Abaka doko da oko waco ne ngasaseredoti Sadoki be, “Neningo, in doki i bomba kede mulem, in karacel kede Abiata; dokunu kede awobe wu are, Akimas wodi kede Jonasan wot ka Abiata.
Jonasan kede Akimas oudo obedo tie cungo i atan me Enerogel kuro kop, pien gin oudo kitie kede lworo be miero kur nen gi di kitie donyo i bomba. Atin nyako apasoit moro tie kame oudo tero ne gin kop, di gida kiko ot waco ne Abaka Daudi.
Jotic ka Abisolom oko bino i ot nono di kiko penyo dako nono be, “Akimas kede Jonasan tie tuai?” Dako ca oko dwoko negi be, “Kingolo pii loka tetuca.” Do kakame kimo gi kede di likame kiko udo gi, gin kiko dok Yerusalem.
Akimas wot ka Sadoki bobo oko waco ne Joab be, “Wek gikame mito timere etimere; do yei ne ada aringi alub loca tero kop.” Joab oko dwoko ne be, “Woda, pinyo komio ida itie mito ot tero kop do di likame tie giamia moro kame ibino udo iye?”
Kame itununu kunono, ngasaseredoti Sadoki kede enabi Natan bino wiro Sulumani pi bedo abaka me Isirael. Di do ikounu kuto agwara, di jo dedede ko lelemo be, ‘Abaka Sulumani bed kuo pi kare kalac!’
Abaka otieko mino ngasaseredoti Sadoki, enabi Natan, kede Benaya wot ka Yekoyada, karacel kede jo Keret kede jo Pelet onyamaro en i atan me Gikon. Gin kimie ewanano asigira ka abaka,
Abaka Daudi bin oko keto ikwae ka Aaron i ikodeta di lubere kede tice kame kopoko negi. Sadoki akwar Eleasar, kede Akimelek akwar Itamar en kame bin okonye timo manoni.
Ngatel me josaseredoti Asaria, akwar Sadoki oko waco ne be, “Cako i kare kame jo ocako kelo kede giamia gi i tempulo, wan obedo tie kede cam kame romo wa di cam atot da oko dong. Manoni otimere pien Rwot omio jo mege winyo.”
