1 Iyutun 27:1 - Baibuli I Leb Kumam 2013

¹ Buli duwe acelacel ekodet me jo tutumia ot are kiwie ongwon (24,000) oudo bedo i wang tic bala Isirikalen me Isirael. Jo nogi oudo ribo jotel me diakale, jotel me isirikalen kede jotic ka abaka.

1 Iyutun 27:1 Iomraidhean Croise

2 Samuel 23:8

Magi en nying isirikalen kame Daudi oudo tie kede: Yoseb Basebet dano me Takemon; en oudo ebedo ngatel me “Jo Adek”; en bin eyi kede tong mere di eko neko jo tol kanyauni (800) i yi acel.

1 Abakai 4:27

Jopug tomon kiwie are nogo en kame bin tero giacama ne Abaka Sulumani kede jo kame bin camo ki paco mere. Ngapug acelacel oudo tero gi nogo i duwe kame kopoko ne; likame tie gimoro kame oudo gin kimio rem.

1 Abakai 4:7

Sulumani bin tie kede jopug tomon kiwie are me apugan mere i Isirael lung. Ngat acelacel kikom gi oudo tero cam ne abaka kede jo me ode, pi duwe acel lung, buli mwaka.

1 Abakai 5:14

En eko popoko gi i ikodeta me tutumia tomon tutumia tomon kame lere alea i timo tic, di eko cwano gi Lebanon. Ekodet acel bin bedo Lebanon pi duwe acel di eko dok bedo paco pi duwete are. Adoniram en kame bin en eketo pi bedo ngadwong gi.

1 Iyutun 11:10

Magi en nying isirikalen ka Daudi koudo ngere twatwal. Gin karacel kede jo ace me Isirael bin kikonye eko doko abaka, bala kame Rwot oudo ocikere kede, doko da kiko mino ajakanut mere ocungo di tek.

1 Iyutun 13:1

Abaka Daudi bin oko penyo tam kibut jodongo me isirikalen mege dedede, jodongo kame telo isirikalen tutumia acel tutumia acel kede kame telo isirikalen tol acel tol acel.

1 Iyutun 26:32

Abaka Daudi bin oko yero cuo atwero tic tutumia are kede tol kanyaare (2,700) kikom jotel me diakale me joawade ka Yeria, di en eko keto gi pi bedo jo kame ngingico tice me jo me ikekon ka Ruben, Gad, kede dul me ekeko ka Manase, i kom kop amako Rubanga kede amako abaka.

1 Iyutun 27:2

Magi en nying jo kame oudo telo gi duwe acelacel: Duwe me agege: Yasobeam wot ka Sabidiel, dano me ot ka Peresi Duwe me are: Dodai akwar Akoki; Mikilot en kame bin lubo tiene Duwe me adek: Benaya wot ka Yekoyada ngasaseredoti; en kame bin ebedo ngatel me “Jo Ot Adek” (wode Amisabad en kame bin oko lunyo wange bala ngatel me isirikalen me ekodet noni) Duwe me ongwon: Asakel omin me Joab (wode Sebadia en kame bin oko lunyo wange) Duwe me kany: Samukut, akwar Isikar Duwe me kanyape: Ira wot ka Ikes dano me Tekoa Duwe me kanyaare: Keles dano me ekeko ka Epuraimu, en bin eyai ki adul me Pelon Duwe me kanyauni: Sibekai dano me Kusa (en oudo ebedo dano me ekeko ka Seera, me ateker ka Yuda) Duwe me kanyangon: Abieser dano me Anatot kame tie i adul me jo me ekeko ka Benjamin Duwe me tomon: Makarai dano me Netopa (en oudo ebedo dano me ekeko ka Sera) Duwe me tomon kiwie acel: Benaya dano me Piraton kame tie i adul me jo me ekeko ka Epuraimu Duwe me tomon kiwie are: Keledai dano me Netopa (en oudo akwar Otiniel).

1 Iyutun 28:1

Daudi bin oko mino cik but jotic dedede me Isirael pi gin cokere Yerusalem. Aso, jotic me ikekon dedede, jodongo me ikodeta dedede kame bin timo tic ka abaka, jotel me isirikalen tutumia tutumia, jotel me isirikalen toli toli, jogwok jamini kede doke ka abaka kede awobe mege, karacel kede jotic me paco ka abaka, jo yi atek mege, kede jo yi dedede, oko cokere Yerusalem.

1 Iyutun 29:6

Di do jotel me diakale, jotel me ikekon, jotel me isirikalen, kede jotel me tic ka abaka oko mino jamini bala kame cuny gi owinyo.

2 Iyutun 1:2

Sulumani bin oko lwongo jo dedede me Isirael, jotel me ikodeta me isirikalen atie tutumia acel tutumia acel, kede atie tol acel tol acel, jongolkop, jotel me Isirael, jotel me miere, kede jo dedede.

Yai 18:25

Musa oko yero jo kame twero tic kikom jo dedede me Isirael, di eko cibo gi bedo jotel me jo tutumian, jo toli, jo ot kany, kede jo tomon.

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Iswilia 1:15

Aso ango bin ako gamo jo ariek kame jo woro kame wun iyerunu i ikekon wu, di ako keto gin pi bedo jotel wu. Jo mogo kikom gi oudo telo jo tutumia acel, jo tol acel, jo ot kany, kede mogo jo tomon. Ango ako yero bobo jotel ace i ikekon dedede.

Yosua 23:1

Di do oudo kare kalac otieko kato, di Rwot oudo otieko mino jo me Isirael anapakin, di likame jokwor gi kame oudo oluko gi bobo do lolo gi, doko di Yosua da oudo otieko ti twatwal,

1 Samuel 8:12

En ebino mino mogo kikom gi doko jodongo me isirikalen tutumia, apat mege jodongo me isirikalen ot kany. Awobe wu bino puro poto mere, kede coko cam mege kipoto mere. Ace bino bedo jocwei jamini mege me yi kede me kom cabalan mege.