1 Iyutun 22:5 - Baibuli I Leb Kumam 2013

⁵ Pien Daudi oudo obedo kede tam kame waco be, “Woda Sulumani pwodi titidi doko pwodi likame engeo jamini atot, do di ot kame kobino gero ne Rwot miero bed ibus twatwal, di nyinge iruo i wi lobo lung. Pi mano, ango poore atim iik kame make.” Aso, Daudi oko iiko jamini atot twatwal kame mako gedo me ot nono, di pwodi likame eto.

1 Iyutun 22:5 Iomraidhean Croise

1 Abakai 3:7

Okwe Rwot Rubanga na, in itieko mino ango ngatic ni adoko abaka kawang papa na Daudi, bed bala ango pwodi atie dano atitidi kalikame ngeo epone me telo jo.

1 Abakai 9:8

Ot noni bino doko atukit me ameje; jo dedede kame beo i ngete bino uro twatwal di kijwire. Gin kibino waco be, ‘Pinyo bo komio Rwot otimo gikame cal kamanono ne lobo noni kede ot noni?’

1 Iyutun 29:1

Abaka Daudi oko waco ne ekodet lung kocokere be, “Woda Sulumani ngat kame Rubanga otieko yero, pwodi titidi doko pwodi likame engeo jamini atot. Aso di tic kame miero en etim dwong twatwal; pien tempulo noni en likame ebino gero pi jo do pi Rwot Rubanga.

2 Iyutun 13:7

Kicen mere di Rekoboam odoko abaka, in iko coko jo atie kede iponeso areco di kony gi li pi gangi, di ikounu ot titiso Rekoboam, di en oudo pwodi etitidi likame engeo epone me gengo wu.

2 Iyutun 2:4

Nan ango amito gero ne Rwot Rubanga na tempulo, di ako bino kwere bute. En ebino bedo kakame komie iye giayala me odok angwe kur, kede kame koyalo ne iye nakanaka mugati kacil, kede kame komie iye giayala awanga odiko kede otieno acelacel, kede i ceng Sabato kede i Ebaga me Por Duwe, kede i ceng adongo ace me woro Rwot Rubanga wa. En eciko ne jo me Isirael pi timo kamanoni nakanaka.

2 Iyutun 2:5

Ot kame ango abino gero bino bedo dwong, pien Rubanga wan dwong kalamo rubangan apat.

2 Iyutun 2:8

Cwai na da ibaon me yen seda, saipuras, kede alegum, pien ango angeo be jotic nin tie kede diru i tic me ibaon me Lebanon. Jotic nango bino tic karacel kede jotic nin

2 Iyutun 7:21

“Bed bala tempulo noni nan jo uro kitek, jo dedede kame beo i ngete kom gi bino to di kipenyere be, ‘Pinyo bo komio Rwot otimo gikame cal kamanono ne lobo noni kede ot noni?’

Esera 3:12

Jo atot i kom josaseredoti kede Jolebi kede jotel me miere, idongia koudo bin oneno tempulo me agege koudo tie kanono, oko kok twatwal kakame kineno kede di kotie cibo acakini me apama me tempulo anyen noni, bed bala jo atot apat oudo tie ilelem pi yomcuny.

Agole 4:3

I kare kame oudo ango pwodi atitidi kede, di atie kede jonywal na, di oudo toto na mara,

Ngarab kop 9:10

Gimoroni kenekene kame in itimo, poore itime kede teko ni dedede, pien i kabedo me jo oto, kakame in itie ot iye kunono, likame tie tic moro, tam arabo ngec, amoto rieko.

Isaya 64:11

Tempulo wa, odi acil, kakame bin joakwari wa paki kiye, kotieko wango. Kabedere wa dedede kame oudo omaro otieko doko amejeko.

Esekeri 7:20

Gin oudo kibedo wakere pi mwolere gi acil, do kiko lokere tic kede gi me timo caljwogi. Manono en komio Rwot omio abar gi olokere odoko gikame rac negi.

Agai 2:3

“Benyo, tie ngatamoro kikomu kame pwodi yutuno kite kame tempulo oudo cil kede? Nataman ecal benyo? Mam eneeno bala gimoro kame kony mere li?

Agai 2:9

Tempulo kanyen bino bedo cil kalamo tempulo kacon. Ango abino kelo mulem kabedo noni. Ango Rwot me jo yi en awaco.”

Luka 21:5

Jo mogo oko donyo yamo kop kame mako tempulo, epone kame oudo kotubuso en kede kide kabeco kede giamia kame oudo komio but Rubanga; en eko waco ne gi be,

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 3:30

En miero emeede, do ango miero adok piny.”

Yokana 9:4

Wan miero otimunu tice me ngat oora di pwodi ceng tie, iwor bino tuno di ngatamoro likame ko twero tic.