1 Iyutun 4:43 - Baibuli I Leb Kumam 2013

⁴³ Ki kunono gin kiko neneko donge me jo Amalek koudo obwot, di gin kiko donyo bedo kunono tuno tin.

1 Iyutun 4:43 Iomraidhean Croise

2 Samuel 8:12

atekerin nogo en, Edom, Moab, Amon, Pilistia kede Amalek. Doko da en eko mino Rwot dul me jamini kame bin en eyako kibut Abaka Kadadese wot ka Rekob me Soba.

2 Iyutun 5:9

Atekai nogo oudo bocoboco twatwal, ka dano moro oudo ocungo i nyim Kabedo Kacil Kalamo, en oudo ekaruno neno wi gi; do likame oudo kokaruno neno gi ki ooko. Atekai nogo pwodi tie kunono tuno tin.

Yeremia 44:6

Manono oko mina abwoto lilo na kede gero na i kom bomban me Yuda kede i dier yote me Yerusalem, di eko liel i kom gi bala mac. Gin nataman do kidong amejeko abongo jo, bala kame etie kede tuno tin.

Matayo 27:8

Gino en komio kolwongo poto nono be Poto me Remo tuno tin.

Matayo 28:15

Isirikalen jodar oko gamo sente di kiko timo bala kame oudo kowaco ne gi. Kop noni oko sarakin i dier Iyudayan tuno tin.

Iswilia 34:6

Oko bin yike i aditot kame tie i lobo me Moab, kakame pimere kede Betepeor, do tuno tin likame tie ngat kame ngeo kakame koyike iye kikokome.

Jongolkop 1:26

Icuo nono oko yai eoto i lobo me jo Kiti kakame eko gero iye bomba. En bin eko cako nying bomba nono be Lus; manono en nyinge tuno tin.

1 Samuel 30:16

Kakame en eko tero kede Daudi, joyak nogo oudo osasarun kuno atatai di kitie cam kede amata kede miel, pien jamini kame gin oudo kiyako ki lobo me Pilistia kede Yuda oudo tot twatwal.

1 Samuel 30:17

Daudi oko yi kede gi cako obai tuno otieno. Likame tie dano moro kame oko bwot kikom gi, kwanyo kenekene awobe tol ongwon (400), kame oudo oko yito ingei asigiran di kiko ringo.