1 Iyutun 21:13 - Baibuli I Leb Kumam 2013

¹³ Daudi oko waco ne Gad be, “Ango nan atie i lieto! Do likame amito be dano en kame mia alola, do poore Rwot en kame mia alola, piento en etie kede cuny me kisa.”

1 Iyutun 21:13 Iomraidhean Croise

2 Abakai 6:15

Kakame ngatic ka Elisa oyai kede odiko sek di eko donyo ooko, en eko udo isirikalen atie kede asigiran kede cabalan di oluko bomba. En eko dok but Elisa di eko lelemo be, “Okwe adwong, wan otie i can! Obino timo benyo?”

2 Abakai 7:4

Ka owacunu be odonyunu i bomba, kec tie i bomba obinunu to kec; do ka odongunu kan da, pwodi obinunu to kamanono. Pi manono, wan ojalerenu ot i kimere me jo Siria, ka kimito neko wa wek kinek wa, do ka kimito weko wa obino dong kuo.”

2 Iyutun 28:9

Enabi ka Rwot bin tie Samaria kunono kame nyinge Oded. Kakame bin isirikalen me Isirael tie dok kede paco, en eko yai pi ot riamo kede gi di eko waco negi be, “Rwot, Rubanga ka joakwari wu oudo olilo ne jo Yuda, di en eko mino wun ibwonunu gin, do nataman en etieko winyo kite kame wun ikounu neko gin kede abongo kisa.

Esita 4:11

“Iswil tie amako donyo i diakal me yie pi neno abaka; jotic mege dedede kede jo mege ngeo iswil noni. Ngatamoroni kame donyo tetek ot neno abaka di likame kolwonge alwonga, ngat nono kopoore neko. Kwanyo kenekene ka abaka ocwao ebela mere me saabu di dano nono oko mako, manono en kamio dano nono bwot. Do ango nataman atieko duwe acel di pwodi likame abaka olwonga doko pi ot bute.”

Esita 4:16

“Oti icok Iyudayan dedede atie Susa karacel, di ikounu kanyo kec di ilegunu pira. Kur icamunu gimoro akadi mato gimoro pi ceng adek kede iwor da adek. Ango karacel kede anyira kame konya wada obino timo kamanono. Ingei manono ango abino ot but abaka tetek bed bala iswil likame yei; ka ango abino to pi timo kamanono, ango do ayei.”

Sabuli 103:8

Rwot mwol doko engakisa, en likame esunyo doko ger, doko epong kede amara kalikame lokere.

Sabuli 106:7

Bin di joakwari wa oudo tie Misiri, gin likame kiko paro pi tice nin me aura; gin likame kiko yutuno amara nin adwong kalikame lokere, do gin kiko lunyo jemo ne Ngamalo Twal i Nam Akwar.

Sabuli 119:156

Cuny me kisa nin dwong, Okwe Rwot; mia abed kuo di lubere kede ngolo kop nin me ateni.

Sabuli 130:4

Do in isasiro jo, me wek jo bed kede wor buti.

Sabuli 130:7

Okwe jo me Isirael, bedunu kede gen but Rwot! Pien Rwot tie kede amara kalikame lokere, doko en etie kede twer adwong me lako jo.

Sabuli 5:7

Do pi amara ni adwong kalikame lokere, ango abino donyo i odi; abino luro i nyimi i tempulo ni kacil pi mini wor.

Sabuli 69:13

Do ango gira akelo kwac na buti, Okwe Rwot. Okwe Rwot, pi amara nin adwong kalikame lokere, gam koko na i kare kame poore. Pi kony nin kame genere

Sabuli 69:16

Gam kwac na, Okwe Rwot, pien amara nin kalikame lokere ber; lokere buta pi cuny me kisa nin adwong.

Sabuli 86:15

Do in, Okwe Rwot, ibedo Rubanga kame timo jo kisa doko itimo mwolo; in cunyi likame susunyo wang, doko amara nin kalikame lokere kede genere nin dwong twatwal.

Sabuli 86:5

Pien in, Okwe Rwot, iber doko isasiro jo, amara ni kalikame lokere dwong but jo dedede kame kok buti.

Agole 12:10

Dano atie kede ekite kopoore gwoko leini mege, do jo areco kisa gi rom aroma kede gero.

Isaya 46:7

Gin kirionge i epepet di kiko yene; gin kisipe kabedo mere, di eko dong cungo kanono, likame ekaruno nyiko ki kabedo mere nono. Ka ngatamoro olego bute, likame egamo doge, doko likame elako ngatamoro ki peko.

Isaya 47:6

Ango oudo alilo kede jo na; amio gi kidoko cal bala gi me kwer buta. Ango ako mino gi i cingi, di in likame iko nyuto negi cuny me kisa; akadi jo oti da in ibedo kede gero atek i kom gi.

Isaya 55:7

Jo kame timo gikareco miero wek yongayo me kuo gi nono, doko jo kalikame opoore miero wek gikame tie i tam gi; miero gin kidwog but Rwot, tetekeny en kisa make kede gi. Miero kidwog but Rubanga wa, piento en ebino sasiro gi adikinicel.

Isaya 63:15

Okwe Rwot, ngoloro wa ki malo kabedo ni kacil, en kabedo me deyo, di iko neno gikame tie timere. Cunyi kame paro pirwa do tie tuai? Twer ni kara tie tuai? Ani amara ni kede cuny me kisa ni? In itieko kwanyo gi kibut wa.

Isaya 63:7

Ango abino tatamo gikame Rwot otieko timo pi kisa mere, jamini kame mio wan poore opake. En etieko timo bero adwong but jo me Isirael pi cuny me kisa mere kede pi amara mere kalikame lokere.

Koko ka Yeremia 3:32

Akadi bed bala en ekel ne wa cwercuny, en ebino bedo kede cuny me kisa di lubere kede amara mere kalikame lokere.

Yona 3:9

Ngai ngeo? Cengemogo Rubanga twero dwodwoko cunye di eko loko tam mere; cengemogo eromo weko gero kame etie kede di okounu bino bwot.”

Yona 4:2

En eko lego but Rwot di ewaco be, “Okwe Rwot, mam oudo awaco ni manoni di oudo pwodi atie i piny wa? Manoni en komio oudo ango aringo Tarusi i agege. Pien ango angeo be in ibedo Rubanga angakisa kede atimo jo mwol; likame isunyo doko ger, ipong kede amara kalikame lokere, doko da nakanaka in itieko iikere pi gonyo cunyi di likame iko mino alola.

Mika 7:18

Okwe Rwot, likame tie rubanga moro kame cal bala in; in isasiro dub me donge me jo ni. In likame idong di ililo nakanaka, pien in cunyi yom pi nyuto amara ni kalikame lokere.

Abakuk 3:2

Okwe Rwot, ango atieko winyo kop i kom gikame in itieko timo. Ango atie kede lworo atek i kom tice nin. Nataman med timo i kare wada; jamini adongodongo kame in bin ibedo timo. Ka iko lilo, yutuno cuny me kisa ni.

Yokana 12:27

“Nan cunya tie kede peko. Nan do awac benyo? Benyo, awac be, ‘Papa, laka ki esawa me can noni?’ Li, pien kop noni en komio ango atuno iesawa ni.

Jopilipi 1:23

Kope are gi dia twatwal. Mit nango tie be koto atoi di ako ot bedo kede Kirisito, pien mano ber kalamo.

Iburanian 10:31

Etie gi me lworo pi poto i cing Rubanga kakuo.