1 Iyutun 20:5 - Baibuli I Leb Kumam 2013

⁵ Yi ace bobo oko poto kede jo me Pilistia, di Elikanan wot ka Yair oko neko Lakami omin me Goliat dano me Gat. Tir me tong mere oudo dwong bala yat kame jo kudo me kuno ausin me egoe.

1 Iyutun 20:5 Iomraidhean Croise

2 Samuel 21:19

Yi ace bobo oko poto kede jo me Pilistia i kabedo kame kolwongo be Gob, di Elikanan wot ka Yair dano me Betelem oko neko Goliat dano me Gat. Tir me tong mere oudo dwong bala yat kame jo kudo me kuno ausin me egoe.

1 Iyutun 11:23

Doko da eneko dano me Misiri, icuo acil adikinicel di ecwe di edongo malo mita are. Icuo nono oudo tie kede twon tong i cinge, do Benaya oko mako ebela eko ot yi kede. En eko wariso tong ki cing icuo me Misiri nono di eko lokere neke kede tong mere nono.

1 Iyutun 20:6

Yi ace bobo oko poto Gat, kame oudo tie iye dano adwong dwong me aura, kame cinge acelacel oudo tie kede anyira lwete kanyape, kede tiene acelacel da oudo tie kede anyira lwete me tiene kanyape; eda oudo ebedo akwar me itucio.

1 Samuel 17:4

Di do twon dano me alwora kame nyinge Goliat, me bomba me Gat, oko wokun ki bad me jo Pilistia; oudo edongo boro mere kalamo puti kanyangon.

1 Samuel 17:7

Tir me tong mere oudo ibimirir bala lilim kame jo kudo me kokodo ausi me cweno egoe, doko leb tong mere oudo kotimo kede nyonyo ayon di epek ewao bala kilo kanyaare. Oudo dano kame mako ebuku mere telo ne anyim.

1 Samuel 21:9

Akimelek oko gamo be, “Epima ka Goliat dano me Pilistia angoce in ineko i aditot me Ela en atie kane, koboe i egoe etie ingei epod. Ka in imite, tere, pien likame bobo tie apat, kwanyo en kenekene.” Daudi oko waco ne be, “Mia manono; likame tie epima moro aber kalamo en!”

1 Samuel 22:10

Akimelek bin oko penyo Rwot pire, di eko mine cam kede epima ka Goliat dano me Pilistia.”