1 Petero 1:5 - Baibuli I Leb Kumam 2013

⁵ wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Petero 1:5 Iomraidhean Croise

Yobu 19:25

Pien ango angeo be Ngakonya tie kuo, doko da i ajikini en ebino pido pira.

Sabuli 37:28

Pien Rwot maro gi me ateni; en likame ebino weko atatai jo mege kame gene.

Agole 2:8

En egwoko jo kame timo gi dedede i yore me ateni but jo icegun, doko da egwoko jo mege kame genere.

Isaya 45:17

Do jo me Isirael Rwot en kame lako, doko alako kame en elako gi kede bedo nakanaka; gin lewic likame bino mako gi arabo bedo kede atotolun pi kare dedede.’ ”

Isaya 51:6

Tingunu wangu inenunu malo; ngolorunu lobo! Malo bino rwenyo bala yiro; wi lobo da bino ti bala egoe, di jo kame bedo iye ko bino to bala lwangini. Do alako kame ango akelo bino bedo nakanaka; twer nango me alako likame jik.

Isaya 54:17

Likame tie gi me yi moro kame koiko pi suri kame bino cobo timo tic mere, doko in ibino lono kope me pido dedede kame kokelo i komi. Manoni en gikame jotic ka Rwot udo bala mergi; lono kop gin wok ki buta.” Manoni Rwot en owaco.

Isaya 66:22

“Bala kame malo kanyen kede lobo kanyen kame ango abino timo bino bedo tie kede nakanaka, kamanono da ikwae wu kede nyingu bino bedo tie nakanaka.

Yeremia 23:4

Ango abino keto negi jokwat kame bino gwoko gi di likame bobo kiko bedo kede lworo amoto mielkom; doko da likame tie moro kame bino rwenyo; ango Rwot en awaco.”

Yeremia 32:40

Ango abino timo kede gin isikan kame bedo nakanaka, likame abino weko timo bero but gi; abino mino gin kibedo kede cuny me wor buta, tetekeny kur kilokere tenge kibuta.

Yokana 12:48

Ngat kame daga di likame emito gamo kop na, en etie kede ngat kame bino ngolo ne kop; doko kop kame ango ayamo en kame bino ngolo nen kop i ceng me ajikini.

Yokana 17:15

Ango likame akwao be ikwany gi ki piny, do be igwok gi kibut Ngarac.

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 5:24

“Ateteni, ateteni awaco ne wu be, ngat kame winyo kop na di eko yei ngat kame oora, etie kede kuo kame bedo nakanaka; likame kobino ngolo ne kop, do etieko yai ki to etuno i kuo

Joroma 11:20

Mano tie ateni. Bin koturo gin tenge pien oudo likame gin kiyei, do in icungo di itek pi yei kenekene. Pi mano, kur idok ngaewaka, do bed kede lworo.

Joroma 8:18

Ango angeo be can kame nataman wan otienu neno i kare ni likame romo porere kede deyo kame kobino nyuto ne wa.

1 Jokorinti 1:21

Pien Rubanga i rieko mere, emio jo likame otwero ngene i rieko gi ken gi, do en eko lunyo lako jo kame yei en pi kop kame jo tero be me mingo, kame wan opwonyo.

2 Jokorinti 1:24

Likame pien wan otie dino wu i gikame poore iyeunu; do wan otio karacel kede wu pi yomo cunyu, pien wun icungunu itek i yei wu.

Jogalatia 2:20

omio likame doko ango en kame pwodi akuo, do Kirisito en kame kuo i ango. Doko kuo kame nan ango atie kede, akuo pien atie kede yei i kom Wot ka Rubanga, ngat kame omara di eko jalo kuo mere pira.

Joepeso 2:8

Pien kisa ka Rubanga en komio kolako wu pi bedo kede yei. Man likame wun en kame itimunu, do etie giamia ka Rubanga;

Joepeso 3:17

kede be wek Kirisito bed i cunyu pi yei wu. Aso, cungunu kitek di ikounu moko i amara.

Jopilipi 1:6

Doko ango angeo kiber be, ngat kogeo tic aber i diere wu bino mine ecobere i ceng me dwogo ka Yesu Kirisito.

Jopilipi 4:7

Di mulem ka Rubanga, kame kalamo niang dedede me dano, ko bino gwoko cunyu kede tam wu i Kirisito Yesu.

2 Temeseo 3:15

kede epone kame in itieko ngeno kede iwandik kacil, kame karuno mini rieko kame kelo ni alako pi yei Kirisito Yesu cako di in pwodi atin.

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Iburanian 6:12

Man bino mino likame ibedunu kede wackom, do ibinunu bedo jo kame lubo ekite me jo kame udo gikame Rubanga ocikere mino pi yei kede pi dire gi.

Iburanian 9:28

kamanono da, ingei yalo Kirisito kicel pi kwanyo dub me jo atot, en ebino bobo neeno tien me are, likame pi kop kame mako dub, do pi lako jo kame tie kure kede imue.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

1 Petero 5:1

Ango abako doga but joadongo kame tie i diere wu, bala adwong wad gi kame obedo mujura me can kame Kirisito oneno, doko da bala ngat kame nywako deyo kame kobino nyuto.

2 Petero 1:3

Rubanga i twer mere otieko mino wa gi dedede kame wan omito pi bedo kede kuo, kede pi bedo jo kame wore, pien wan otie kede ngec i kome, en ngat kame elwongo wa i deyo kede i bero mere.

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Yuda 1:24

But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,

1 Samuel 2:9

“En egwoko jo agenere, do jo areco en emio gi kito kakacol; pien dano likame lo kede teko mere kene.