1 Iyutun 21:12 - Baibuli I Leb Kumam 2013

¹² Mwakini adek me kec, arabo dwete adek me ringo tenge kibut jokwor ni, amoto ceng adek me Rwot suri kede epima mere i yore me kelo aumpuli i lobo kame in ipugo, di etio kede malaika mere pi kelo to i lobo me Isirael. Nan in kong par kope go di iko mina kop kame abino dwoko ne ngat koora.”

1 Iyutun 21:12 Iomraidhean Croise

2 Samuel 21:1

I kare me apugan ka Daudi, kec oko poto pi mwakini adek di lubere aluba. Daudi oko penyo Rwot pi kop nono, di Rwot oko waco ne be, “Remo me nek tie i wi Saulo kede jo me ode, piento en bin eneko jo Gibeon.”

1 Abakai 17:1

Enabi anyinge Elia dano me Tisibe i lobo me Gilead oko waco ne Akab be, “Akwongo i nying Rwot Rubanga akuo me Isirael ngat kame ango atio ne be, kot amoto toyo likame bino bedo tie i mwakini nogi, tuno di ango awaco be kibed tie.”

2 Abakai 19:35

Di do malaika ka Rwot oko ot i kimere me isirikalen me Asiria di eko neko isirikalen tutumia tol acel kede ot kanyauni kiwie kany (185,000). Oru mere odiko sek kakame piny oru kede, kom jo oto oudo orade piny.

2 Abakai 8:1

Elisa oudo owaco ne dako me Sunem koudo en eyaruno wode be, “Yai kede jo me odi ikounu ot bedo karamoroni, pien Rwot tie cwano kec i lobo noni pi mwakini kanyaare.”

1 Iyutun 21:11

Gad oko ot but Daudi di oko waco ne gikame Rwot owaco; Gad oko waco ne be, “Yer kop acel kikom magi:

Sabuli 91:6

amoto tuwo areco kame mako jo iwor, arabo can kame muducaro jo i dier i ceng.

Yai 12:23

Pien Rwot oyaro bebeo neneko jo me Misiri, do ka en eneno remo i kor ipirin me ekeko kede i wi ekeko malo, en ebino kalamo ekeko nono di likame eko yei ne Malaika me To donyo i ot nono pi timo nek.

Isaya 66:16

Rwot bino mino jo dedede me wi lobo, jo kame kop bino lono, alola me mac kede epima. Jo kame Rwot bino neko bino bedo tot.

Yeremia 12:12

Joyak obino pi yako kabedere dedede atie i wi imukuran me wi tim; pien ango acwao yi pi dudubo lobo nono dedede, likame tie ngatamoro kame bino bedo kede anapakin.

Yeremia 42:16

yi kame itienu lworo nono bino udo wu kunono, kede kec da kame itienu lworo nono bino lubo wu Misiri, di ikounu to kunono.

Yeremia 47:6

Wun ikokunu be, ‘Okwe epima ka Rwot! Iyaro tero kare kame rom amene en amio iko do ling? Dok i ekularu ni, bed mot di iko wei!’

Koko ka Yeremia 4:9

Jo kame oudo koneko i yi can gi oudo beber kalamo jo kame nataman tie to kec, jo kame kuo gi yai momot pi li me cam.

Jolebi 26:10

Ibinunu tieko kare kalac di icamunu cam kame oudo icokunu i kare kokato, doko ibinunu kwanyo tenge cam me kare kokato nogo pi weko kabedo ne cam anyen.

Jolebi 26:17

Ango abino lokere dagi wu, di jokwor wu ko bwono wu; jokwor wu bino pugo wu, doko ibinunu bedo kede lworo atek kame bino mino iringunu tenge abongo ngatamoro kame tie riamo wu.

Luka 4:25

“Doko i ateni, awaco ne wu be, apuserun oudo bin tot i piny me Isirael i kare ka Elia, kakame kot bin likame oko cwei kede pi mwakini adek kede dwete kanyape, di kec atek oko mako piny nono dedede.

Tice 12:23

Cucuto nono di malaika ka Rwot oko mino tuwo odipo Erode, pien oudo likame emio Rubanga deyo. Kudiling oko came di eko to.

Iswilia 28:15

“Do ka likame ilubunu kope ka Rwot Rubanga wu, i yore me wun dagi lubo cik kede iswilia mege kame tin ango atie mino wu, can kame bino poto i komu bino bedo kaman:

Iswilia 28:22

En ebino cwano ne wu tuwo ajwio komu, musuja, tuwo adopo komu bala mac; ebino cwano yamo aliet kede ceng arieny cutucutu, kede tuwo atopo cam i poti; gin kibino guro ne wu tuno wun to.

Iswilia 28:25

“Rwot bino mino jokwor wu bwono wu; ibinunu beo ki tucel me ot suro gi, do ibinunu ringo tenge kibut gi i bad dedede. Di jo me atekerin dedede me wi lobo ko bino bedo kede lworo ka kineno gikame otimere ne wu.

Iswilia 28:27

Rwot bino cwano ne wu giakwoti bala kame bin etimo ne jo me Misiri; ebino coro buge i komu, nyac kede gwenyu kalikame bino cango.

Iswilia 28:35

Rwot bino coro giakwoti alit kalikame cango i tienu; giakwoti bino mwono tienu tuno i wi wu.