1 Petero 2:11 - Baibuli I Leb Kumam 2013

¹¹ Jo na kame amaro, abako doga butu bala kame nan itienu bedo i piny kan acalo wele me kumbor kame oringini kagwok, kur iyeunu donyo i mit me kom, kame nakanaka yi kede kuo me cunyu.

1 Petero 2:11 Iomraidhean Croise

Ageini 21:34

Aburaam di oko bedo Pilistia bala ngakumbor pi kare alac.

Ageini 23:4

“Ango atie ngakumbor kame tie bedo i diere wu, mianu lobo i diere wu kan kame bino doko mera me yiko jo, tetekeny ayik iye dako na.”

Ageini 47:9

Yakobo oko gamo be, “Mwakini kame ango abedo irim kede i piny kan bala ngakumbor tie tol acel kede ot adek. Mwakini nango pwodi nonok, do kibedo mwakini me kuo atek; likame kirom kede mwakini kame joakwari na otieko di kirimo piny bala jokumbor.”

1 Iyutun 29:15

Okwe Rwot in ingeo be i nyimi, wan ocal bala jokumbor kede jo kame beo abea i kuo noni, bala bin joakwari wa dedede; kare me kuo wa i wi lobo cal bala tipo kame rwenyo oyotoyot, gen me bedo nakanaka likame tie.

Sabuli 119:19

Ango atie bedo i piny kan bala welo; kur ikan cik nin kibuta.

Sabuli 119:54

Ango abedo wero iswilia nin i kabedere dedede kame ango abedo iye.

Sabuli 39:12

Okwe Rwot, winy ilega na, cik yiti iwiny koko na; kur ilingi alinga kame ango akok buti. Pien ango atie welo nin kame obeo abea pi kare acecek, ango ngakumbor bala bin joakwari na dedede.

Jolebi 15:18

Ka icuo obuto kede dako di icuo oko onyo ne kwir, gin dedede kipoore bol di kiko dong jo kopwokere tuno piny yuto.

Jolebi 25:23

Lobo likame kobino cato me atera atwal, pien lobo obedo mera; pien wun icalunu bala jokumbor kame ango amio kong lobo nono but gi pi gin tic kede pi kare moro.

Luka 21:34

“Do poore igwokerenu, me wek kur doko idonyunu keto cunyu itek i kom cam kede amera kede par pi kuo me i kare ni, di ceng no ko bino ngoole mako wu

Tice 15:20

Do poore owandiko ne gi kop kame gengo gi camo gikame koyalo kede cal jwogi, kede da kiwek timo caro, doko kiwek camo gikame kodeo adea, kede kiwek camo remo.

Tice 15:29

miero iwekunu camo gikame koyalo kede cal jwogi, doko iwekunu camo remo kede gikame kodeo adea, kede timo caro. Ka iwekunu timo gigi, udo itimunu gikaber. Asounu do.”

Joroma 12:1

Pi mano, imiegu kede amiegu na, akwao wu pi cuny me kisa ka Rubanga be, miunu komu bala giayala kame kuo, gikacil kame yomo cuny Rubanga. Manoni en woro Rubanga i ateni.

Joroma 7:23

do aneno iswil ace tie yi i adulion me koma kede Iswil kame tie i tam na, di eko mina abedo mabus me iswil me dub, kame tie i adulion me koma.

Joroma 8:13

pien ka ibedunu i ekite me kuo me kom, ibinunu to, do ka ijikunu tice me kom pi Tipo, ibinunu kuo.

2 Jokorinti 5:20

Aso, wan obedunu jo kame cungo akaka Kirisito, pien Rubanga tie kwano wu di ebeo kibut wan. Wan ongangao wu akaka Kirisito, dokunu bobo i nywak kede Rubanga.

2 Jokorinti 6:1

I tic wa karacel kede Rubanga, wan obako dog wa butu be, kur imiunu kisa kame iudunu kibut Rubanga bed gi me nono.

2 Jokorinti 7:1

Wun jo na kame amaro, bala kame otienu kede cikere nogi, wek olonyerenu ki gi dedede kame munao kom wa kede cuny wa, di okounu bedo jo kame lworo Rubanga, tetekeny odokunu jokacil atwal.

Jogalatia 5:24

Jo kame obedo me ka Kirisito Yesu otieko guro kuo me anywali karacel kede par mege kede mit mege i kom musalaba.

Joepeso 2:19

Pi mano, wun doko likame pwodi itienu jo kame kokwia, kame obedo jokumbor, do wun itienu jo me ateker acel kede jokacil, doko da ibedunu jo me i ot ka Rubanga,

Joepeso 4:1

Pi mano, ango ngat kame abedo mabus pi Rwot, angangao wu pi bedo iepone me kuo kame upere kede lwongo kame kolwongo wu iye.

2 Temeseo 2:22

Kur idonyi i mit me tino; do cane pi bedo ngat kopoore, pi bedo kede yei, amara, kede mulem, di itimo kamanoni karacel kede jo kame bako dog gi but Rwot di cuny gi cil.

Iburanian 11:13

Jo nogi dedede bin oto di oudo kitie kede yei, di likame kiudo gikame bin Rubanga ocikere pi mino, do oudo kinene anena ki kakabor di kiko pwore pire, ingei gin yei be gin kibedo jokumbor kede wele i piny kan.

Iburanian 6:9

Jo na kame amaro, akadi bed bala wan oyamo kaman, do ki tetu butu, wan ongeo kiber be wun itienu kede gikame beco kalamo, gikame makere kede alako wu.

Yakobo 4:1

Nyo kame kelo yi kede lok i diere wu? Mam ebedo mit me kom kame tie atwomutwomun i adulion me komu?

1 Petero 1:1

Baluwa kowok kibut Petero, ngat kame obedo ngaor ka Yesu Kirisito. But jo koringo ayela kame osasarun i adulion me Pontu, Galatia, Kapadosia, Esia kede Bisinia,

1 Petero 1:17

Aso ka ilwongunu ngat kame ngolo kop ne dano acelacel abongo apokapoka di elubo tice mege be Papa wu, miero do ibedunu kede lworo kede wor i nyime i kare lung kame itienu kede i lobo kan, kame rom bala bedo obukui.

1 Petero 4:12

Jo na kame amaro, kur ibedunu kede ur pi can alit kame poto i komu pi tamo wu, ineno do bala gimoro kalikame ngere en kame tie timere ne wu.

1 Petero 4:2

me wek itiekunu kare me kuo wu kame odong i wi lobo kan di likame bobo ilubunu mit me kom, do di ilubunu mit ka Rubanga.

2 Petero 3:1

Jo na kame amaro, man nan do en baluwa me are kame atie wandiko butu. I baluwan nogi dedede, ango abedo tamakino supo cunyu di apoo wi wu be,