1 Iyutun 4:9 - Baibuli I Leb Kumam 2013

⁹ Oudo tie icuo moro anyinge Yabes; en oudo kowore i tur gi kalamo imiegu mege. Toto mere oudo ocako ne nying nono be Yabes pien nywale oudo obedo nywal me lito.

1 Iyutun 4:9 Iomraidhean Croise

Ageini 3:16

Di eko waco ne dako be, “Abino medo ni aramo i kare me nywal; ibino nywalo idwe kede twon aramo. Bed bala kamanono da, in pwodi cunyi bino mito cwari, doko en ebino pugi.”

Ageini 34:19

Awobi noni likame oko gal kede timo gikame oudo kowaco ne, pien nyar ka Yakobo oudo oyomo cunye twatwal. Sekem oudo obedo dano apire tek twatwal i diakal gi.

Ageini 35:18

Kakame oudo cunye tie cot kede (pien eko to), en eko cako nying atin nono be Benoni, do papa mere oko cako ne be Benjamin.

1 Iyutun 4:10

Do Yabes oko lego but Rubanga me Isirael be, “Okwe Rubanga, mia winyo di iko nyano ikor na. Bed tie keda di iko gwoka ki gikareco dedede kame twero kelo na lito.” Di Rubanga oko mine gikame ekwao.

1 Iyutun 4:8

Kos en oudo obedo papa me Anub kede Sobeba; en oudo ebedo kwaru me jo me ude koyai kikom Akarkel wot ka Karum.

1 Iyutun 7:23

Epuraimu bobo oko buto kede dako mere, di eko yac di eko nywalo atin awobi. Gin kiko cako nyinge Beria, pi peko koudo opoto i paco gi.

Agole 23:25

Mi papa ni kede toto ni bed kede yomcuny; mi toto ni ngat konywali leli.

Isaya 43:4

Ango abino mino jo bala gi me cul piru, abino jalo atekerin pi lako kuo wu, pien wun ibedunu gi me wel amalo buta, ango amaro wu, doko amio wu wor.

Tice 17:11

Iyudayan me Berea nogi oudo obedo jo kame beco kalamo Iyudayan me Tesalonika, pien gin oudo kigamo kop ka Rwot kede cuny gi lung, di kingingico iwandik kacil ceng dedede pi mito neno ka gigi tie kop me ateni.

1 Samuel 4:21

En eko cako nying atin nono Ikabod, kame dwong mere be, “Deyo ka Rubanga otieko weko Isirael,” pien oudo kotieko mano Sanduku me Isikan ka Rubanga, kede doko da pi to ka papa me cware karacel kede me ka cware.