1 Petero 1:19 - Baibuli I Leb Kumam 2013

¹⁹ do kotime kede remo ka Kirisito, remo kame wel mere dwong, kame cal bala me katin romo kalikame tie kede gimoro arac arabo pwokere moro i kome.

1 Petero 1:19 Iomraidhean Croise

Yai 12:5

Jo twero kwanyo oromo amoto diel icuo, do miero di etie kede mwaka acel, doko di eli kede peko moro i kome.

Isaya 44:22

Ango atieko wearo tim wu areco tenge bala edou kame yamo okuto, kede dub wu da kame ibedunu timo, ango aweo tenge bala ekuna. Dwogunu buta, pien ango atieko lako wu.”

Isaya 53:7

“En oudo kotere kirac, koketo can i kome, do en likame engamo doge yamo akadi kop acel. En oudo eling alinga bala atin oromo kame kotie tero ot ngolo, kede bala oromo kame kotie nyaro yer mere.

Danieri 9:24

“Mwakini kanyaare tien ot kanyaare en kare kame Rubanga omoko pi jo ni kede bomba nin kacil, pi jiko dub kede gikarac, pi udo isasir, kede pi en kelo poore abedo nakanaka, tetekeny gianyuta kede imurai nono cobere kakare, di oko bino medo kwero tempulo.

Jolebi 1:10

Ka dano tie mino giayala me oromo amoto diel, giayala nono poore bed ekoroi kame li kede peko moro i kome.

Jolebi 22:20

Likame ibinunu mino giayala me le moro kame tie kede peko moro i kome, pien likame kobino game.

Sakaria 13:7

Rwot me jo yi waco be, “Cei in epima di iko suro ngakwat na kobedo da ngawota! Neke di romini ko sasarun. Ango abino suro jo na

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Matayo 26:28

pi man en remo na kame moko isikan ka Rubanga, remo na kame kobino onyo pi jo atot pi sasiro dub.

Yokana 1:29

Oru mere, Yokana oko neno Yesu di tie bino tetu bute, di eko waco be, “Nenunu Katin Romo ka Rubanga kame kwanyo dub me piny!

Yokana 1:36

En eko neno Yesu di tie ot, di eko waco be, “Nenunu Katin Romo ka Rubanga!”

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Joroma 3:25

Rubanga bin oyero Yesu Kirisito tetekeny pi to mere, edok giayala kame remo mere mio kosasiro jo ki dub gi kame kiyei en. Rubanga otimo kaman pi nyuto poore mere, pien i kare asek, pi dire mere, likame en eko timo gimoro i kom dub kame jo oudo timo;

Joepeso 1:7

I remo mere, wan oudunu alako kede isasir ki dub, di lubere kede abar me kisa mere

Jokolosai 1:14

ngat kame alako kede isasir wa ki dub wok kibute.

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 1:7

Do ka wan otienu i lero bala kame en kikome etie kede i lero, udo otienu kede nywak wan kenwa kenwa, doko remo ka Yesu Wode lonyo wa ki dub wa dedede.

1 Yokana 2:2

En ebedo giayala kame kwanyo dub wa, do likame dub wan kenekene, do da dub me jo dedede.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 14:1

Di ango ako neno Katin Romo di etie cungo i wi moru me Sion. Oudo etie karacel kede jo tutumia tol acel kede ot ongwon kiwie ongwon, jo kame kowandiko nyinge kede nying Papa mere i tur nyim gi.

Gianyuta 14:5

Likame tie kop moro me angalo kame owok ki dog gi, pien gin kili kede raco moro.

Gianyuta 5:6

Di ako neno i dierediere me kom me ajakanut kede giacwea akuo ongwon, kede i dier joadongo di cungo iye Katin Romo kame ineno bala koneko. Oudo etie kede tunge kanyaare kede wange kanyaare, kame obedo tipere kanyaare ka Rubanga kame ecwao i wi lobo lung.

Gianyuta 5:9

Gin kiko wero wer anyen di kiwaco be, “In en ngat kame opoore pi gamo itabu adola kede tako gikame kododoko mwone kede. Pien in oudo koneki, doko ilako ne Rubanga jo kede remo ni, jo me abilere dedede, leb dedede, jo me erangi dedede kede atekerin dedede.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.