1 Petero 1:13 - Baibuli I Leb Kumam 2013

¹³ Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 1:13 Iomraidhean Croise

1 Abakai 18:46

Twer ka Rwot oudo tie kede Elia, omio en eko dolo igoen mege i piere di eko ringo lanyo Akab tuno i erute me bomba me Jeserel.

2 Abakai 4:29

Elisa oko waco ne Gekasi be, “Iikere iko mako ebela na i cingi iko ot. Ka iriamo kede ngatamoro kur imote, doko ka ngatamoro omoti kur igami. Kame ituno kunono rii ebela nono i nyim awobi nono.”

Yobu 38:3

Aso cungi di itieko iikere, ango ayaro penyi di iko dwoko na.

Yobu 40:7

“Cungi di itieko iikere; ango ayaro penyi di iko dwoko na.

Yai 12:11

Ibinunu cam awakawaka di ngat acelacel otieko ngapere engape me yai, kede amuka mere i tiene kede di ebela mere tie i cinge cuto. Manono bino bedo Ebaga me Kalamo kame tie pi wora, ango Rwot.

Isaya 11:5

Ebino bedo kede tim kopoore kede genere bala rakoba kame engapo i piere.

Yeremia 1:17

Do in Yeremia, iikere cuto me ot i wang tic; oti iwace gi kope dedede kame ango aciko ni pi waco. Kur nan imi cunyi poti pi gin, aso ka li ango abino mini ibedo kede lworo akalamo i nyim gi.

Matayo 20:4

En eko waco ne gi be, ‘Wuda otunu i poto me olok, ango abino mino wu cul aber.’ Gin kiko ot.

Luka 12:35

“Bedunu di itiekunu iikere pi tic, doko di italan wu tie liel,

Luka 17:30

Ebino bedo kamanono da i ceng kame Wot ka dano da bino nyutere kede.

Luka 17:8

Mam elunyo waco ne be, ‘In do ber iik nango cam me otieno, iko ngapere iko kelo na cam, iko donyo dara di ango acamo kede di amato, di do kame ango atieko, ida iko do cam kede mato.’

Joroma 13:13

Obedunu kede tim kame kelo wor bala otienu i dier iceng, likame bedo kede yomcuny arac kede amera, likame timo caro arabo mit me lewic, likame lok arabo timo nyeko.

Joroma 8:19

Pien cwec lung tie daro kede mit adwong pi Rubanga nyuto idwe mege.

1 Jokorinti 1:7

Manoni omio likame tie giamia moro kame Tipo Kacil mio, kame nan wun ikeunu di pwodi ikurunu kare kame Rubanga bino nyuto kede Rwot wa Yesu Kirisito.

1 Jokorinti 13:13

Aso, yei, gen kede amara, gin adek gi kidong atwal; do kame pire dwong kalamo gin dedede en amara.

Joepeso 6:14

Pi mano, cungunu di itiekunu iikere, di itienu kede ateni bala rakoba me tweno pieru, kede di itienu kede poore bala ebuku me gano koru.

Jokolosai 3:4

Ka Kirisito ngat kame obedo kuo wu bino neeno, wuda ibinunu neeno karacel kede en i deyo.

2 Jotesalonika 1:7

kede pi mino wu wei karacel kede wan, wun jo kame nan kotie mino wu neno can. En ebino timo man i kare kame Rwot Yesu bino neeno kede di ewok ki malo karacel kede imalaikan mege wegi twer.

2 Temeseo 4:5

Do in bed di wi tamo, kanyakino can, tim tic me tuco ejiri, cob tic nin.

2 Temeseo 4:8

Cako nataman, kotieko iiko na giamia me loc pi bedo ngat kopoore, kame Rwot ngangolkop kopoore bino mina i Ceng nono, doko likame ebino mino ango kenekene, do ebino da mino jo dedede kame daro dwogo mere kede imue.

Iburanian 10:35

Pi mano, kur iucunu tenge gen atek kame itienu kede, kame tie giamia me pwoc adwong.

Iburanian 3:6

Do Kirisito genere i tic me lono ot ka Rubanga bala Wode. Wan otienu ode ka omokunu kitek i kom nwangcuny kede i kom ngec aber i kom gen wa.

Iburanian 6:19

Wan otienu kede gen noni bala gikame gwoko kuo wa. En etie gen me ateni doko likame eyangere, en gen kame pororo kalamo egoe kame poko yi tempulo di eko tuno kabedo kacil,

Iburanian 9:28

kamanono da, ingei yalo Kirisito kicel pi kwanyo dub me jo atot, en ebino bobo neeno tien me are, likame pi kop kame mako dub, do pi lako jo kame tie kure kede imue.

1 Petero 1:10

Inabin kame bin omurao kop i kom kisa ka Rubanga kame oudo kobino mino wu, omoo di kipepenyo kop i kom alako noni.

1 Petero 3:15

Do worunu Kirisito i cunyu bala Rwot. Bedunu di itiekunu iikere i kare dedede pi dwoko kop ne ngatamoroni kame penyo wu pi tatamo i yore i yore gen kame itienu kede;

1 Petero 4:7

Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.

1 Petero 5:12

Ango awandiko ne wu baluwa acecek noni kede kony kame Sila omia, en ngat kame ango atero be omin wa kame genere i Kirisito. Ango adio cunyu doko di amio wu ijura be, man en kisa ka Rubanga me ateni; cungunu iye kitek.

1 Petero 5:8

Bedunu di wi wu riek kede di ikiunu piny. Ngakwor wu Sitani tie wire bala engu kame dorano, di emo ngatamoro ecamaro.

1 Yokana 3:3

Jo dedede kame tie kede gen noni i kom Kirisito lonyere ken gi, bala kame en ecil kede.