1 Iyutun 26:8 - Baibuli I Leb Kumam 2013

⁸ Jo koyai ki ot Obed Edom bin tie jo ot kanyape kiwie are. Gin dedede jo kame bin opwonyere kiber i tic noni.

1 Iyutun 26:8 Iomraidhean Croise

2 Samuel 6:10

Aso, Daudi likame oko yei tero Sanduku me Isikan ka Rwot i bomba mere, pi en koto gwoke i kuno; do en eko lokere tere i ot ka Obed Edom dano me bomba me Gat.

1 Iyutun 26:7

Awobe ka Semaya nogo gin bin en Otini, Repael, Obed, Elisabad, Eliku kede Semakia. Eliku kede Semakia oudo obedo jodiru twatwal.

1 Iyutun 26:9

Jo me ot ka Meselemia bin oko gida cwano cuo tomon kiwie kanyauni kame oudo opwonyere kiber i tic noni.

Matayo 25:15

Bin emio ngat acel talente kany, dano ace di eko mino talente are, kede ocelu da en eko mino talente acel. Emio dano acelacel gikame rom kede teko mere. En di do eko ot.

2 Jokorinti 3:6

En ngat kame emio wan twer me bedo jotic me isikan kanyen, kalikame owok pi Iswil kame kowandiko awandik, do pi Tipo; pien Iswil kame kowandiko neko, do Tipo mio kuo.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.