1 Petero 2:12 - Baibuli I Leb Kumam 2013

¹² Bedunu kede iponeso abeco i dier jo kalikame Iyudayan, tetekeny bed bala gin kiwaco kop moro i komu be wun jo kame timo tim areco, wek kikaruno neno tice wu kabeco di kiko mino Rubanga deyo i Ceng me bino mere pi ngolo kop.

1 Petero 2:12 Iomraidhean Croise

Sabuli 37:14

Jo areco woto epima kede kiciko imalia gi me neko jocan kede jo apiny olo, me neko jo atimo gi kopoore,

Sabuli 50:23

Ngat kame kelo na mic mere me pwoc bala giayala udo emia wor; ngat kame lubo yongayo kopoore, abino nyuto ne alako na.”

Isaya 10:3

Nyo kame ibinunu timo i ceng kame Rubanga bino mino wu kede alola? Nyo kame ibinunu timo kame en ekelo can i komu ki piny abor? Ibinunu ringo but ngai pi konyo wu? Doko da ibinunu weko abar wu ne ngai?

Danieri 6:4

Di jo ace kame ngingico tic me jopug me adulion, karacel kede gin jopug me adulion oko mono kop moro arac kame kitwero pido iye Danieri, kame makere kede apugan arac i ajakanut. Do gin likame kiko twero udo tien kop moro kame kitwero cungo iye pi pide, akadi kop moro amakere kede kuwo me lim amoto ajajalun i dog tic, piento en oudo egenere.

Matayo 10:25

Etie gikaber ka ngat kame somo odoko bala ngapwony mere, kede ka ngatic da odoko bala ngadwong mere. Ka gin kilwongo won ot be Belsebul, kibino do waco kope areco me angalo kalamo i kom jo mege me ot nono.

Matayo 5:11

“Itienu kede winyo ka jo cao wu di kitidilo wu, kede di kiwaco epone me kope areco dedede me abe i komu pira.

Matayo 5:16

Iepone nono da miunu lero wu rieny ne jo dedede, tetekeny kinen tice wu kabeco di kiko pako Papa wu kame tie i malo.

Matayo 9:8

Kakame ekodet oneno kede gi kotimere, lworo omako gi di kiko pako Rubanga pi mino jo akarunikin acal kamano.

Luka 1:68

“Pak bed but Rwot Rubanga me Isirael, piento en ebino but jo mege di eko lako gi.

Luka 19:44

Gin kibino tyaikino in piny di kiko nyinyito jo ni dedede kame bedo kanono; doko likame kibino weko kidi moro di odokakin i wi kidi ocelu, pien in likame oudo ingeo esawa me alako ni.”

Luka 6:22

“Itienu kede winyo ka jo dagi wu, di kipoko wu tenge kikom gi, di kiyeyeto wu, di kidubo nying wu pi Wot ka dano.

Yokana 13:31

Di do Yuda otieko yai ooto, Yesu oko waco be, “Nan do kotieko mino Wot ka dano deyo, doko kotieko mino Rubanga deyo pi en.

Tice 15:14

Esimioni otieko tatamo ne wa epone kame Rubanga bin ocako paro kede pi jo kalikame Iyudayan, di en eko yero kikom gi jo kame kolwongo kede nyinge.

Tice 24:13

Doko da likame kitwero nyuto ni be, gikame gin kipida iye tie me ateni.

Tice 25:7

Kakame Paulo otuno kede, Iyudayan kame bin owok ki Yerusalem oko cungo oluke, di kiko cako kelo pido mogo atot adongodongo i kome, pido kalikame kitwero nyuto ateni gi.

Tice 28:22

Do wan omito winyo tam nin, pien i kom kop kame mako ajange noni, wan ongeo be jo yamo kop arac i kome i kabedo dedede.”

Joroma 12:17

Kur iculunu raco moro kede raco, do tamunu pi gikaber i wang jo dedede.

Joroma 13:13

Obedunu kede tim kame kelo wor bala otienu i dier iceng, likame bedo kede yomcuny arac kede amera, likame timo caro arabo mit me lewic, likame lok arabo timo nyeko.

Joroma 14:18

Pi mano, ngat kame tio ne Kirisito, Rubanga game, doko jo da pwoye.

Joroma 15:9

kede me wek jo kalikame Iyudayan pak Rubanga pi cuny me kisa mere, bala kame kowandiko kede be, “Pi mano, ango abino paki i dier jo kalikame Iyudayan, di ako wero were me pako nyingi.”

