1 Iyutun 21:10 - Baibuli I Leb Kumam 2013

¹⁰ “Oti iwace Daudi be ango atie mine kope adek me ayera. En eyer kop acel di ango ako bino timo ne gi nono.”

1 Iyutun 21:10 Iomraidhean Croise

1 Iyutun 21:11

Gad oko ot but Daudi di oko waco ne gikame Rwot owaco; Gad oko waco ne be, “Yer kop acel kikom magi:

1 Iyutun 21:9

Rwot oko waco ne Gad, en enabi ka Daudi be,

Agole 3:12

pien Rwot bunano ngat kame en emaro, bala kame papa me atin bunano kede wode kame cunye tie i kome.

Wel 20:12

Do Rwot oko waco ne Musa kede Aaron be, “Pien wun likame ikounu keto gen wu buta, omio likame ikounu nyuta i wang jo me Isirael be ango ngat kacil. Pi mano, wun likame ibinunu telo gi tuno i lobo kame ango atieko cikere pi mino gi.”

Yosua 24:15

Ka wun likame imitunu timo tic ne Rwot, tin yerunu ngat kame wun ibinunu timo ne tic, arabo rubangan kame joakwari wu bin woro i Mesopotamia, arabo rubangan me jo Amor kame wun itienu bedo i lobo gi. Do ango kede jo me diakal na, wan obino timo ne Rwot tic.”

Gianyuta 3:19

Ango abunano jo kame amaro, doko abitaro gi; pi mano, miero iketunu cunyu di ikounu swilaro.