1 Iyutun 5:26 - Baibuli I Leb Kumam 2013

²⁶ Aso, Rubanga oko mino Abaka Pul me Asiria (kolwonge da be Tigilat Pileser) osuro lobo gi. En eko mamako di eko tero jo me ikekon ka Ruben, Gad, kede dul me jo me ekeko ka Manase atie tetu kide, di eko tero gi bedo Kala, Kabor, Kara, kede i dog ecilet me Gosan tuno tin.

1 Iyutun 5:26 Iomraidhean Croise

2 Samuel 24:1

Cuny Rwot bobo oko wang kede jo me Isirael, di eko supo Daudi i kom gi di ewaco be, “Oti imar wel me jo me Isirael kede me Yuda.”

2 Abakai 15:19

Abaka Tigilat Pileser me Asiria bin oko bino suro Isirael, di Menakem oko mine kilo tutumia ot adek kiwie kanyauni (38,000) me siliba, tetekeny en ekonye edok tek i ajakanut mere bala abaka.

2 Abakai 15:29

I kare kame bin Peka tie kede abaka me Isirael, en kame Abaka Tigilat Pileser me Asiria oko mano kede bomban me Iyon, Abel Bet Maka, Yanoa, Kedes, Kasor, Gilead, Galilaya, kede lobo me Naputali dedede, di eko mako jo bala mabus di eko tero gi Asiria.

2 Abakai 16:7

Akas bin oko ooro jo but Abaka Tigilat Pileser me Asiria di ewaco ne be, “Ango atie ngatic ni doko ango wodi. Bia ilaka ki cing abaka me Siria kede ki cing abaka me Isirael, jo kame tie sura.”

2 Abakai 17:6

I mwaka me kanyangon me apugan ka Kosea, abaka me Asiria bin oko mano Samaria, di eko tero jo me Isirael Asiria bala mabus. En bin eko keto mogo kikom gi i bomba me Kala, jo ace eketo i nget ecilet kame kolwongo be Kabor i adul me Gosan, kede mogo eko keto i bomban me Mede.

2 Abakai 18:11

Abaka me Asiria oko tero jo me Isirael Asiria bala mabus di eko keto gi bedo i bomba me Kala, i nget ecilet me Kabor i adul me Gosan, kede i bomban me Mede.

2 Abakai 19:12

Abakai me Asiria kame ango alunyo cen ngei gi bin omuducaro bomban me Gosan, Aran, kede Resep, kede jo me Eden kame oudo tie Telesar, cabo likame tie moro kikom gi kame rubanga mere oko lake.

1 Iyutun 5:22

Kineko jokwor atot pien yi nono oudo obedo me ka Rubanga. Gin kiko dong bedo i adul nono tuno i kare kame komako gi kede oko tero gi obukui bala mabus.

1 Iyutun 5:6

kede Beera, ngat kame Tigilat Pileser abaka me Asiria bin omako di eko tere obukui bala mabus; en oudo ebedo ngatel me jo me ekeko nono.

1 Iyutun 9:1

Jo dedede me Isirael bin kowandiko nying gi di lubere kede joakwari gi, di oko rwako ngec i kom gi i Itabu me Itatam kamako Abakai me Isirael. Bin oko mako jo me Yuda di oko tero gi Babilon bala mabus, pien oudo likame kibedo jo agenere but Rubanga.

2 Iyutun 28:20

Aso, Abaka Tigilat Pileser me Asiria akaka bino pi konyo Akas, en eko lokere bino yi kede en, di eko tidilo en.

2 Iyutun 30:6

Joor oko ot ririmo Isirael kede Yuda lung di kitero baluwan koyai kibut abaka kede jotel, bala kame abaka oudo ociko. Baluwa nono oudo waco be, “Okwe wun jo Isirael, dwogunu but Rwot, Rubanga ka Aburam, Isaka, kede Yakobo, tetekeny amoto edwog bobo but wanunu jo anonok nogi kobwot ki cing abakai me Asiria.

2 Iyutun 33:11

Pi mano, Rwot bin oko cwano jotel me isirikalen me Asiria ot suro Yuda. Gin kiko mako Manase di kiko twene kede epingo kede irikoi, di kiko tere Babilon.

Esera 1:5

Jotel me miere me jo me ekeko ka Yuda kede me ka Benjamin, kede da josaseredoti kede Jolebi kede jo dedede kame Rubanga oudo omulo cuny gi, gin dedede kiko iikere pi ot temuno gero tempulo ka Rubanga i Yerusalem.

Isaya 37:12

Abakai me Asiria kame ango alunyo cen ngei gi bin omuducaro bomban me Gosan, Aran, kede Resep, kede jo me Eden kame oudo tie Telesar. Kony nyo do kame rubangan gi oko timo negi?

Isaya 37:18

Okwe Rwot, ateteni wan ongeo be abakai me Asiria otieko muducaro atekerin dedede kede lobere gi,