1 Petero 1:7 - Baibuli I Leb Kumam 2013

⁷ Magonogi tie timere pi nyuto ateni me yei wu. Akadi saabu da gikame karuno dubere kotame kede mac; pi mano, akadi yei wu da, gikame pire tek kalamo saabu, miero kotame kede mac, tetekeny ekaruno kanyakino. Di do ikounu bino udo pwoc, kede deyo, kede wor i Ceng kame kobino nyuto kede Yesu Kirisito.

1 Petero 1:7 Iomraidhean Croise

Yobu 23:10

Do en engeo yongayo kame ango alubo; ka en etieko tama, ango abino wok di ameny bala saabu.

Yobu 28:1

“Ateteni bur kame kokunyo kiye siliba tie, doko kabedo kame kojililo kiye saabu da tie.

Sabuli 17:3

Ka ingingico cunya, ka iwelao ango iwor, ka itama, likame ibino udo tim areco i kuo na; doga likame yamo kope areco,

Agole 16:16

Udo rieko ber kalamo udo saabu; doko da yero bedo kede niang ber kalamo yero siliba.

Agole 17:3

Kotamo saabu kede siliba kede mac pi ngeno ka kibeco, do cuny dano Rwot en kame tamo.

Agole 8:19

Gikame ango amio ber kalamo saabu, ekalamo kiton saabu kame kojililo, doko da gikame udere kibuta ber kalamo siliba kame kotwako kiber.

Ngarab kop 5:14

Kitamakino timo gimoro kede abar nono di winyo arac ko mako gi, kiko rwenye, di kiko dong abongo gimoro kame kiweko ne idwe gi.

Isaya 48:10

Nenunu, ango atieko jililo wu, bed bala likame bala nyonyo siliba; ango atieko tamo wu kede mac me neno can.

Yeremia 48:36

“Pi mano, cunya cwer pi Moab kede pi jo me Kir Keres, bala dano kame tie kuto wer me koko me to kede bilo, pien gi dedede kame gin oudo kitie kede otieko doko li.

Yeremia 9:7

Pi manoni, Rwot me jo yi waco be, “Bala kame kotwako kede nyonyo kede mac pi jililo en doko cil, kamanono ada abino keto can alit i kom jo na pi tamo gi kede lonyo gi. Jo na otieko timo dub, nyo apat kame doko ango akaruno timo negi?

Sakaria 13:9

Acel i kom adek odong kuo nogo abino keto gi i mac di ako lonyo gi bala jililo nyonyo siliba, di ako tamo gi bala tamo saabu kede mac. Di do gin kiko bino lego buta di ango ako gamo kwac gi. Ango abino waco negi be gin kibedo jo na, di gida kiko bino tuco kede dog gi be ango abedo Rubanga gi.”

Malaki 3:3

En ebino bedo di eko ngolo kop bala ngat kame jililo siliba. Bala kame ngatet jililo kede siliba kede saabu, kamanono da ngaor ka Rwot bino jililo josaseredoti, tetekeny gin kiko bino tero but Rwot giayala kame poore.

Wel 5:28

Do ka dako nono oudo likame otimo tim moro atwero munao en i yore me buto kede icuo apat, likame tie gimoro arac kame bino timere ne, doko da en edong di etwero nywal.

Matayo 19:28

Yesu oko waco ne gi be, “Ateteni awaco ne wu be, i kare kame Wot ka dano bino bedo kede i kom mere me deyo i piny kanyen, wun jo kame ibedunu luba i ibinunu bedo i kabedo me pug tomon kiwie are pi pugo atekerin tomon kiwie are me Isirael.

Matayo 25:21

Ngadwong mere oko waco ne be, ‘Itimo kiber, in ngatic aber, doko igenere. Itieko bedo ngat kame genere kede gi atitidi, abino do keto gi atot i cingi, pi mano dony do i kilel na.’

Matayo 25:23

Ngadwong mere oko waco ne be, ‘Itimo kiber, in ngatic aber, doko igenere. Itieko bedo ngat kame genere kede gi atitidi, abino do keto atot i cingi, pi mano dony do i kilel na.’

Luka 12:33

Catunu jame wu di ikounu konyo kede jocan; bedunu kede isaun kalikame twero ti me sente, di ikounu kano abar wu malo kakame kei li kiye, kakame ngakuwo likame twero tuno iye, akadi ajekel da likame twero dubo gi kiye.

Luka 17:30

Ebino bedo kamanono da i ceng kame Wot ka dano da bino nyutere kede.

