1 Iyutun 18:6 - Baibuli I Leb Kumam 2013

⁶ Di do en eko keto isirikalen Damasiko kunono, di jo Siria kame bin bedo Damasiko oko doko jo kame bin Daudi pugo, doko kiko donyo culo esolo bute. Rwot bin oko mino Daudi obwono jo dedede kame en oudo eko yi kede gi.

1 Iyutun 18:6 Iomraidhean Croise

1 Iyutun 17:8

Ango abedo tie kedi i kabedere dedede kame in oudo ioto iye, di ako muducaro jokwor ni dedede i nyimi. Ango abino mino nyingi bedo iruo, bala nying jo kame pirgi tek ki wi lobo.

1 Iyutun 18:2

En eko bobo da bwono jo Moab, di eko mino jo Moab kame oko dong oko doko jo kame tie i loc mere di kiko donyo culo esolo bute.

1 Iyutun 18:5

Kakame bin jo Siria kame oudo bedo i piny me Damasiko oko bino kede pi konyo Abaka Kadadese me Soba, Daudi oko neko jo tutumia ot are kiwie are (22,000) kikom gi.

1 Iyutun 18:7

Daudi bin oko mano ibukui kame kotimo kede saabu kame oudo jotic ka Kadadese mako, di eko tero gi Yerusalem.

Sabuli 121:8

Rwot bino gwoki cako in yai ot, tuno in dwogo, ebino konyi kamanoni cako nataman tuno ikar kede ikar.

Agole 21:31

Akadi di isirikalen iikere kede asigiran pi ot yi, do Rwot en kame mio gi kibwono jokwor.

1 Samuel 18:14

di eko bedo lono yi dedede me eoto iye, pien Rwot oudo tie kede.