1 Iyutun 22:16 - Baibuli I Leb Kumam 2013

¹⁶ kede saabu, siliba, buronsi, kede ayon. Aso, nataman cak do timo tic. Ango akwao Rwot ebed kedi.”

1 Iyutun 22:16 Iomraidhean Croise

1 Abakai 2:2

“Ango ayapuno to. Bed tek, doko bed kede nwangcuny,

1 Abakai 7:47

Sulumani bin likame oko mino kopimo peko me jamini nogi dedede, pien oudo kitot twatwal, di manono oko mino rom me nyonyo buronsi kame kotio kede likame oko ngere.

1 Iyutun 22:11

Daudi oko meede di ewaco be, “Pi mano, in woda, ango akwao Rwot Rubanga ni ebed kedi, tetekeny in ikaruno gero ot ka Rubanga ni, bala kame en etieko waco.

1 Iyutun 22:14

Ango atieko cane di ako coko jamini me gero ot ka Rwot. Atieko iiko saabu kame kalamo kilo milion adek kede tutumia tol ongwon (3,400,000), kede siliba kame kalamo kilo milion ot adek kiwie ongwon (34,000,000). Medo i kom magonogo, atieko iiko nyonyo buronsi kede ayon kalikame kokaruno pimo peko gi. Ibaon kede kide da tie cuto, do poore imed mogo.

1 Iyutun 22:15

In itie kede jotic atot twatwal. Itie kede jo apao kide, jo agero apama, jo kame timo tic me ibaon, kede jo atot atota kame timo tice me cing me epone apapat, jo kame tie kede diru me tic

1 Iyutun 22:3

Daudi oko da mino nyonyo ayon atot me timo sumalin kede ipatai me ikekon me irutei, kede eko mino twon nyonyo buronsi kalikame kokaruno pimo peko mere.

1 Iyutun 28:10

In poore ingei be Rwot otieko yeri pi gero tempulo mere kacil. Poore in ibed tek di iko timo tic nono.”

1 Iyutun 29:2

Ango atieko timo teko di ako iiko jamini me gero ot ka Rubanga na. Atieko iiko saabu, siliba, buronsi, ayon, ibaon, kide me wel, kide ace atitino me amwona i kom saabu, kede kide ace me wel me erangi apapat kede kidi mabol atot adikinicel.

2 Iyutun 1:1

Sulumani wot ka Daudi bin oko sipakin i ajakanut mere me Isirael; Rwot Rubanga mere oudo tie kede en, di eko mine emeede ameda doko tek.

2 Iyutun 20:17

Likame wun ibinunu yi. Kenekene wun teerenu di ikounu cungo mot, di ikounu bino neno di Rwot mio wu ibwonunu yi. Okwe wun jo me Yuda kede Yerusalem, kur ibedunu kede gungcuny, doko da kur imiunu cunyu nyote; diki otunu isurunu gi, Rwot bino bedo tie kede wu!”

1 Jokorinti 15:58

Pi mano, imiegu kede amiegu na kame amaro, cungunu kitek abongo yangere, di imeedenu ameda nakanaka timo tic ka Rwot, bala kame ingeunu kede be, likame tie tic moro kame wun itimunu ne Rwot, kame kony mere li.

Joepeso 5:14

Pien gi dedede kame doko gikame neeno kakaler obedo lero. En komio kowaco be, “Nganino, cei! Yaruno kikom jo oto, di Kirisito ko bino mini lero.”

Jopilipi 4:13

Ango akaruno timo gi dedede i Kirisito ngat kame mia adoko tek.

Yosua 1:2

Rwot owaco ne be, “Ngatic na Musa otieko to, nan iikere, in karacel kede jo dedede me Isirael, pi ngolo ecilet me Yorodan donyo i lobo kame ango atie mino wu.

Yosua 1:5

Yosua, likame tie dano moro kame bino sobolo bwoni i kare me kuo ni lung. Ango abino bedo tie kedi bala kame oudo abedo tie kede Musa; ango abino bedo tie kedi, likame abino jali.

Yosua 1:9

Nan ango aciki be, bed dano atek di itie kede nwangcuny; kur ibed kede lworo amoto potocuny, pien ango Rwot Rubanga wu atie kedi i kabedo dedede kame ioto iye.”

Yosua 7:10

Rwot oko waco ne Yosua be, “Yai malo! Pinyo komio itie riebere piny kamano?

Jongolkop 4:14

Di do Debora oko waco ne Barak be, “Yai do ioti! Ceng atin Rwot otieko mino Sisera i cingi. Ateteni Rwot tie telo ni yongayo.” Aso, Barak oko yai ki moru me Tabor kede jo yi tutumia tomon (10,000).

1 Samuel 17:37

Daudi oko waco be, “Rwot ngat kolaka ki lak engu kede ki lak edubu, bino laka da ki cing icuo me Pilistia noni.” Aso, Saulo oko waco ne Daudi be, “Oti, akwao Rwot bed tie kedi.”

1 Samuel 20:13

Do ka aniang be en emito timo ne in raco, di likame ango ako mini ingeo, doko likame ako cwani ioto tenge kede mulem, ango akwao be Rwot miango alola. Akwao be Rwot bed kedi bala kame lem en ebedo kede papa na.