1 Petero 1:1 - Baibuli I Leb Kumam 2013

¹ Baluwa kowok kibut Petero, ngat kame obedo ngaor ka Yesu Kirisito. But jo koringo ayela kame osasarun i adulion me Pontu, Galatia, Kapadosia, Esia kede Bisinia,

1 Petero 1:1 Iomraidhean Croise

Esita 3:8

Kaman oko waco ne abaka be, “Tie jo me ateker moro kosarakin i ajakanut ni dedede, doko kitie i adulion dedede. Gin kitie kede itok kame pat kede itok me jo me atekerin apat, doko da gin likame kilubo iswilia ka abaka; aso likame eber nin kanyakino bedo kede gin.

Sabuli 44:11

In imio wa odoko cal bala romini me angola, iko sasaro wa i diere me atekerin apat.

Esekeri 6:8

“Do ango abino weko jo mogo dong kuo. Jo mogo kikom gi bino bwot di gin kiko sasarun i diere me atekerin i pinye apapat.

Jolebi 26:33

Abino kelo jokwor yi kede wu di ako sasaro wu i lobere me kumbor. Lobo wu bino dong nono, di bomban wu ko doko amejeko.

Matayo 10:2

Nying joor tomon kiwie are nogo ige: me agege Simoni kame kolwongo be Petero, kede omin mere Anderia; Yakobo wot ka Sebedayo kede omin mere Yokana;

Matayo 24:22

Doko koto Rubanga likame odwoko wel me ceng nogo odoko nonok, koto likame ngatamoro obwot; do pi jo mege kame en eyero, Rubanga bino dwodwoko ceng nogo doko nonok.

Matayo 4:18

Di bin Yesu oudo tie ririto dog nam me Galilaya, en eko neno imiegu are, Simoni (kame kolwongo be Petero), kede omin mere Anderia. Gin oudo kitie uco bwoi i nam pien gin oudo jocik.

Luka 18:7

Wun iparunu be likame Rubanga bino ngolo kop kiber pi konyo jo mege kame en eyero, jo kame kok bute iceng kede iwor? Iparunu be eyaro gal kede konyo gi?

Yokana 11:52

do likame pi gin kenekene, do pi coko idwe ka Rubanga kame osarakin obukui pi doko jo acel.

Yokana 7:35

Iyudayan oko donyo yamo ken gi ken gi be, “Tuai inonono kame icuo ni mito ot iye, kame mio wan likame otwero ude? Mam nat emito ot but joe wa kame osarakin i dier Jogurik di eko donyo pwonyo Jogurik?

Tice 18:2

Kakame etuno kede kuno, en eko udo Ngayudaya moro kame nyinge Akwila, kame oudo obedo anywali me Pontu. Akwila oudo pwodi obino abina ki Itali, en kede cege kame nyinge Purisila, pien Kulaudio oudo owoto cik be Iyudayan dedede yai tenge ki Roma. Paulo oko ot neno gi.

Tice 18:23

Ingei tieko kare moro acecek kuno, en eko yai di eko donyo ririmo adulion me Galatia kede Purigia, di emio jo kame lubo Kirisito tekcuny.

Tice 19:10

Man oko meede timere pi mwakini are, oko mino jo dedede kame bedo Esia, Iyudayan karacel kede Jogurik, oko winyo kop ka Rwot.

Tice 6:9

Jo mogo kame bin owok ki sinagoga me Jo Kogonyere (bala kame oudo kolwonge kede), kede jo me Sirene, kede jo me Alekesanda, kede mogo kame oudo owok ki Kilikia kede Esia, oko yai di kiko cako piem kede Sitepano.

Tice 8:4

Di do jo koyei Kirisito, gin jo kame bin osarakin, oko donyo ot di kipwonyo kop ka Rubanga.

1 Jokorinti 16:19

Ikodeta me jokirisito i piny me Esia omoto wu. Akwila kede Purisika, karacel kede ekodet me jokirisito kame cokere i ot gi, moto wu twatwal i Rwot.

2 Jokorinti 1:8

Imiegu kede amiegu na, wan likame omito be ibedunu abongo ngec i kom peko kame wan obeo iye i Esia; pien oudo komio wa peko kalikame kanyere, omio oko bedo li kede gen me kuo.

Jogalatia 1:2

Ango acwao baluwa noni karacel kede imiegu kede amiegu dedede kame tie keda. But ikodeta dedede me jokirisito i Galatia.

Joepeso 2:12

I kare nono kuo wu oudo opokere kede Kirisito, oudo itienu ooko me ateker me Isirael, doko oudo likame koribo wu i isikan kame cungo i cikere ka Rubanga, kede oudo ibedunu i piny kan abongo gen kede abongo ngeno Rubanga.

Joepeso 2:19

Pi mano, wun doko likame pwodi itienu jo kame kokwia, kame obedo jokumbor, do wun itienu jo me ateker acel kede jokacil, doko da ibedunu jo me i ot ka Rubanga,

Iswilia 28:64

“En ebino sasaro wu i diere me atekerin apat, cako ki ajikini me wi lobo tetucel tuno tetu ocelu; ki kunono ibinunu donyo tic ne rubangan kobedo yen kede ingaroi kame kopao, rubangan kame wun kiton joakwari wu likame ingeunu.

Iswilia 32:26

Oudo aparo be koto amuducaro gi atwal atwala, di ako mino nying gi rweny atwal ki diere me jo.

Iswilia 4:27

Rwot bino sasaro wu but atekerin apat kakame jo anonok kenekene kikom wu en kame bino dong di kikuo.

2 Temeseo 1:15

In ingeo be jo dedede kame tie Esia, ribo kiton Pugelo kede Keremugene otieko jala.

Iburanian 11:13

Jo nogi dedede bin oto di oudo kitie kede yei, di likame kiudo gikame bin Rubanga ocikere pi mino, do oudo kinene anena ki kakabor di kiko pwore pire, ingei gin yei be gin kibedo jokumbor kede wele i piny kan.

Yakobo 1:1

Baluwa kowok kibut Yakobo ngatic ka Rubanga kede me ka Yesu Kirisito. But atekerin tomon kiwie are kame osarakin obukui. Amoto wu.

1 Petero 2:11

Jo na kame amaro, abako doga butu bala kame nan itienu bedo i piny kan acalo wele me kumbor kame oringini kagwok, kur iyeunu donyo i mit me kom, kame nakanaka yi kede kuo me cunyu.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

Gianyuta 1:11

En ewaco be, “Wandiko i itabu gikame ineno di iko cwano ne ikodeta kanyaare me jokirisito kame tie Epeso, Simuna, Peregamu, Tuatira, Saradisi, Piladelpia kede Laodikia.”