1 Petero 1:3 - Baibuli I Leb Kumam 2013

³ Opwounu Rubanga Papa me Rwot wa Yesu Kirisito. Pi kisa mere kadwong, en emio konywalo wa i kuo kanyen me gen kakuo, pi iyarun ka Yesu Kirisito kikom jo oto,

1 Petero 1:3 Iomraidhean Croise

1 Abakai 8:15

En ewaco be, “Pak bed but Rwot, Rubanga me Isirael, en ngat kame kede teko mere etieko cobo timo gikame bin en ecikere iye di ewaco kede doge but papa na Daudi be,

1 Iyutun 29:20

Di do Daudi oko waco ne ekodet lung kocokere be, “Pakunu Rwot Rubanga wu!” Di ekodet lung kocokere oko donyo pako Rwot Rubanga ka joakwari gi, di kiko riebere piny i nyim Rwot kede i nyim abaka da.

2 Iyutun 31:8

Kakame Esekia kede jotel oko bino kede di gin kiko neno atukito nogo, gin kiko pako Rwot kede kiko pwono jo mege me Isirael.

Sabuli 41:13

Pak bed but Rwot, Rubanga me Isirael, ikar kede ikar. Amen! Amen!

Sabuli 86:15

Do in, Okwe Rwot, ibedo Rubanga kame timo jo kisa doko itimo mwolo; in cunyi likame susunyo wang, doko amara nin kalikame lokere kede genere nin dwong twatwal.

Sabuli 86:5

Pien in, Okwe Rwot, iber doko isasiro jo, amara ni kalikame lokere dwong but jo dedede kame kok buti.

Yai 34:6

Rwot oko beo i nyime di eko waco be, “Ango en Rwot, abedo Rubanga kame mwol, doko angakisa, likame cunya susunyo wang, adwong kede amara kalikame lokere doko agenere.

Isaya 26:19

Jo wa kotieko to bino kuo bobo! Kom gi bino yaruno. Jo kame buto i apua, yaunu ikounu wero wer me kilel! Bala kame toyo me odiko mio kede lobo kuo anyen, kamanono da Rwot bino dwoko kuo me jo kotieko to sek.

Yona 4:2

En eko lego but Rwot di ewaco be, “Okwe Rwot, mam oudo awaco ni manoni di oudo pwodi atie i piny wa? Manoni en komio oudo ango aringo Tarusi i agege. Pien ango angeo be in ibedo Rubanga angakisa kede atimo jo mwol; likame isunyo doko ger, ipong kede amara kalikame lokere, doko da nakanaka in itieko iikere pi gonyo cunyi di likame iko mino alola.

Yokana 1:13

kalikame konywalo kede remo, doko likame pi mit me kom arabo mit ka dano, do pi mit ka Rubanga.

Joroma 12:12

Lelunu pi gen wu, diunu cunyu i can kame itienu iye, bedunu di ilegunu nakanaka.

Joroma 15:13

Wek Rubanga ngat kame mio gen, pong kuo wu kede yomcuny kede mulem pi yei wu i kome, tetekeny ibedunu kede gen adwong pi twer me Tipo Kacil.

Joroma 4:25

Bin koneke pi dub wa, di oko yaruno en pi mino wa doko jo kopoore.

Joroma 5:10

Pien ka i kare kame wan oudo pwodi otienu kede jokwor ka Rubanga, en eko dwoko wa i nywak kede en pi to ka wode, do akalamo mano, bala kame nan do otiekunu dok i nywak kede en, Kirisito bino do lako wa kede kuo mere.

Joroma 8:11

Ka Tipo me ngat koyaruno Yesu kikom jo oto bedo i kuo wu, ngat nono koyaruno Kirisito Yesu kikom jo oto bino mino komu da kame to kuo, pi Tipo mere kame tie i kuo wu.

Joroma 8:24

Pien pi bedo kede gen noni en komio kolako wa. Gen kame neeno udo likame en gen, pien ngai kame geno gikame en etie neno?

1 Jokorinti 13:13

Aso, yei, gen kede amara, gin adek gi kidong atwal; do kame pire dwong kalamo gin dedede en amara.

1 Jokorinti 15:20

Do ateteni koyaruno Kirisito kikom jo oto, en ebedo bala anyakini me agege me jo oto.

2 Jokorinti 1:3

Opwounu Rubanga Papa me Rwot wa Yesu Kirisito, Papa kame ngakisa, ngakwei cuny jo iepone dedede.

Jogalatia 6:16

Mulem kede kisa bed but jo dedede kame lubo iswil noni, kede but Isirael ka Rubanga.

