1 Petero 1:2 - Baibuli I Leb Kumam 2013

² jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.

1 Petero 1:2 Iomraidhean Croise

Isaya 55:7

Jo kame timo gikareco miero wek yongayo me kuo gi nono, doko jo kalikame opoore miero wek gikame tie i tam gi; miero gin kidwog but Rwot, tetekeny en kisa make kede gi. Miero kidwog but Rubanga wa, piento en ebino sasiro gi adikinicel.

Isaya 65:22

Jo likame bino gero ude di jo apat en kame ko bino bedo i yi gi. Doko likame kibino pito olok gi di jo apat en kame ko bino camo. Jo na bino bedo kuo tieko kare kalac bala yen. Jo na kame ayero bino udo bero me tic me cing gi.

Isaya 65:9

Ango abino mino jo me Isirael ikwae kame yai ki ekeko ka Yuda, di gin kiko bino mino lobo na kame mori tie iye doko mergi. Jo na kame ayero, jotic na, bino bedo kanono.

Danieri 4:1

Abaka Nebukadunesa cwao kop noni but jo me atekerin dedede, erangi dedede, abilere dedede, kede leb dedede atie i wi lobo be, “Amoto wu!

Danieri 6:25

Di Abaka Darias oko wandiko baluwa but jo me atekerin dedede, kede but jo me leb dedede i wi lobo lung be: “Akwao ibedunu kede mulem adwong.

Jolebi 1:5

En ebino ngolo twon nono kanono i nyim Rwot, di awobe ka Aaron, kobedo josaseredoti, ko kikiro remo mere i kom alutari i bad dedede, alutari kame tie i ekeko me Eema me ariamakin kede Rwot.

Matayo 24:22

Doko koto Rubanga likame odwoko wel me ceng nogo odoko nonok, koto likame ngatamoro obwot; do pi jo mege kame en eyero, Rubanga bino dwodwoko ceng nogo doko nonok.

Matayo 24:24

Pien jo kame cuko be gin Kirisito, kede inabin me angalo oyaro bino di kiko timo gianena kede gi me isuur, tetekeny ka twerere, kirweny kiton jo kame Rubanga oyero da.

Matayo 24:31

Di en eko bino cwano imalaikan mege kede koko atek me agwara, di gin kiko coko jo mege kame eyero ki tetu bad ongwon dedede, cako ki agege me piny tuno i ajikini mere.

Marako 13:20

Doko koto Rwot likame odwodwoko wel me ceng nogo, koto likame ngatamoro obwot. Do pi jo mege kame en eyero, omio Rwot odwodwoko ceng nogo odoko nonok.

Marako 13:22

Pien jo kame cuko be gin kibedo Kirisito, kede inabin me angalo oyaro bino. Kiyaro timo gianena kede gi me isuur pi ngalo jo kame Rubanga oyero, ka twerere.

Marako 13:27

En ebino cwano imalaikan tetu bad ongwon dedede me wi lobo pi coko jo kame Rubanga oyero, cako ki agege me lobo tuno i ajikini me malo.

Luka 18:7

Wun iparunu be likame Rubanga bino ngolo kop kiber pi konyo jo mege kame en eyero, jo kame kok bute iceng kede iwor? Iparunu be eyaro gal kede konyo gi?

Tice 15:18

Mane en gikame Rwot owaco, en ngat kame emio gi nogi ongere cako sek.’

Tice 2:23

Yesu noni, ngat kame bin komio i akarunikin wu di lubere kede ngec ka Rubanga kede iik mere, bin wun ikounu mine i cing jodubo kame oko gure i kom musalaba di kiko neke.

Tice 20:32

“Doko nan ango aweko wu i cing Rubanga, kede i kop me kisa mere, kop kame twero gero wu di eko mino iudunu kabedo i dier jo dedede kame Rubanga otieko lonyo.

Joroma 1:5

Ango atieko udo kisa kede or ka Rubanga di beo kibute, pi mino atekerin dedede bedo kede wor pi yei nyinge.

Joroma 1:7

Butun jo dedede kame Rubanga maro, wun jo kame itienu Roma, jo kame kolwongo pi bedo jokacil, wek Rubanga Papa kede Rwot wa Yesu Kirisito mi wu kisa kede mulem.

Joroma 11:2

Likame Rubanga odagi jo mege kame oudo engeo cako sek. Mam ingeunu gikame iwandik kacil waco i kom Elia, kite kame ebako kede doge but Rubanga di edadangun pi jo me Isirael?

Joroma 11:28

I kom kop kame mako ejiri, gin kitie jokwor ka Rubanga piru; do i kom kop kame mako ayero, Rubanga maro gin pi joakwari gi.

