1 Iyutun 5:25 - Baibuli I Leb Kumam 2013

²⁵ Do jo likame oko bedo jo agenere but Rubanga ka joakwari gi, di do gin kiko donyo woro rubangan me atekerin kame Rubanga oudo oriamo ki lobo nono.

1 Iyutun 5:25 Iomraidhean Croise

2 Abakai 15:19

Abaka Tigilat Pileser me Asiria bin oko bino suro Isirael, di Menakem oko mine kilo tutumia ot adek kiwie kanyauni (38,000) me siliba, tetekeny en ekonye edok tek i ajakanut mere bala abaka.

1 Iyutun 5:24

Jotel me ude gi bin gin ige: Eper, Isi, Eliel, Asiriel, Yeremia, Kodabia, kede Yadiel. Gin dedede oudo kibedo jo atek yi kede jotel angere me ude gi.

1 Iyutun 9:1

Jo dedede me Isirael bin kowandiko nying gi di lubere kede joakwari gi, di oko rwako ngec i kom gi i Itabu me Itatam kamako Abakai me Isirael. Bin oko mako jo me Yuda di oko tero gi Babilon bala mabus, pien oudo likame kibedo jo agenere but Rubanga.

Yai 34:15

Likame ibinunu timo isikan kede jo me piny nono, pien kame gin kibino woro rubangan gi, di kimio giayala but gi, gin kibino lwongo wu pi nywako kede gi, di wuda ikounu camo giayala gi.

Kosea 1:2

I kare kame bin Rwot ogeo yamo kede jo Isirael di ebeo kibut Kosea, en ewaco ne Kosea be, “Oti di iko nyomo dako kame obedo malaya di iko nywalo kede idwe kame tie kede ekite nono, pien lobo tie timo tim me malaya kitek i yore me weka di gin kiko lokere woro rubangan apat.”

Kosea 9:1

Jikunu kilel, Okwe wun jo me Isirael! Kur itacunu bala kame atekerin apat timo. Wun itimunu tim me malaya di ikounu weko Rubanga wu. Icaterenu but rubanga Baal bala imalayan, di cunyu oko maro engano kame en eculo wu kede.

Gianyuta 17:5

Oudo kowandiko i tur nyime nying kame obedo gi komungere be, “Babilon adwong, toto me imalayan kede me jo me wi lobo kame timo tim me emuna.”

Jongolkop 2:12

di kiko weko Rwot, Rubanga ka joakwari gi, ngat kame bin okwanyo gi ki lobo me Misiri. Gin bin kidonyo lubo rubangan apat, rubangan me jo kame bin oluko gi. Gin bin kidonyo luro wi gi piny woro gi, omio kiko wango cuny Rwot.

Jongolkop 2:17

Do jo me Isirael likame bin oko winyo kop akadi me jotel gi. Gin cuny gi bin obedo mito rubangan apat di kiluro wi gi piny woro gi. Gin kilokere tenge oyotoyot ki yongayo kame bin joakwari gi obedo lubo. Joakwari gi bin obedo lubo cik ka Rwot, do gin likame kiko timo kamanono.

Jongolkop 8:33

Oyotoyot di Egidioni otieko to, jo me Isirael oko bobo dok cen i kuo me woro Baal. Gin bin kiko mino Baal kame gin oudo kitimo isikan kede oko doko rubanga gin.