, akaka manono bedunu bala imukerun kame tie abongo gikarac moro, kede bedunu jo kocato i tam wu.

Joepeso 2:21

Gedo lung cungo ribakin karacel i Kirisito, di en eko dongo edoko tempulo kacil i Rwot.

Joepeso 4:15

Do akaka manono, pi yamo kop me ateni kede amara, wan miero obedunu jo kame tie dongo i yore dedede i Kirisito, en ngat kame ebedo wi wa.

2 Jotesalonika 1:3

Imiegu kede amiegu na, wan miero opwoi Rubanga nakanaka piru bala kame poore, pien yei wu tie dongo, doko amara kame ngat acelacel kibutu tie kede pi jo icegun da tie meede.

1 Petero 1:23

Pi kop ka Rubanga, kop kame kuo kede kame bedo nakanaka, wun kotieko nywalo wu idokunu jo kanyen, bala idwe kame nganywal gi likame to do weko kame nganywal gi to.

2 Petero 3:18

Do meedenu dongo i kisa kede i ngec ka Rwot, ngat kame obedo Ngalak wa Yesu Kirisito. Deyo bed bute nan kede ikar kede ikar. Amen.