Joepeso 1:17

Ango akwao be, Rubanga ka Rwot wa Yesu Kirisito, Papa won deyo mi wu Tipo me rieko kede me nyutere ka Rubanga, pi mino wu ngene odocon,

Joepeso 1:3

Pak bed but Rubanga, ngat kame obedo Papa me Rwot wa Yesu Kirisito, en ngat kame emio wa i Kirisito winyo dedede me cuny kame tie i malo.

Joepeso 1:7

I remo mere, wan oudunu alako kede isasir ki dub, di lubere kede abar me kisa mere

Joepeso 2:4

Do Rubanga, ngat kame opong kede cuny me kisa, pi amara mere adwong but wa,

Joepeso 3:20

Nan do deyo bed but Rubanga, en ngat kame pi twer mere kame tie tic kibut wa, etwero timo gikame tot kalamo kame wan okwao amoto otamo.

Jokolosai 1:23

Ipoorenu meede i yei, di icungunu di itekunu iye abongo yangere, abongo yai tenge ki gen kame wok ki ejiri kame wun itiekunu winyo, kame kotieko tuco ne giacwea dedede kame tie i piny. Ango Paulo atieko doko ngatic me ejiri noni.

Jokolosai 1:27

Rubanga oyei pi mino gi ngeno epone kame abar me deyo me mung noni pire dwong kede i dier jo kalikame Iyudayan. Manoni obedo Kirisito kame tie i wun, en gen me udo deyo.

1 Jotesalonika 1:3

Doko i nyim Rubanga ngat kame obedo Papa wa, wan oyutuno tice wu me yei, kede cane wu me amara, kede asipakin me gen wu i Rwot wa Yesu Kirisito.

1 Jotesalonika 4:13

Imiegu kede amiegu na, likame omito be ibedunu abongo ngec i kom jo kame otieko nino, tetekeny kur ibedunu kede cwercuny bala jo ace kame li kede gen.

2 Jotesalonika 2:16

Wek Rwot wa Yesu Kirisito kikome, kede Rubanga Papa wa, ngat kame omaro wa di eko mino wa kweicuny kame bedo nakanaka kede gen aber pi kisa mere,

1 Temeseo 1:14

Rwot wa di oko mina twon kisa mere karacel kede yei kede amara kame tie i Kirisito Yesu.

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Iburanian 3:6

Do Kirisito genere i tic me lono ot ka Rubanga bala Wode. Wan otienu ode ka omokunu kitek i kom nwangcuny kede i kom ngec aber i kom gen wa.

Yakobo 1:18

Pi cobo iik mere, en eko mino kop mere me ateni okelo wa i kuo, me wek wan obed bala anyakini me agege me giacwea mege.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 1:21

En emio wu idokunu jo kame geno Rubanga, ngat koyaruno en kikom jo oto, di oko mine deyo tetekeny wun ibedunu kede yei kede gen i kom Rubanga.

1 Petero 1:23

Pi kop ka Rubanga, kop kame kuo kede kame bedo nakanaka, wun kotieko nywalo wu idokunu jo kanyen, bala idwe kame nganywal gi likame to do weko kame nganywal gi to.

1 Petero 2:2

Bala atin mukeru kame pwodi konywalo anywala, bedunu kede imue me cak kame Tipo mio, me wek emi wu idongunu ikounu udo alako,

1 Petero 3:15

Do worunu Kirisito i cunyu bala Rwot. Bedunu di itiekunu iikere i kare dedede pi dwoko kop ne ngatamoroni kame penyo wu pi tatamo i yore i yore gen kame itienu kede;

1 Petero 3:21

Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,

1 Petero 3:5

Pien mon kame bin obedo jokacil, kame oudo oketo gen gi i kom Rubanga oudo nare tubuso kom gi kamanoni, i yore me winyo cuog gi,

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 3:3

Jo dedede kame tie kede gen noni i kom Kirisito lonyere ken gi, bala kame en ecil kede.

1 Yokana 3:9

Jo kame obedo idwe ka Rubanga likame dubo, pien kitie kede ekite me kuo mere. Likame gin kidubo pien kibedo idwe ka Rubanga.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

1 Yokana 5:18

Wan ongeunu be jo kame obedo idwe ka Rubanga likame dubo, pien Wot ka Rubanga gwoko gi, di likame Ngarac ko karuno mulo gi.

1 Yokana 5:4

pien ngat kame obedo anywali ka Rubanga lo piny. Doko yei wa en kame mio wa olounu piny.