1 Iyutun 20:7 - Baibuli I Leb Kumam 2013

⁷ Lonono oko donyo nywaro jo me Isirael, di Jonasan, wot ka omin me Daudi kame nyinge Simea, oko neke.

1 Iyutun 20:7 Iomraidhean Croise

1 Iyutun 2:13

Yese oudo tie kede awobe kanyaare: di lubere kede dongo gi nying gi oudo ige: Eliab, Abinadab, Sama,

1 Iyutun 20:6

Yi ace bobo oko poto Gat, kame oudo tie iye dano adwong dwong me aura, kame cinge acelacel oudo tie kede anyira lwete kanyape, kede tiene acelacel da oudo tie kede anyira lwete me tiene kanyape; eda oudo ebedo akwar me itucio.

1 Iyutun 20:8

Jo adek nogi oudo obedo anywali me itucio me jo me Gat; Daudi kede jo mege oko neneko gin dedede.

1 Iyutun 27:32

Jonasan, neru me Daudi, oudo obedo ngat kame tie kede diru i mino tam, doko oudo esomo twatwal. En kede Yekiel wot ka Kakimoni en kame bin kilo kop amako isoma me awobe ka abaka.

Isaya 37:23

Benyo, iparo be ngai en kame in oudo itie yeyeto di icao? Ngai en kame in oudo ilelemo i wie? Ngai en kame in oudo ineno kede ewaka kame cal kamano? Magonogo in oudo itimo i kom ango Rubanga kacil me Isirael!

1 Samuel 16:9

Yese oko kelo Sama. Samuel oko waco be, “Manoni da likame Rwot oyero.”

1 Samuel 17:10

Icuo me Pilistia nono oko meede kede yamo be, “Tin ango acao isirikalen me Isirael! Kong mianu icuo acel ebin wan oyi kede.”

1 Samuel 17:26

Daudi oko penyo jo kame oudo tie cungo i ngete be, “Nyo kame kobino timo ne ngat kame bino neko dano me Pilistia no, di eko kwanyo lewic ki wi jo me Isirael? Dano me Pilistia kalikame kokepo noni obedo ngai komio en ecao isirikalen ka Rubanga akuo?”

1 Samuel 17:36

Ango atieko neko inguon kede idubun; abino neko dano me Pilistia kalikame kokepo noni da kamanono, piento en etieko bedo kede acae i kom isirikalen ka Rubanga akuo.”