1 Jokorinti 14:25

di oko bino woto mung me cunye kakaler. Mano bino mine eriondiko piny pi woro Rubanga, di etuco be, “Ateteni Rubanga tie i diere wu kan.”

2 Jokorinti 1:12

Gikame wan owakere iye en ine be, ngec me cuny wa juro be, epone me kuo wan i piny kan, kede twatwal mere epone kame wan otie bedo kede wu, tie i yore me lero kede ateni kame wok kibut Rubanga, likame kede rieko me lobo kan, do kede kisa ka Rubanga.

2 Jokorinti 13:7

Do wan okwao Rubanga be wun kur itimunu gimoro arac, likame pi nyuto be wan en kame do otieko timo kiber, do pi wek wun iromunu timo gikame opoore, bed bala eneeno bala wan otieko poto.

2 Jokorinti 8:21

Pien wan otie kede tam me timo gi kopoore, likame i nyim Rwot kenekene, do i nyim jo da.

Joepeso 2:3

Wada i kare moro oudo ocalunu kede gin i mit me kom wa, di olubunu mit me kom wa kede tam wa. Pi mano, iekite me kuo me kom, wan oudo obedunu jo kame poore pi udo lilo ka Rubanga bala jo apat dedede.

Joepeso 4:22

Wun do miero ikwanyunu tenge ekite wu acon, en kuo wu acon kame oudo odubere pi angalo me mit mere.

Jopilipi 1:27

Kenekene miunu ekite me kuo wu bed bala kame ejiri ka Kirisito mito, tetekeny akadi ka ango abino pi neno wu arabo li, abino winyo kop i komu be icungunu di itekunu kede cuny acel, kede tam acel, di itienu cane karacel pi yei kame ejiri okelo,

Jopilipi 4:8

Me ajikini mere, imiegu kede amiegu na, ketunu tam wu i gi dedede me ateni kame poore awora, i gi dedede kame opoore, i gi dedede kacil, i gi dedede kame jo maro, i gi dedede kame pirgi tek, i gi dedede kame ber adikinicel kede i gi dedede kame poore apaka.

1 Jotesalonika 4:12

Man bino mino iudunu wor kibut jo kalikame tie i ekodet me jokirisito, di ikounu bino cungo kenu abongo mono kony kibut ngatamoro.

1 Temeseo 2:2

pi abakai kede jo dedede kame tie i ruom amalo, tetekeny obedunu kede kuo me anapakin kede me mulem, di oworunu Rubanga kede di otienu kede tim abeco i yore dedede.

1 Temeseo 4:12

Kur ngatamoro bed kede acae buti be pien in pwodi ititidi, do bed anyut me aluba but jo koyei Kirisito; i yamo kede i ikiteso, i amara, i yei kede pi bedo abongo raco moro.

1 Temeseo 5:10

Miero ebed dako kame jo jurao be etimo tice kabeco: dako kopito idwe mege kiber, dako kame oudo gamo wele, kame oudo mwolere timo tice ne jokirisito icegun, dako kame okonyo jo kame oudo tie i peko, kede kame jalere timo bero i yore dedede.

Iburanian 13:18

Legunu pirwa, pien wan ongeo kiber be ngec me cuny wa nyuto ne wa be, likame otie kede raco moro, doko cuny wa mito be otim gi dedede i yore aber.

Iburanian 13:5

Kur ibedunu kede amara atek i kom sente, do miunu gikame itienu kede rom wu, pien Rubanga owaco be, “Ango likame abino weki amoto jali.”

Yakobo 3:13

Ngai kibutu en kame riek doko di etie kede niang? Ka tie ngat kame riek, poore kuo mere aber nyut tice mege kame etimo kede cuny me mwolere kame wok ki rieko mere.

1 Petero 2:15

Pien Rubanga mito be itimunu gikaber me wek imiunu jo aming kame kwia piny lingi.

1 Petero 3:16

do di itimunu kamanono kede mwolo kede wor. Bedunu kede ngec aber me cuny, tetekeny kame koyeyeto wu, lewic bin mak jo kame yeto tice wu kabeco i Kirisito.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

2 Petero 3:11

Bala kame kobino tieko kede jamini nogi iepone noni, wun do miero ibedunu jo acal nadi? Miero ibedunu kede kuo kacil me woro Rubanga,

Lusi 3:14

Aso, Lusi oko buto katien Boasi tuno piny ru, do eko dilo yai di pwodi piny likame owalar tetekeny kur ngatamoro twer ngene, pien Boasi oudo likame mito be jo ngei be Lusi oudo obino kanono.