1 Iyutun 19:18 - Baibuli I Leb Kumam 2013

¹⁸ Jo me Siria oko ringo tenge ki nyim jo me Isirael. Di Daudi oko neko jo Siria tutumia kanyaare (7,000) kame bin ringo kede cabalan, kede jo tutumia ot ongwon (40,000) kame bin oto kede tien, doko kiko neko Sobak ngat koudo obedo ngatel me isirikalen me Siria.

1 Iyutun 19:18 Iomraidhean Croise

2 Samuel 10:18

Jo me Siria oko ringo tenge ki nyim jo me Isirael. Di Daudi oko neko jo Siria tol kanyaare (700) kame bin riamo cabalan kede jo tutumia ot ongwon (40,000) kame bin ringo kede asigiran, doko kiko wano Sobak ngat koudo obedo ngatel me isirikalen di en eko to kanono.

1 Iyutun 19:17

Kakame Daudi oko winyo kede kop nono, en eko coko isirikalen dedede me Isirael karacel, di kiko ngolo ecilet me Yorodan, di eko teero gi nyim gi oneno jo me Siria. Jo me Siria oko yi kede gi.

1 Iyutun 19:19

Kakame abakai kame bin tio ne Kadadese oko do neno kede be jo me Isirael oudo otieko bwono gi, gin do kiko kwano Daudi pi weko gin kibed kede mulem; di do gin kiko doko jo kame en epugo. Di do jo me Siria oko dagi konyo jo Amon atwal.

Sabuli 18:32

En Rubanga kame miango teko, doko emio yongayo kame ango alubo bedo ber.

Sabuli 33:16

Akadi di abaka tie kede isirikalen atot, likame gin kikaruno gwoke; ngat kame tek i yi likame lo yi pi teko mere.

Sabuli 46:11

Rwot me jo yi tie kede wa; Rubanga ka Yakobo en karingo wa me ot gwokere.