1 Petero 1:14 - Baibuli I Leb Kumam 2013

¹⁴ Bala idwe kame wor, kur imiunu kuo wu lub mit kame oudo kong igeunu bedo kede pi kwina piny.

1 Petero 1:14 Iomraidhean Croise

Tice 17:30

Rubanga otieko weko kop me kare kame bin jo kwie kede nono, do nan eciko jo dedede me kabedo dedede pi swilaro,

Joroma 12:2

Kur ilubunu kuo me piny ni, do miunu kuo wu lokere pi tam anyen kame itienu kede, me wek ingeunu gikame Rubanga mito, gikaber, kame yomo cunye kede kopoore.

Joroma 6:4

Pi mano, di bin kobatiso wa, koyiko wa karacel kede Kirisito i to, tetekeny bala kame Papa oyaruno en kede kikom jo oto pi twer me deyo mere, wek wada obedunu kede kuo anyen.

Joepeso 2:2

gikame oudo obedo ekite me kuo wu, di ilubunu ekite me kuo me piny kan, kede di ilubunu ngapug kame lo tipere kame tie i wi yamo, en tipo kame nataman pugo jo kame dagi winyo kop ka Rubanga.

Joepeso 5:6

Kur ngatamoro ngalu kede kope me abe, pien gi nogi en kame mio lilo ka Rubanga poto i kom jo kalikame winye.

Iswilia 27:10

Pi manono, ipoorenu winyo Rwot Rubanga wu, di ilubunu cik kede iswilia mege kame ango atie mino wu tin.”

1 Jotesalonika 4:5

likame kede mit arac me kom bala kame atekerin kalikame ngeo Rubanga timo.

1 Petero 1:2

jo kame Rubanga Papa oyero bala kame en oudo eiko kede cako sek, di eko lonyo gi kede Tipo pi bedo jo kame winyo Yesu, kede di oko bino kiro gi kede remo mere pi gin doko cil. Okwao kisa kede mulem ka Rubanga bed dwong ne wu.