1 Petero 1:22 - Baibuli I Leb Kumam 2013

²² Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Petero 1:22 Iomraidhean Croise

Yokana 15:17

Gikame ango aciko wu iye en ine be, marerenu kenu kenu.

Yokana 15:3

Kope kame ango awaco ne wu otieko lonyo wu.

Yokana 17:17

Lony gi kede ateni; kop nin en ateni.

Yokana 17:19

Ango amio kuo na buti pirgin, me wek gida kimi kuo gi buti i ateni.

Tice 15:9

Doko likame en eko keto apokapoka moro i diere gi kede wan, do en elonyo cuny gi pi yei.

Tice 6:7

Kop ka Rubanga oko nyai, di wel me jo kame lubo Yesu oko meede kitek i Yerusalem, di josaseredoti atot oko donyo lubo kop me yei.

Joroma 1:5

Ango atieko udo kisa kede or ka Rubanga di beo kibute, pi mino atekerin dedede bedo kede wor pi yei nyinge.

Joroma 2:8

Do jo kame paro pirgi kenekene, di kidagi lubo gi me ateni, do di kilubo ekite areco, kibino udo lilo kede gero ka Rubanga.

Joroma 8:13

pien ka ibedunu i ekite me kuo me kom, ibinunu to, do ka ijikunu tice me kom pi Tipo, ibinunu kuo.

2 Jokorinti 6:6

Doko da wan onyuto bero wa bala jotic ka Rubanga i cuny wa kame ber, i ngec, i dire, i mwolo, i bedo tie kede Tipo Kacil, kede i amara me ateni,

Jogalatia 3:1

Wun Jogalatia imingunu! Ngai kologo wu? Bin koporo ne wu kiber kite kame koguro kede Kirisito i kom musalaba.

Jogalatia 5:5

Pien pi twer me Tipo, kame tio i yei wa, wan otienu daro kede gen bedo jo kopoore.

Jogalatia 5:7

Oudo itienu timo kiber; ngai bobo kogengo wu lubo kop me ateni?

Joepeso 4:3

di iketunu cunyu pi gwoko aribakin kame Tipo mio i mulem kame ribo wu karacel.

Jopilipi 1:9

Ango alego be, wek amara wu meede ameda kede dongo, di epong kede ngec kede niang atut,

1 Jotesalonika 3:12

Doko akwao Rwot mi amara wu meede i diere wu kenu kenu, kede but jo dedede, bala kame wan omaro wu kede.

2 Jotesalonika 1:3

Imiegu kede amiegu na, wan miero opwoi Rubanga nakanaka piru bala kame poore, pien yei wu tie dongo, doko amara kame ngat acelacel kibutu tie kede pi jo icegun da tie meede.

2 Jotesalonika 2:13

Imiegu kede amiegu na kame Rwot maro, wan miero opwoi Rubanga nakanaka piru, pien Rubanga oyero wu cako i agege pi bedo jo kolakere pi lonyere kame Tipo Kacil mio wu, kede pi bedo kede yei i kom kop me ateni.

1 Temeseo 1:3

Bala kame oudo akwai kede i kare kame oudo atie ot kede Makedonia, nan doko atie kwani be, in dongi Epeso, me wek igeng jo mogo kame tie pwonyo pwony mogo kame pat i kuno.

1 Temeseo 1:5

Gikame omio wan ociko gi kamano en amara kame wok ki cuny acil, kede ngec aber me cuny, kede yei me ateni.

1 Temeseo 4:12

Kur ngatamoro bed kede acae buti be pien in pwodi ititidi, do bed anyut me aluba but jo koyei Kirisito; i yamo kede i ikiteso, i amara, i yei kede pi bedo abongo raco moro.

1 Temeseo 5:2

mon adongo bala joatoti ni, kede mon atino bala amiegu ni, abongo bedo kede tam moro arac i kom gi.

2 Temeseo 1:14

Gwok jamini kabeco kame kotieko geni kede pi kony me Tipo Kacil kame wan otie kede.

Iburanian 11:8

Pi Yei, Aburaam bin oyei kop ka Rubanga kakame oudo Rubanga olwonge kede pi ot i kabedo kame oudo Rubanga bino mine. En bin eko yai ot di likame engeo kakame oudo etie ot iye.

Iburanian 13:1

Meedenu bedo kede amara kenu kenu.

Iburanian 5:9

Kakame omie edoko kede ngat kame oudo en epoore pi bedo, en eko doko ngat kame alako kame bedo nakanaka ne jo dedede kame yei kop mere wok kibute,

Iburanian 6:10

Pien Rubanga timo gi dedede i yore me ateni; man bino mino likame wie wil kede tic kede amara kame wun inyutunu pire, i tic me konyo jo mege, bala kame pwodi itienu timo.

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!

Yakobo 1:21

Pi mano, gonyunu tenge tim me emuna kede tim areco kame nataman otany i diere wu, di ikounu gamo kede mwolo kop ka Rubanga kame koketo i cunyu, en kop kame karuno lako wu.

Yakobo 4:8

Nyikunu iyapiyapi kede Rubanga di eda eko bino nyikini iyapiyapi kede wu. Lonyunu cingu wun jodubo, di ikounu mino cunyu bed di cil wun jo kame tam wu okakarun.

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.

1 Petero 2:17

Worunu jo dedede. Marunu imiegu kede amiegu wu i Kirisito. Lworunu Rubanga kede worunu ngapug adwong.

1 Petero 3:1

Kamanono da, wun mon, iwinyunu cuog wu, tetekeny ka mogo kikom gi likame lubo kop ka Rubanga, kitwero lokere pi iponeso wu abongo wun yamo ne gi kop moro,

1 Petero 3:20

tipere me jo kalikame bin oyei lubo kop ka Rubanga i kare kame en bin edio kede cunye daro gi, kakame Nua oudo tie gero kede yee. Jo anonok, jo kanyauni kenekene en kame oko donyo i yee di pii oko mino gi kibwot.

1 Petero 3:8

Me ajikini mere, wun dedede bedunu kede cuny acel, kede da cuny me isasir but jo kame tie i peko. Marerenu bala imiegu kede amiegu i Kirisito, di itienu kede cuny me kisa kede tam me mwolo.

1 Petero 4:17

Pien kare otieko tuno me ngolo kop, kobino cako kede jo me ot ka Rubanga. Ka etie gere kede wan, nyo kame do bino bedo ajikini me jo kame odagi lubo ejiri ka Rubanga?

1 Petero 4:8

Do akato mere, bedunu kede amara atek kenu kenu, pien amara umo dub atot.

2 Petero 1:7

ikounu medo amara pi imiegu kede amiegu i kom cuny me woro Rubanga, kede ikounu medo amara pi jo dedede i kom amara me imiegu kede amiegu.

1 Yokana 3:11

Pien kop kame wun iwinyunu cako ki agege en ine be, opoorenu marere wan kenwa kenwa.

1 Yokana 3:23

Cik mere en ine be, wan poore oyeunu nying Wode Yesu Kirisito di okounu marere wan kenwa kenwa, bala kame en eciko wa kede.

1 Yokana 4:12

Likame pwodi tie ngatamoro kotieko neno Rubanga, do ka wan omarerenu kenwa kenwa, Rubanga bedo i kuo wa, doko amara mere ko tuno kakare kibut wa.

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.

Gianyuta 2:4

Do ango atie kede kop i komu be, wun itiekunu weko amara kame oudo itienu kede i agege.