1 Iyutun 19:11 - Baibuli I Leb Kumam 2013

¹¹ isirikalen odong mege en eko mino omin mere Abisai telo gi, di Abisai oko mino gi kiteere pi yi kede jo Amon.

1 Iyutun 19:11 Iomraidhean Croise

1 Iyutun 11:20

Abisai omin me Joab en oudo obedo ngaloc me “Jo Ot Adek” angere. En bin eyi kede jo tol adek (300) kede tong mere di eko neko gin dedede, di en eko doko dano angere twatwal kikom “Jo Ot Adek”.

1 Iyutun 18:12

Abisai wot ka dako kame nyinge Seruya, bin oko bwono jo Edom i Aditot me Munyo di eko neko jo me Edom tutumia tomon kiwie kanyauni (18,000).

1 Iyutun 19:10

Kakame Joab oneno kede be jokwor oudo tie i nyime kede i ngee, en eko yero isirikalen mogo atek yi kikom isirikalen me Isirael, di eko keto gi kiteere pi yi kede jo me Siria;

1 Iyutun 19:12

En ewaco ne be, “Ka ineno be jo Siria tie bwona, bia ikonya; do ka jo Amon teko gi tie mito bwoni, ango abino ringini konyi.

1 Iyutun 19:9

Jo Amon di oko donyo oko me bomba di kiko teere i erute me bomba pi yi, di abakai kame oudo obino pi konyo yi tie ken gi kiteere i ebar.