1 Petero 1:21 - Baibuli I Leb Kumam 2013

²¹ En emio wu idokunu jo kame geno Rubanga, ngat koyaruno en kikom jo oto, di oko mine deyo tetekeny wun ibedunu kede yei kede gen i kom Rubanga.

1 Petero 1:21 Iomraidhean Croise

Sabuli 42:5

Pinyo komio atie kede cwercuny? Pinyo komio aparere? Abino keto gen na but Rubanga; abino medo pake, en ngakony na, doko en Rubanga na.

Yeremia 17:7

“Abino mino winyo but jo kame keto gen gi i koma.

Matayo 28:18

Yesu oko ot but gi di en eko waco ne gi be, “Kotieko mina akarunikin dedede me i malo kede me lobo.

Yokana 12:44

Yesu oko yamo kede dwan amalo di ewaco be, “Ngat kame yei ango, udo likame eyei ango do udo eyei ngat kame oora.

Yokana 14:1

Yesu oko waco ne josiao mege be, “Cunyu kur poti, yeunu Rubanga, di ikounu yei ango da.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 17:1

Kakame Yesu otieko waco kede kope gi, en eko tingo wange malo di eko lego be, “Papa, esawa otuno do, mi Wodi deyo, me wek Wodi da mi deyo buti.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 17:5

Papa, nan mia deyo i nyimi; epone me deyo kame bin atie kede i nyimi di pwodi likame kocweo piny.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Tice 2:24

Do Rubanga bin oko gonye kikom kwir me to, di oko yaruno en, pien to oudo likame twero twene.

Tice 3:13

Rubanga ka Aburaam, Rubanga ka Isaka, Rubanga ka Yakobo kede Rubanga me joakwari wa bin otieko mino deyo but ngatic mere Yesu, kame wun ikounu mino i cing wegi apugan. Doko ikounu dage i nyim Pilato, do di oudo Pilato mito gonye.

Tice 3:15

ikounu mino koneko ngat kame mio kuo, kame Rubanga oko yaruno kikom jo oto. Wan en ijurak me kop noni.

Tice 4:10

wek wun dedede kede jo me Isirael dedede ingeunu be, icuo ni nan tie cungo i nyimu kan di eber, pi nying Yesu Kirisito me Nasaret. Yesu nono en kame wun bin igurunu i kom musalaba, di Rubanga oko yaruno en kikom jo oto.

Joroma 10:9

pien ka ituco kede dogi be Yesu en Rwot, di iko yei i cunyi be Rubanga oyaruno en kikom jo oto, ibino udo alako.

Joroma 4:24

do pir wada. Kobino tero wada bala jo kopoore, wan jo kame oyei Rubanga ngat koyaruno Yesu Rwot wa ki to.

2 Jokorinti 6:15

Winyere nyo kame tie i dierediere ka Kirisito kede Sitani? Arabo nyo kame dano koyei Kirisito nywako kede dano kalikame oyei Kirisito?

Joepeso 1:15

Ango atieko winyo yei wu i kom Rwot Yesu kede amara wu but jokacil dedede. Pi mano,

Jokolosai 1:27

Rubanga oyei pi mino gi ngeno epone kame abar me deyo me mung noni pire dwong kede i dier jo kalikame Iyudayan. Manoni obedo Kirisito kame tie i wun, en gen me udo deyo.

1 Temeseo 1:1

Baluwa kowok kibut Paulo, ngat kame odoko ngaor ka Kirisito Yesu pi akarunikin ka Rubanga Ngalak wa, kede me ka Kirisito Yesu ngat kame obedo gen wa.

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

Iburanian 2:9

Do wan oneno Yesu, ngat kame oudo komio ruom apiny me imalaikan pi kare moro acecek, nataman komie deyo kede wor pi can me to kame ebeo iye, tetekeny pi kisa ka Rubanga, en ebil to pi jo dedede.

Iburanian 6:1

Pi mano, omeedenu anyim pi bedo jo kocato, do weko dong i kom pwony me agege kenekene kame mako Kirisito. Kur bobo odokunu nyogao pwony me agege kame mako iswilar ki tice kame kony gi li, kede kame mako bedo kede yei i kom Rubanga;

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

1 Petero 1:11

Gin oudo kitamo mito ngeno ngat nono, amoto kare kame Tipo ka Kirisito kame oudo gin kitie kede tie nyuto, kakame etuco kede can kame Kirisito oudo bino kanyo, kede deyo kame bino lubo.

1 Petero 1:3

Opwounu Rubanga Papa me Rwot wa Yesu Kirisito. Pi kisa mere kadwong, en emio konywalo wa i kuo kanyen me gen kakuo, pi iyarun ka Yesu Kirisito kikom jo oto,

1 Petero 3:22

ngat kame otieko ot i malo, nan etie i bad tetu cam ka Rubanga, di imalaikan, kede akarunikin, kede twer dedede tie i loc mere.