1 Petero 1:10 - Baibuli I Leb Kumam 2013

¹⁰ Inabin kame bin omurao kop i kom kisa ka Rubanga kame oudo kobino mino wu, omoo di kipepenyo kop i kom alako noni.

1 Petero 1:10 Iomraidhean Croise

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Agole 2:4

ka in ibedo mone bala nyonyo siliba, di imoe bala gimoro me wel amalo kame kokano,

Danieri 2:44

I kare me apugan nogo Rubanga me malo bino cibo ajakanut kalikame kobino jiko, doko da likame jo apat bino puge. En ebino tuturo ajakanuto nogo, di en eko bedo tie nakanaka.

Danieri 9:3

Ango ako lego kede cunya dedede but Rwot, di angangao en, di akanyo kec, di angapo epuko, kede di abedo i buru.

Agai 2:7

Ango abino yayango atekerin dedede, di oko bino kelo jamini gi me wel kan, di ango ako bino mino tempulo pong kede deyo na.

Sakaria 6:12

Wac ne be Rwot me jo yi owaco be, ‘Icuo kame kolwongo be Ajange bino janyo i kakame etie iye di eko temuno gero tempulo ka Rwot.

Matayo 13:17

Ateteni ango awaco ne wu be, bin inabin kede jo kopoore atot oudo tie kede mit me neno gikame wun inenunu, do likame kiko neno, doko oudo kimito winyo gikame wun iwinyunu, do likame kiko winyo.

Matayo 26:24

Wot ka dano bino to bala kame iwandik kacil waco, do ngat kame bino rupao Wot ka dano bino neno can tin benyo! Tikatika koto oudo likame konywale da.”

Luka 10:24

Pien awaco ne wu be, inabin atot kede abakai da oudo bin mito neno gikame wun inenunu, do likame kiko neno; doko oudo kimito winyo gikame wun iwinyunu, do likame kiko winyo.”

Luka 24:44

Di do en eko waco ne gi be, “Magi en kope nango kame bin awaco ne wu i kare kame oudo pwodi atie kede wu be, gi dedede kame kowandiko i koma i itabu ka Musa kede me inabin kede i Sabuli miero cobere kakare.”

Yokana 5:39

Wun imounu gikame tie i iwandik kacil, pien iparunu be ibinunu udo kuo kame bedo nakanaka ki yi gi, do di gin nogo en kame kimio kop kame jurao ango.

Yokana 7:52

Gin kiko penye be, “Ida iwok ki Galilaya? Aso somi iwandik kacil di iko bino ngeno be, likame tie enabi moro kame bino wok ki Galilaya.”

Tice 10:43

Inabin dedede bin omio ijura i kome be ngat acelacel kame yei en, kobino sasiro en ki dub mege pi nyinge.”

Tice 17:11

Iyudayan me Berea nogi oudo obedo jo kame beco kalamo Iyudayan me Tesalonika, pien gin oudo kigamo kop ka Rwot kede cuny gi lung, di kingingico iwandik kacil ceng dedede pi mito neno ka gigi tie kop me ateni.

Tice 28:23

Kakame kitieko moko kede ceng kede Paulo, cenge nono gin kiko bino di kitot kakame en oudo ebedo iye. Di Paulo oko yeko ne gi kop dedede i yore i yore, cako me odiko tuno piny yuto, di etatamo ne gi kop kame mako Ajakanut ka Rubanga, di etamakino loko tam gi i kom Yesu, di ejuro kop me Iswil ka Musa kede iwandik me inabin.

Tice 7:52

Enabi mene kame bin joakwari wu likame otidilo? Gin kineko jo kame bin ogeo tuco sek bino me Ngat Kopoore, kame wun irupaunu di ikounu neko.

Iburanian 11:13

Jo nogi dedede bin oto di oudo kitie kede yei, di likame kiudo gikame bin Rubanga ocikere pi mino, do oudo kinene anena ki kakabor di kiko pwore pire, ingei gin yei be gin kibedo jokumbor kede wele i piny kan.

Iburanian 11:40

pien Rubanga oudo otieko iiko sek gimoro kame ber kalamo pirwa. En oudo emito be kur gin kidok jo kame tie kakare bala kame poore kede, abongo wan iye.

1 Petero 1:11

Gin oudo kitamo mito ngeno ngat nono, amoto kare kame Tipo ka Kirisito kame oudo gin kitie kede tie nyuto, kakame etuco kede can kame Kirisito oudo bino kanyo, kede deyo kame bino lubo.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.