1 Petero 1:25 - Baibuli I Leb Kumam 2013

²⁵ do kop ka Rubanga bedo nakanaka.” Kop nono en Kop Aber kame oudo kotuco ne wu.

1 Petero 1:25 Iomraidhean Croise

Sabuli 102:12

Do in, Okwe Rwot, ibedo i kom ni me pug nakanaka, lwak me kare dedede yutuno nyingin.

Sabuli 102:26

Gin kibino rwenyo wir, do in ibino dong di itie nakanaka; gin dedede kibino ti bala egoe. In ilokoloko gi bala igoen, di gin kiko rwenyo wir;

Sabuli 119:89

Kop nin, Okwe Rwot, bedo nakanaka; en etie kop me ateni ikar kede ikar i malo.

Isaya 40:6

Dwan ngatamoro waco be, “Lelemo!” Ango ako penyere be, “Abino lelemo kop nyo?” Eko dwoko be, “Lelemo be jo dedede cal bala lum; likame kitieko kare kalac bala ature me obar.

Isaya 40:8

Ebo, lum ner, ature da tuo, do kop ka Rwot Rubanga wa bedo nakanaka.”

Matayo 5:18

Ateteni awaco ne wu be, tek di malo kede lobo pwodi tie, likame tie enyukuta moro akadi acel, akadi dul moro atitidi me gikame kowandiko i Iswil, kame kobino kwanyo di pwodi likame gi dedede kame tie iye ocobere kakare.

Luka 16:17

Do eyoyot ne malo kede lobo tiek kalamo dul moro me Iswil doko li.

Yokana 1:1

I agege, Kop oudo tie. Kop oudo tie kede Rubanga, doko Kop oudo en Rubanga.

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

1 Jokorinti 2:2

Pien oudo bin amoko tam na pi weko ngeno gi dedede i diere wu, kwanyo kenekene Yesu Kirisito, ngat kame koguro i kom musalaba.

Joepeso 2:17

Aso, Kirisito oko bino di eko pwonyo kop kame kelo mulem butun jo kame oudo iborunu kede Rubanga, kede da but jo kame oudo iyapiyapi kede Rubanga;

Joepeso 3:8

Bed bala ango abedo dano me ajikini kalikame pire tek kikom jokacil dedede, do Rubanga oko mina kisa noni, pi kelo ne jo kalikame Iyudayan Kop Aber i kom abar kalikame wacere ka Kirisito,

Tito 1:3

di i kare kopoore en eko nyute i kop mere kame kogena kede, kame ango ako pwonyo pi cik kame Rubanga Ngalak wa omia.

Iburanian 6:5

Gin jo kame bin obilo bero me kop ka Rubanga kede twer me kare kame bino bino.

1 Petero 1:12

Oudo konyuto ne gi be likame oudo kitie timo tic pirgi ken gi do piru, di lubere kede gikame nataman jo kame tuco Kop Aber owaco ne wu pi twer me Tipo Kacil kame kocwao ki malo. Gi nogi en gikame imalaikan paro pi neno.

1 Petero 1:23

Pi kop ka Rubanga, kop kame kuo kede kame bedo nakanaka, wun kotieko nywalo wu idokunu jo kanyen, bala idwe kame nganywal gi likame to do weko kame nganywal gi to.

1 Petero 2:2

Bala atin mukeru kame pwodi konywalo anywala, bedunu kede imue me cak kame Tipo mio, me wek emi wu idongunu ikounu udo alako,

2 Petero 1:19

Manoni oko do moko odocon kop kame bin inabin owaco. Ebino bedo ber ka iketunu tam wu i kom kop noni, pien ecal bala etala kame liel i kakacol, tuno kame piny oru di acer me odiko oko caro cunyu.

1 Yokana 1:1

Wan otie tuco ne wu gikame oudo tie cako ki agege, gikame wan owinyo, gikame wan oneno kede wang wa; wan kom onene doko omule kede cing wa, en Kop me kuo.

1 Yokana 1:3

Gikame wan oneno kede kame owinyo wada otuco ne wu tetekeny ibedunu i nywak kede wa; doko i nywak noni, wan onywako karacel kede Papa kede Wode Yesu Kirisito.

Gianyuta 14:6

Di ako neno malaika ace di tie por i malo i dier yamo, di etie kede ejiri kame bedo nakanaka, pi tuco ne jo kame bedo i wi lobo, ne jo me atekerin dedede, abilere dedede, leb dedede kede jo me erangi dedede.