Joroma 15:16

pi bedo ngatic ka Kirisito Yesu but jo kalikame Iyudayan, di atio bala ngasaseredoti kame tuco ejiri ka Rubanga, tetekeny jo kalikame Iyudayan dok giamia kame Rubanga karuno gamo, kame Tipo Kacil olonyo.

Joroma 16:19

Jo dedede otieko winyo be wun ilubunu kop me ejiri, en komio ango cunya yom i komu. Amito ibedunu jo kame tie kede rieko me ngeno gikaber, kede jo kame li kede kop moro kame makere kede gikarac;

Joroma 16:26

Do nan kotieko nyute, di oko mine engere but jo kalikame Iyudayan dedede i iwandik kacil me inabin, di lubere kede cik kame Rubanga ngat kame bedo nakanaka omio, pi mino jo yei kop mere di kiko lubo.

Joroma 8:13

pien ka ibedunu i ekite me kuo me kom, ibinunu to, do ka ijikunu tice me kom pi Tipo, ibinunu kuo.

Joroma 8:33

Ngai kame karuno kelo pido moro i kom jo kame Rubanga otieko yero? Rubanga en kame mio jo bedo di kipoore.

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

2 Jokorinti 10:5

kede tingere dedede kame gengo jo ngeno Rubanga, di oko mako tam dedede bala mabus, oko mino gi kilubo mit ka Kirisito.

2 Jokorinti 13:14

Kisa ka Rwot Yesu Kirisito, amara ka Rubanga kede nywak me Tipo Kacil bed kede wu dedede.

Iswilia 7:6

Pien wun ibedunu jo ka Rubanga wu. Rwot Rubanga wu otieko yero wu kikom jo me piny lung pi wun bedo jo mege, jo kame pirgi tek kibute.

Jokolosai 3:12

Aso, bala kame wun jo kame Rubanga oyero, jokacil kame en emaro, bedunu kede cuny me isasir, mwolo, mwolere, bedo mot, kede dire.

2 Jotesalonika 2:13

Imiegu kede amiegu na kame Rwot maro, wan miero opwoi Rubanga nakanaka piru, pien Rubanga oyero wu cako i agege pi bedo jo kolakere pi lonyere kame Tipo Kacil mio wu, kede pi bedo kede yei i kom kop me ateni.

2 Temeseo 2:10

Pi mano, ango akanyakino gi dedede pi jo kame Rubanga oyero, tetekeny gida kiud alako kame tie i Kirisito Yesu, kede deyo mere kame bedo nakanaka.

Tito 1:1

Baluwa kowok kibut Paulo ngatic ka Rubanga kede ngaor ka Yesu Kirisito, kame ooro pi medo yei me jo kame Rubanga oyero, kede pi medo ngec gin me gi me ateni, di lubere kede kuo kame nyuto wor but Rubanga,

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Iburanian 11:28

Pi yei, Musa otimo Ebaga me Kalamo di eko kikiro remo i wi ikekon, tetekeny Malaika kame Neko, kame oudo poore neko idwe kao kur nek idwe kao me jo me Isirael.

Iburanian 12:24

Wun ibinunu but Yesu ngat kame rucakino jo kede Rubanga i isikan kanyen, kede ibinunu i remo kame kokikiro, kame yamo kop aber kalamo remo ka Abel.

Iburanian 5:9

Kakame omie edoko kede ngat kame oudo en epoore pi bedo, en eko doko ngat kame alako kame bedo nakanaka ne jo dedede kame yei kop mere wok kibute,

1 Petero 1:14

Bala idwe kame wor, kur imiunu kuo wu lub mit kame oudo kong igeunu bedo kede pi kwina piny.

1 Petero 1:19

do kotime kede remo ka Kirisito, remo kame wel mere dwong, kame cal bala me katin romo kalikame tie kede gimoro arac arabo pwokere moro i kome.

1 Petero 1:20

En oudo koyere sek di pwodi likame kocako cweno piny, do oko nyute piru i kare me ajikini noni.

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

2 Petero 1:2

Ango akwao be, Rubanga med ne wu kisa kede mulem mere pi ngec kame itienu kede i kome kede i kom Rwot wa Yesu Kirisito.

2 Yokana 1:1

Baluwa kowok kibut Adwong. But dako kame koyero, kede idwe mege, jo kame amaro ateteni, do likame ango kenekene do paka jo dedede kame ngeo ateni,

2 Yokana 1:13

Idwe ka amini kame koyero cwao ni amot.

Yuda 1:2

Okwao cuny me kisa, mulem, kede amara nyai ne wu.