1 Iyutun 23:4 - Baibuli I Leb Kumam 2013

⁴ Abaka oko keto Jolebi tutumia ot are kiwie ongwon (24,000) pi timo tic me tempulo, Jolebi tutumia kanyape (6,000) pi bedo jodongo me tempulo kede jongolkop,

1 Iyutun 23:4 Iomraidhean Croise

1 Iyutun 6:48

Jolebi ace apat oudo kopoko negi tice ace apat dedede kame kotimo i ot me woro Rubanga.

2 Iyutun 19:8

I Yerusalem Yekosapat oko yero Jolebi, josaseredoti, kede jotel me miere me Isirael, pi ngolo kope amakere kede turo Iswil ka Rwot, kede ace amakere kede atwomutwomun i diere me jo.

2 Iyutun 23:18

Yekoyada oko keto Josaseredoti kede Jolebi pi timo tic me tempulo. Gin oudo kipoore timo tic kame bin Abaka Daudi opoko negi, tic me mino giayala awanga but Rwot, bala kame kowandiko i Iswil ka Musa, di kiwero kede yomcuny bala kame Daudi oudo ociko.

2 Iyutun 34:13

bin koketo gi neno tic me jo ayeo jamini, kede da gin nogo en kame bin kinyuto ne jo koudo timo tice apat dedede gi me atima. Jolebi apat bin obedo joigigir, jodongo me tice, kede jodar irutei.

Nekemia 11:22

Usi wot ka Bani en kame bin telo Jolebi kame bedo Yerusalem. Joakwari mege bin obedo: Kasabia, Matania, kede Mika. En oudo ebedo dano me ekeko ka Asap, jo me ekeko kame bin kop amako wer i ot ka Rubanga tie i cing gi.

Nekemia 11:9

Yoweri wot ka Sikiri en kame bin ngatel gi, kede Yuda wot ka Kasenua en kame bin lubo tien ngat kame lo bomba. Ngasaseredoti me agege me bedo kunono en Yedaya wot ka Yoyarib, kede Yakin.

Esekeri 44:24

Kame jo tie kede atwomutwomun, gin kibino bedo bala jongolkop, di kiko ngolo kop di lubere kede iswilia na. Gin kibino donyo lubo iswilia na dedede amako ceng adongo kame kotieko moko me edini, doko da kibino gwoko ceng Sabato bedo cil.

Malaki 2:7

Pien josaseredoti en kame miero gwok ngec me ateni amako Rubanga. Jo poore ot pwonyere but gin, pien gin en kibedo joor ka Rwot me jo yi.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Iswilia 16:18

“Poore iyerunu jotel kede jotic kame konyo gi kikom jo me ikekon wu dedede, i bomban dedede kame Rwot Rubanga wu tie mino wu. Gin poore kingol kope ne jo kakare.