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 5:44

Itwerunu yei benyo benyo wun jo kame iudunu deyo kibut jo icegun, do di likame imounu deyo kame wok kibut Rubanga acel kenekene?

Tice 8:20

Do Petero oko waco ne be, “Sente ni rweny karacel kede kuo ni, pien in iparo be giamia ka Rubanga kowilo awila kede sente!

Joroma 2:10

Do jo dedede kame timo gikaber, Rubanga bino mino gi deyo, wor kede mulem, me agege Iyudayan, di do Jogurik da.

Joroma 2:29

Ngat kobedo Ngayudaya kikokome en dano kobedo Ngayudaya i cunye, doko kepere me ateni tie kop kame mako cuny, en gi me Tipo, do weko gikame kowandiko. Ngat kame cal kamano udo pwoc mere kibut Rubanga do weko kibut dano.

Joroma 2:7

Jo kame dio cuny gi timo gikaber di kimoo deyo kede wor kede kuo kalikame tiek, ebino mino gi kuo kame bedo nakanaka.

Joroma 8:19

Pien cwec lung tie daro kede mit adwong pi Rubanga nyuto idwe mege.

1 Jokorinti 3:13

tic me ngagedo acelacel bino nyutere kakaler; Ceng ka Kirisito me ngolo kop bino nyute, pien mac bino nyute; mac bino yeko tice kame ngat acelacel otimo.

1 Jokorinti 4:5

Pi mano, kur ingolunu kop ne ngatamoro di pwodi likame kare otuno, di pwodi Rwot likame odwogo. En ebino woto i lero gikame nan kokano i colo, doko ebino mino iik kame tie i cuny jo ngere. Di do dano acelacel ko bino udo pwoc kibut Rubanga.

Yakobo 1:12

Etie kede winyo dano kame kanyakino atama, pien kame ebwono atama, Rubanga bino mine giamia me pwoc, en kuo kame bedo nakanaka kame en ecikere pi mino jo kame mare.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Petero 2:4

Bianu bute, en kidi kakuo, kame jo odagi, do i nyim Rubanga ebedo kidi me wel kame en eyero.

1 Petero 2:7

Kibutun jo kame yei, en ebedo gi me wel; do kibut jo kalikame yei, ebino timere bala kame kowandiko be, “Kidi kame jogedo odagi olokere odoko kidi kame pire tek me esonda,”

1 Petero 4:12

Jo na kame amaro, kur ibedunu kede ur pi can alit kame poto i komu pi tamo wu, ineno do bala gimoro kalikame ngere en kame tie timere ne wu.

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

1 Petero 5:1

Ango abako doga but joadongo kame tie i diere wu, bala adwong wad gi kame obedo mujura me can kame Kirisito oneno, doko da bala ngat kame nywako deyo kame kobino nyuto.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

2 Petero 1:4

Pi deyo kede bero mere, en emio wa cikere me wel amalo kame pirgi tek, me wek ikarununu bwot ki dubere kame tie i piny pi mit arac me kom, di ikounu doko jo kame nywako kite me kuo ka Rubanga.

2 Petero 3:14

Pi mano, jo na kame amaro, bala kame itienu daro kede gi nogi, ketunu cunyu i kom gi, me wek ud wu di itienu i mulem abongo kakocukukao arabo kakopwokere.

Yuda 1:24

But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,

Gianyuta 1:7

Nenunu, en etie bino kede idoun! Wang jo dedede bino nene, kiton jo kame bin ocobe; jo dedede me wi lobo bino koko pire. Ebino bedo kamanoni! Amen.

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.

Gianyuta 3:10

Pi kite kame ilubunu kede kop na me dire kanyakino, ango abino gwoko wu i kare me atama kame oyaro bino i piny lung, pi tamo jo kame bedo i wi lobo.

Gianyuta 3:18

Pi mano, ango atie mino wu tam me wilo kibuta saabu kame kojililo kede mac, tetekeny ibarunu. Doko da iwilunu igoen atar me angapa, me wek iumunu komu ikounu bedo abongo lewic me ot nono. Wilunu da yat me wang pi keto i wangu, tetekeny inenunu piny.

1 Samuel 2:30

Pi mano Rwot Rubanga me Isirael waco be, ‘Ango oudo acikere be jo me odi kede jo me ot ka kwaru ni bino tic na bala josaseredoti nakanaka’; do nan Rwot waco be, ‘Likame abino timo kamanono; do ango abino mino wor but jo kame mia wor, kede abino mino lewic mako jo kame tie kede acae buta.