1 Iyutun 21:16 - Baibuli I Leb Kumam 2013

¹⁶ Daudi oko ngoloro malo di eko neno malaika ka Rwot tie cungo malo i yamo, di emako epima i cinge, etieko iikere me timo nek Yerusalem. Di do Daudi kede jotel me jo, gin dedede di kingapo ipukoi, oko riebere piny.

1 Iyutun 21:16 Iomraidhean Croise

Ageini 3:24

En eriamo dano tenge di eko keto cerubim kede epima kame liel mac di ewire pi daro yongayo kame donyo kakame yat kame mio kuo oudo tie iye.

1 Abakai 21:27

Kakame Akab owinyo kede kope nogi, en eko nyinyilo igoen ki kome di eko ngapo epuko. En eko kanyo kec di eko donyo buto i epuko nono, di eoto di ening aninga.

2 Abakai 19:1

Kakame Esekia owinyo kede kop kame gin kitero ne, en eko nyinyilo igoen me kome, eko um kede epuko pi iturur, di eko ot i ot ka Rwot.

2 Abakai 6:17

Di Elisa oko lego be, “Okwe Rwot, yab wange tetekeny etwer neno piny.” Aso, Rwot oko yabo wang ngatic nono di eko twero neno piny; en eko neno di asigiran kede cabalan aliel mac oumo bad moru luko Elisa.

Esekeri 30:25

Ango abino mino bad abaka me Babilon doko tek, do bad abaka me Misiri bedo lojolojo. Ango abino keto epima na i cing abaka me Babilon di en eko cime kede Misiri, di jo dedede ko bino ngeno be ango en Rwot.

Esekeri 9:8

Di gin oudo kitie neneko jo, ango oudo adong kena. Ango ako poto piny ariebacuny di ako kok kede dwan amalo be, “Okwe Rwot Rubanga, benyo, in do itieko lilo kede Yerusalem kitek en komio itie neko jo dedede kodong i Isirael?”

Wel 14:5

Di Musa kede Aaron oko riebere piny i nyim ekodet me jo me Isirael.

Wel 16:22

Do Musa kede Aaron oko riebere piny kwano Rwot di kiwaco ne be, “Okwe Rubanga, in en Rubanga kame mio kuo, benyo, in ibino doko ger ne ekodet dedede pi dub me dano acel kenekene?”

Wel 22:23

Kakame punda oneno kede malaika ka Rwot di tie cungo i yongayo, di emako epima di tie i cinge, en eko weko yongayo di eko parao i poto. Balaam oko jwato punda pi dwoke i yongayo.

Wel 22:31

Di do Rwot oko yabo wang Balaam, di eko neno malaika ka Rwot di tie cungo i yongayo kede epima i cinge; di Balaam oko riebere piny pi mine wor.

Jongolkop 13:20

Kakame leb mac tie liel kede ot malo ki alutari, Manoa kede dako mere oko neno di malaika ka Rwot tie ot malo kede leb mac nono, di gin kiko riebere kiumo wang gi piny.