1 Iyutun 5:2 - Baibuli I Leb Kumam 2013

² bed bala jo me ekeko ka Yuda en oko doko tek kalamo, doko da ngatel me jo me ikekon dedede oko wok kibut gin.)

1 Iyutun 5:2 Iomraidhean Croise

Ageini 25:31

Yakobo oko gamo be, “Me agege in kong sesi nango twero nin me anywali.”

Ageini 35:23

Awobe ka Lea gin ige: Ruben (kao ka Yakobo), Simeon, Lebi, Yuda, Isakar kede Sebulun.

Ageini 48:5

Pi mano, awobe nin are go, kame in inywalo i lobo me Misiri di pwodi ango oudo likame abino buti kan, nan do odoko mega; Epuraimu kede Manase bino bedo mega, bala Ruben kede Simeon.

Ageini 49:26

Winyo kame komio papa ni dwong kalamo winyo kame wok ki moru kame bedo nakanaka, ekalamo jamini abeco kame wok ki wi emukura kame bedo nakanaka. Ango akwao be winyo nogi bed i kom Yosepu, kibed i tur nyim en ngat kame bin koyero kikom imiegu mege di oko poke.

2 Samuel 8:15

Daudi bin oko pugo Isirael lung di engolo kop i ateni doko di etero jo mege dedede kiber.

1 Iyutun 28:4

Aso di Rwot Rubanga me Isirael otieko yera kikom jo me ot ka kwaru na pi bedo abaka me Isirael nakanaka. En eyero ekeko ka Yuda pi bedo ekeko kame jotel yai kiye, di ki ekeko ka Yuda, en eko yero ot ka papa na. Kikom awobe ka papa na, en cunye oko bedo yom pi keta bedo abaka me Isirael lung.

Sabuli 108:8

Gilead obedo mera; Manase da obedo mera; Epuraimu obedo ocoro atek kame gwoko wia; Yuda en ebela na me pug.

Sabuli 60:7

Gilead obedo mera, Manase da obedo mera; Epuraimu obedo ocoro atek kame gwoko wia, Yuda en ebela na me pug.

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Wel 2:3

I bad tetu kide, bad kame ceng wok kiye, jo dedede koriribun i imendera me jo me ekeko ka Yuda bino gero kimere gi di lubere kede ikodeta gi. Nakason wot ka Aminadab en kame bino telo jo tutumia ot kanyaare kiwie ongwon kede tol kanyape (74,600), gin jo me ekeko ka Yuda.

Wel 7:12

Aso, buli ngatel acelacel oko tero giamia kaman: Itatany kame kotimo kede nyonyo siliba kame peko mere tie kilo acel kede dul, kede kalaya da kame kotimo kede nyonyo siliba kame peko mere tie guram tol kanyauni, manono di lubere kede gipim me Kabedo Kacil, gin dedede di kopongo gi kede alos kame konungo di konyonge kede mo pi bedo giayala me alos. Buli dano doko otero bakuli kame kotimo kede saabu kame peko mere romo guram tol acel kede tomon, di koponge kede odok angwe kur me adunya; kede twon etobait acel, emerekek acel, atin oromo icuo acel me mwaka acel, magonogi kitero pi bedo giayala awanga. Doko da buli dano oko tero diel acel pi bedo giayala me kwanyo dub, kede twonin are, imerekekin kany, diegi kany, kede idwe romini me mwaka acel, gin kany pi bedo giayala me nywak. Gin kiko mino giamia gi di lubere kaman: i ceng me agege Nakason wot ka Aminadab, dano me ekeko ka Yuda, i ceng me are Netanel wot ka Suar, ngatel me jo me ekeko ka Isakar, i ceng me adek Eliab wot ka Kelon, ngatel me jo me ekeko ka Sebulun, i ceng me ongwon Elisur wot ka Sedeur, ngatel me jo me ekeko ka Ruben, i ceng me kany Selumiel wot ka Surisadai, ngatel me jo me ekeko ka Simeon, i ceng me kanyape Eliasap wot ka Dewel, ngatel me jo me ekeko ka Gad, i ceng me kanyaare Elisama wot ka Amikud, ngatel me jo me ekeko ka Epuraimu, i ceng me kanyauni Gamaliel wot ka Pedasur, ngatel me jo me ekeko ka Manase, i ceng me kanyangon Abidan wot ka Egidioni, ngatel me jo me ekeko ka Benjamin, i ceng me tomon Akieser wot ka Amisadai, ngatel me jo me ekeko ka Dan, i ceng me tomon kiwie acel Pagiel wot ka Akeran, ngatel me jo me ekeko ka Aser, i ceng me tomon kiwie are Akira wot ka Enan, ngatel me jo me ekeko ka Naputali.

Matayo 2:6

“‘Wun jo me Betelem, i piny me Yuda, bomba wu pire dwong i dier bomban apat kame tie i piny me Yuda; pien ngatel bino wokun ki diere wu, kame bino bedo ngakwat me jo na me Isirael.’ ”

Joroma 8:29

Pien Rubanga oudo ogeo moko sek pi loko doko cal kede Wode jo kame en oudo egeo ngeno, tetekeny Wode bed kao kikom imiegu atot.

Iswilia 21:17

Miero en eyei be wot ka dako kalikame cunye maro en obedo awobi kao; epoore mine iner adwong kalamo, bala kame awobi kao poore udo, piento en ebedo kao mere, twero me atin kao obedo mere.

Iswilia 33:17

Dwongo kame Yosepu tie kede cal bala me twon kobedo nywal kao. Teko mere rom bala me tung jobi. Pi teko mere nono en ebino riamo atekerin apat tuno i ajikini me lobo; jo kobedo teko mere nono en jo tutumian me Manase kede jo tutumian kede tutumian me Epuraimu.”

Iburanian 7:14

Pien etie kakaler be Rwot wa owok kiye ateker ka Yuda, do Musa likame oyamo kop moro i kom ateker noni, kame makere kede kop me josaseredoti.

Yosua 14:6

Ceng moro acel di jo me Isirael oudo pwodi tie Giligal, jo mogo me ekeko ka Yuda oko ot but Yosua. Ngat acel kikom gi kame oudo nyinge Kaleb wot ka Jepune me ot ka Kenisi oko waco ne Yosua be, “In ingeo kop kame Rwot owaco ne Musa dano ka Rubanga i Kades Barenea i komi kede ango.

Gianyuta 5:5

Di ngat acel kikom joadongo oko waco na be, “Kur ikoki; neningo, Engu me ateker ka Yuda, Alias ka Daudi, otieko lono, omio en ekaruno tako gikame kododoko tien kanyaare mwono kede itabu adola nono, di eko yabo yie.”

Jongolkop 1:2

Rwot oko waco negi be, “Jo me ekeko ka Yuda bino cako ot. Ango atie mino lobo nono i cing gi.”

1 Samuel 16:1

Rwot oko waco ne Samuel be, “In iyaro parere pi Saulo pi kare arom amene? Ango atieko dage pi bedo abaka me Isirael. Ket mo me olibeti i tung diang di iko yai ot Betelem, but icuo moro anyinge Yese, pien ango atieko yero wode acel pi doko abaka.”

1 Samuel 16:10

Yese oko mino awobe kanyaare obeo acelacel i nyim Samuel iepone noni, do Samuel oko waco ne Yese be, “Likame tie moro kame Rwot oyero kikom magi.”

1 Samuel 16:12

Aso, Yese oko cwano kolwonge. En oudo ebedo awobi acil di kome yot, wange oudo milimili. Rwot oko waco ne Samuel be, “Yai iwire, piento en inononi.”