1 Petero 1:15 - Baibuli I Leb Kumam 2013

¹⁵ Do bala kame ngat kolwongo wu tie ngat kacil, wuda kikomu bedunu jokacil iekite wu lung.

1 Petero 1:15 Iomraidhean Croise

Isaya 35:8

Yongayo adwong bino bedo kunono, yongayo kame kolwongo be, “Yongayo Kacil”. Likame tie ngadubo moro kame bino lubo yongayo nono; en ebino bedo me jo ka Rubanga. Likame tie ngatamoro, akadi ngamingo, kame bino rwenyo yongayo nono.

Isaya 6:3

Oudo kitie lwongere ken gi ken gi di kiwaco be, “Ecil, ecil, ecil Rwot me jo yi; wi lobo lung opong kede deyo mere.”

Matayo 5:48

Pi mano, poore ibedunu jo kopoore bala kite kame Papa wu me i malo opoore kede.

Joroma 9:24

akadi kiton wada jo kame elwongo wa, likame kibut Iyudayan kenekene, do kibut jo kalikame Iyudayan da.

2 Jokorinti 7:1

Wun jo na kame amaro, bala kame otienu kede cikere nogi, wek olonyerenu ki gi dedede kame munao kom wa kede cuny wa, di okounu bedo jo kame lworo Rubanga, tetekeny odokunu jokacil atwal.

Jopilipi 1:27

Kenekene miunu ekite me kuo wu bed bala kame ejiri ka Kirisito mito, tetekeny akadi ka ango abino pi neno wu arabo li, abino winyo kop i komu be icungunu di itekunu kede cuny acel, kede tam acel, di itienu cane karacel pi yei kame ejiri okelo,

Jopilipi 3:14

en ine be, ango acane ringo i tol pi udo giamia me pwoc, kame obedo kuo me malo kame Rubanga lwongo wa iye i Kirisito Yesu.

Jopilipi 3:20

Do tur wan tie i malo, kakame wan otie daro Ngalak pi wok kiye, en Rwot Yesu Kirisito.

1 Jotesalonika 2:12

Wan oudo obako dog wa ne ngat acelacel kibutu, omio wu nwangcuny kede owaco ne wu lubo epone me kuo kame poore i nyim Rubanga, ngat kame lwongo wu i Ajakanut kede i deyo mere.

1 Temeseo 4:12

Kur ngatamoro bed kede acae buti be pien in pwodi ititidi, do bed anyut me aluba but jo koyei Kirisito; i yamo kede i ikiteso, i amara, i yei kede pi bedo abongo raco moro.

2 Temeseo 1:9

En elako wa di eko lwongo wa pi bedo jo mege kacil, likame pi tice wa, do pi iik kede kisa mere. En emio wa kisa noni i Kirisito Yesu di likame pwodi ikar ogere,

Tito 3:14

Doko wek jo wa pwonyere jalo kare gi timo tice kabeco, tetekeny kikaruno mino kony mogo kame mitere susunyo; likame kipoore bedo kede kuo kalikame konyo.

Tito 3:8

Man kop me ateni. Ango amito in inyikakino yamo kope nogi tetekeny jo kame yei Rubanga par pi jalo kare gi i timo tice kabeco, kame beco twatwal doko di kikonyo jo dedede.

Iburanian 12:14

Tamakinunu bedo kede anapakin kede jo dedede, kede da pi bedo jokacil, pien abongo en likame tie ngatamoro kame twero neno Rwot.

Iburanian 13:5

Kur ibedunu kede amara atek i kom sente, do miunu gikame itienu kede rom wu, pien Rubanga owaco be, “Ango likame abino weki amoto jali.”

Yakobo 3:13

Ngai kibutu en kame riek doko di etie kede niang? Ka tie ngat kame riek, poore kuo mere aber nyut tice mege kame etimo kede cuny me mwolere kame wok ki rieko mere.

1 Petero 2:12

Bedunu kede iponeso abeco i dier jo kalikame Iyudayan, tetekeny bed bala gin kiwaco kop moro i komu be wun jo kame timo tim areco, wek kikaruno neno tice wu kabeco di kiko mino Rubanga deyo i Ceng me bino mere pi ngolo kop.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

1 Petero 3:16

do di itimunu kamanono kede mwolo kede wor. Bedunu kede ngec aber me cuny, tetekeny kame koyeyeto wu, lewic bin mak jo kame yeto tice wu kabeco i Kirisito.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

1 Yokana 3:3

Jo dedede kame tie kede gen noni i kom Kirisito lonyere ken gi, bala kame en ecil kede.

Gianyuta 3:7

“Wandiko but malaika me ekodet me jokirisito kame tie Piladelpia be: “Magi kop me ngat kacil, ngat kame tie kede ateni, kame tie kede sumilito ka Daudi. Ka en eyabo ekeko, likame tie ngatamoro kame karuno cego; doko ka en ecego, likame tie ngatamoro kame karuno yabo.

Gianyuta 4:8

Giacwea ongwon kame kuo nogo, acelacel kikom gi oudo tie kede bwome kanyape, di wang gi opong rimaro kom gi lung, i ooko kede i yie. Iceng kede iwor gin likame kiweko wer be, “En cil, en cil, en cil Rwot Rubanga Won Twer, en kame oudo etie sek, nataman etie, doko ebino bino.”

Gianyuta 6:10

Gin kiko redo kede dwan amalo be, “Rwot won Twer, in ngat kacil kede me ateni, ibino tero kare kame rom amene di likame pwodi ingolo kop ne jo me wi lobo, di iko culo kwor me remo wa?”