1 Iyutun 9:19 - Baibuli I Leb Kumam 2013

¹⁹ Salum wot ka Kore, wot ka Kora, karacel kede jo ace me ot ka Kora, oudo tic gi en daro ekeko adonyo i Eema ka Rwot, bala kame joakwari gi oudo lo kede kabedo me kimere ka Rwot.

1 Iyutun 9:19 Iomraidhean Croise

2 Abakai 11:15

Di ngasaseredoti Yekoyada oko mino cik but jodongo me isirikalen be, “Terenu ooko i diere me isirikalen jodar; nekunu ngatamoroni kame bino lube kunono.” Yekoyada otimo kamanono pien oudo likame emito be nek Atalia i tempulo.

2 Abakai 11:9

Jodongo me isirikalen oko woro kop kame Yekoyada owaco; gin kiko tero but Yekoyada isirikalen kame oudo poore wei ceng Sabato kede kame oudo poore bedo i wang tic.

2 Abakai 12:10

Tek kame sente oudo odoko tot i sanduku, kalani ka abaka kede Ngatel me Josaseredoti oudo kioto maro sente nogo di kiko twetweo gi i isaun.

1 Iyutun 9:18

Pi kare alac gin oudo kibedo jodar me Erute me Abaka koudo tie i bad tetu kide. Do i kare acen joakwari gi en koudo obedo jodar me erute adonyo i kimere me Jolebi.

1 Iyutun 9:20

Pinekasi wot ka Eleasar en kame oudo lo gi i kare me agege; Rwot oudo tie kede en.

Sabuli 42:1

Bala kite kame atil mo kede esamai amol, kamanono da cunya paro neni, Okwe Rubanga.

Sabuli 44:1

Wan otieko winyo kede yit wa, Okwe Rubanga, joakwari wa owaco ne wa tice kame in itimo i kare gin, i kare kasek.

Sabuli 49:1

Winyunu, wun jo dedede, cikunu yitu, wun jo dedede kame bedo i piny,

Sabuli 84:10

Pien bedo i diakal nin ceng acel kenekene ber kalamo ceng tutumia acel kame dano bedo kede kabedo ace. Eber nango bedo ngadar ekeko me ot ka Rubanga kalamo ot bedo i miere me jo areco.

Yeremia 35:4

Ango ako tero gi i ot ka Rwot i agola me josiao ka Aanan wot ka Igidalia, dano ka Rubanga. Agola nono oudo tie malo i wi agola ka Maseya wot ka Salum, ngat kame bin daro ekeko kalac me ot ka Rwot, doko oudo etie i iyapiyapi kede agolai me jodongo apat.

Yeremia 52:24

Nebusaradan, ngadwong me isirikalen oko tero da bala mabus Seraya Ngatel me Josaseredoti, Sepania ngasaseredoti kame oudo lubo tiene, kede jo adek kame oudo obedo jodar ekeko me tempulo.