1 Iyutun 23:25 - Baibuli I Leb Kumam 2013

²⁵ Daudi oko waco be, “Rwot Rubanga me Isirael otieko mino jo mege anapakin, doko eda kikome ebino donyo bedo Yerusalem nakanaka.

1 Iyutun 23:25 Iomraidhean Croise

2 Samuel 7:1

Di bin Abaka Daudi odonyo bedo i paco mere me abaka, di do oudo Rwot otieko mine wei ki cing jokwor mege dedede kame oudo oluke,

2 Samuel 7:11

Cako i kare kame ango bin aketo kede jongolkop pi telo jo na me Isirael, jo areco oko bedo tidilo gi, do nataman abino mino gi kiwei ki cing jokwor gi. Medo i wi manono, Rwot owaco ni be en kikome ebino mini ikwae.

1 Abakai 8:13

Ango atieko gero nin ot me deyo, kakame in ibino bedo iye pi kare lung.”

1 Abakai 8:27

“Do in, Okwe Rubanga, kom ateteni ibino bedo i lobo kan? Akadi malo lung likame romi, kara do benyo benyo kame ot noni kame ango atieko gero bino romi kede?

1 Iyutun 22:18

En ewaco be, “Rwot Rubanga wu obedo tie kede wu di eko mino wu anapakin i bad tetu dedede. Piento en emia abwono jo dedede kame oudo tie bedo i lobo noni. Gin nataman kitieko doko jo kame tie i apugan wun kede i apugan ka Rwot.

2 Iyutun 23:18

Yekoyada oko keto Josaseredoti kede Jolebi pi timo tic me tempulo. Gin oudo kipoore timo tic kame bin Abaka Daudi opoko negi, tic me mino giayala awanga but Rwot, bala kame kowandiko i Iswil ka Musa, di kiwero kede yomcuny bala kame Daudi oudo ociko.

Sabuli 135:21

Pakunu Rwot i Sion, en ngat kame ebedo Yerusalem. Pakunu Rwot.

Sabuli 68:16

Okwe moru kame wie tot atota, pinyo bo komio in ineno kede nyeko moru kame Rubanga oyero pi bedo kabedo mere, kakame Rwot bino bedo iye nakanaka?

Sabuli 68:18

En eko ot malo i wi moru abor nono, di etero jo atot kame emako ki yi; en egamo giamia kibut jo, akadi kiton kibut jo kame dagi ne Rwot Rubanga bedo kuno.

Sabuli 9:11

Werunu were me pako Rwot, ngat kame bedo i Sion. Tucunu tice mege ngere but jo.

Isaya 8:18

Rwot me jo yi, ngat kame bedo i wi moru me Sion otieko keta, ango kede idwe kame emia, pi bedo bala anen akuo but jo me Isirael.

Esekeri 48:35

Boro me apamai ongwon koluko bomba nono ka koriribo bino bedo kilomita kanyangon. Nying anyen kame kobino mino bomba nono en, “Rwot Tie Kan!”

Sakaria 8:3

Ango abino dok Yerusalem di ako donyo bedo i diere. Kobino donyo lwongo Yerusalem be bomba kame genere, kede moru ka Rwot me jo yi kobino donyo lwongo be moru kacil.

2 Jokorinti 6:16

Winyere nyo kame tie i dierediere me tempulo ka Rubanga kede cal jwogi? Pien wan otienu tempulo ka Rubanga kakuo; bala kame Rubanga owaco kede be, “Ango abino bedo i diere gi di aoto kiye, di ako bino bedo Rubanga gi, di gin kiko bino bedo jo na.”

Jokolosai 2:9

Pien Rubanga i tie mere lung bedo i en i cal me kom,

Yosua 23:1

Di do oudo kare kalac otieko kato, di Rwot oudo otieko mino jo me Isirael anapakin, di likame jokwor gi kame oudo oluko gi bobo do lolo gi, doko di Yosua da oudo otieko ti twatwal,